लूका 8:10 - सिरमौरी नौवाँ नियम

¹⁰ तैणै बौल़ौ, “तुऔं खै तौ पौरमेशवरे आपणै राज्य कै भैद बौताए राए, पौरौ ओकी कै उदारणो दौ शुणाए राए इथकारिए कै, ‘सैजै दैखदै बैई बै ना दैखौ, औरौ शुणौ तौ औसौ पौरौ किछै बै ना सौमझौ।’”

Sirmouri

¹⁰ प्रभू यीशू ऐ बुलो, “तुँओं कैई पंण्मिश्वर के राजो का भेद् देऐ थुवा, परह् ओकी कैई अनाँणे दो बुली; किन्देंखे के ‘से दे:खियो भे दे:ख्दे ने, अरह् शुणियों भे सम्झोंदे ने।’

लूका 8:10 ပူးပေါင်းရင်းမြစ်များ

मत्ती 11:25

तौलोंई यीशुए बौल़ौ, “ओए रै पिता, स्वर्ग औरौ धोरती कै प्रभु, हांव तैरा धन्यवाद कौरु, कै तुऐं इनु बातौ खै ज्ञानी लोगौ औरौ सौमझदारो कैईंदी छिपायो राखै रैई, औरौ नानड़िया पांदी प्रगट कौरी।

मत्ती 16:17

यीशुए तैसीखै जोवाब दिया, “ओए रै शमौन योना का बैटा, तू धन्‍य औसौ; जिथुखै मांस औरौ लोऊ शै नै, पौरौ मैरा पिता जू स्वर्गो दा औसौ, ऐजै बात तांव पांदी प्रगट कौरे राए।

मरकुस 4:11

तैणै तिनुखै बौल़ौ, “तुऔं खै तौ पौरमेशवरे आपणै राज्य कै भैद बौताए राखै, पौरौ जू लोग मुं पांदी बिशवाश ना कौरौ तिनु सौबी कारिए ऐजी सौबै बातौ उदारण कै जैशणी औसौ।”

मरकुस 4:12

इथकारिए जैशैकै पवित्र शास्त्र दो लैखै राव कै, “सै दैखौ तौ औसौ पौरौ तिनकै किछै दैखियौं ना, औरौ सै शुणौ तौ औसौ पौरौ किछै बै ना सौमझौ; ऐशैखै ना हौंव कै सै मैरै धोरे पाछु आंव औरौ हांव तिनु माफ कौरे दियु।”

यूहन्ना 12:40

“तैणै तिनकी आखी आन्धी कौरी दी ताकि सै दैखै नी सौकौ, औरौ तिनकै दिमाक बंद कौरे दिए ताकि सै सौमझी नी सौकौ। नही तौ सै मैरी ढौबौ फिरी जांदै औरौ हांव तिनु ठीक कौरे दैंदा।”

रोमियों 16:25

ऐबै जू तुऔं कै जैसी सुसमाचार का हांव प्रचार कौरु तुऔं खै बिशवाश दै मोजबूत बाणु, तैसी भैद कै पेयाशै कै हिसाब शै जू हमैशा शै छिपैयौंदा रौआ।

1 कुरिन्थियों 12:11

पौरौ ऐजा सिरफ पौरमेशवर का आत्मा औसौ जू इनु सौबी वरदानो का दैणौवाल़ा औसौ, औरौ सै सैजाई औसौ जू तिनु हरेक खै जैशै सै चांव तैशै बांडो।

कुलुस्सियों 2:2

हांव मैहनत इथकारिए कौरु कै जिथुकै हांव तुऔं बिशवाश दै मजबूत कौरणा चोऊं औरौ तुऐं सौबै ऐकी दूजै कै साथै प्यार दै बौणैयौंदे रौव औरौ पौरमेशवर पिता कै भैद कै जाणै सौकौ जू तुऔं कै आछी सौमझ दैंव ऐजा भैद मसीह कै बारै मुंजी औसौ।

1 तीमुथियुस 3:16

बिना कोसी शक कै आमै इयौं बातौ कै साबित कौरे सौकु कै पौरमेशवर कै शिक्षाए बिना कोसी वाद विवाद कै पूरी तरह शै साची औसौ। मसीह ऐक आदमी बौणा, तैसी पवित्र आत्मा कै दवारा पौरमेशवरे आपणा बैटा साबित कौरा, स्‍वर्गदूतै तैसी दैखा, लोगै देश-देश दा तैसकै बारै मुंजी प्रचार कौरा, पूरी दुनिया कै लोगै तैसी पांदी बिशवाश कौरा, औरौ तैसी स्वर्ग कै महिमा दा स्वर्गो कै ऊबा निया।