लूका 8:1 - सिरमौरी नौवाँ नियम

¹ इथकै बाद सै नोगरो-नोगरो औरौ गांव गांव दा प्रचार कौरदै बैई, औरौ पौरमेशवर कै राज्य का सुसमाचार प्रचार कौरदै बैई फिरदा लागा, औरौ सैजै बारौ चैलै बै तैसकै साथै थिए।

Sirmouri

¹ तबे प्रभू यीशू नंगर-नंगर अरह् गाँव-गाँव दे रीटियों ब्खाँण कर्दे, अरह् पंण्मिश्वर के राज्य के आच्छ़ी खुष्खबरी शुणाँदें लागे, अरह् तिन के बारह् खास-चैले भे तिन की ही गईलो थिऐ।

लूका 8:1 ပူးပေါင်းရင်းမြစ်များ

मत्ती 11:1

जोबै यीशुए आपणै बारौ चैलै खै उपदैश दैय पाए, तौ सै तिनकै नोगरो दा शिक्षा औरौ प्रचार कौरणौ खै तिथैदा हौटै गौआ।

मत्ती 13:19

जू कुणिए पौरमेशवर कै राज्य का वचन शोणेयो ना सौमझौ, औरौ जू किछै तैसकै मन दो बौए राए थियु तिथु दुष्ट शैतान आयौ चुराएयो लौए जांव; ऐजौ सैजौई औसौ जू बाटो कै मियाल़ो पुंडु बौए राए थियु।

मत्ती 4:23

यीशु सारै गलील जिले दा घुमदै बैई तिनकै यहूदी सभा-घोर दा उपदैश दैन्‍दा, औरौ पौरमेशवर कै राज्य का सुसमाचार प्रचार कौरदा लागा औरौ लोगौ की हर भान्त की बीमारी औरौ कमजोरियों खै दूर कौरदा रौआ।

मत्ती 9:35

तोबै यीशु औरौ तैसकै चैलै गलील जिले कै शहरो औरौ गांव शै हौयौ हौटै, औरौ तिनकै यहूदी सभा-घोर मुंजी उपदैश दैंदा, औरौ पौरमेशवर कै राज्य का सुसमाचार प्रचार कौरदा, औरौ हर भान्त की बीमारी औरौ कमजोरियों खै दूर कौरदा रौआ।

मरकुस 1:39

ऐशैखैई सै सारै गलील जिले कै बौहितै जौगैह दा तिनकै यहूदी सभा-घोरो दा जायौ प्रचार कौरदा औरौ दुष्टआत्माओं खै निकाल़दा रौआ।

लूका 1:80

औरौ सैजा भेइया यूहन्ना, बौढ़दा औरौ आत्मा दा मोजबूत हौंदा रौआ, औरौ इस्राएल देश कै लोगौ मुंजी उपदैश दैणौ कै दूस तौड़ी शुनशान जौगैह दा रौआ।

लूका 20:1

ऐक दूस ऐशै हौ, कै जोबै तैणै मन्दिर दा लोगौ खै उपदैश दैय लौआ थिया, औरौ सुसमाचार प्रचार कौरे लौआ थिया, तौ मुख्य यहूदी पुरोहित औरौ यहूदी शास्त्री, किछै बुड़ेईक तैसकै धोरे ओऊवे।

लूका 4:18

“प्रभु का पवित्र आत्मा मुं पांदी औसौ, इथकारिए तैणै मैरा अभिषेक कौरे राए, औरौ तैणै मुखै कैदी कै आज़ाद कौरणौ कारिए, आन्धै कै नज़र दैणौ कारिए, औरौ दोबैयौंदे कै छुड़ाणो कारिए, औरौ ऐजौ बौताणौ कारिए कै पौरमेशवर कै दया दिखाणौ का सौमय आए गौआ इथकारिए छाड़ै राए।

लूका 9:6

औरौ सै निकल़ैयो गांव-गांव सुसमाचार प्रचार कौरदै, औरौ हर कोसी लोगौ कै ठीक कौरदै फिरदै लागै।

प्रेरितो कै काम 10:38

पौरमेशवरे कैशैखै नासरत गांव कै यीशु खै पवित्र आत्मा औरौ अनौखी शौकतै लैई अभिषेक कौरा; सै भोलाए कौरदा औरौ सौबी खै जू शैतान कै सोताएयौंदे थिए, आछा कौरदा फिरा, जिथुकै पौरमेशवर तैसकै साथै थिया।

प्रेरितो कै काम 13:32

औरौ आमुए तुऔं तैसी कौरार कै बारै मुंजी जू पौरमेशवरे अमारै पुराणिया शै कौरे राए थै, ऐजा सुसमाचार शुणौऊं,

रोमियों 10:15

औरौ इदै आगै कै सुसमाचार शुणाणौ वाल़ै जायौ तिनु बौताए सौकौ, सुसमाचार शुणाणौ वाल़ै खै भैजणै जौरुरी औसौ, इथकारिए पवित्र शास्त्र बौल़ौ, “तिनकै पांव किशैक सुन्दर औसौ, जू आछी बातौ का सुसमाचार शुणांव!”