लूका 7:42 - सिरमौरी नौवाँ नियम

⁴² जोबै तिनुवांगो कर्जा पाछु कौरणौ कै किछै ना रोई, तोबै तैणै दु का कर्जा माफ कौरे दिया। इथकारिए तिनुमुंजी दै सौबिदा जादा प्यार कुण कौरदा?”

Sirmouri

⁴² परह् तिन कैई पाछु देंणों का किऐ भे ईन्त्तजाँम ने थी; तबे तैने माँहज्णें तिनू दुई को करजा माँफ करो; तबे तिनू दुई मुँझी कुँण्जा कर्जोऐ तैस्का पियार शा जादा साँन माँन्दा?”

लूका 7:42 ပူးပေါင်းရင်းမြစ်များ

मत्ती 18:27

तोबै तैसी दासो कै मालिकै तरस खाऐबा तैसीखै छोड़े दिया, औरौ तैसका कर्ज बै माफ कौरे दिया।”

मत्ती 18:34

औरौ तैसकै मालिकै गुस्से दा आयौ, तैसीखै सौजा दैणौवाल़ै कै हाथौ दा दैय दिया, कै जांव तौड़ी ऐणै सौब कर्जा ना चुकैई, तांव तौड़ी इनकै हाथौ दा रौंदा।

मत्ती 6:12

‘औरौ जैशैखै आमै आपणै अपराधियों कै माफ कौरे राए, तैशैखैई तू बै अमारै पापौ खै माफ कौर।’

लूका 7:43

शमौने जोवाब दिया, “मैरै सौमझ शै सैजा, जैसका तैणै जादा कर्जा माफ कौरा।” यीशुए शमौन खै बौल़ौ, “तुऐं ठीक बौल़ौ।”

रोमियों 3:24

पौरौ पौरमेशवर कै अनुग्रह शै तैणै आमु यीशु मसीह कै दवारा पाप कै सौजा शै छुटकारा दिया जू कै यीशु मसीह दा औसौ, पौरमेशवरे आमु बिना किछै कौरे ही धरमी साबित कौरे राए।

रोमियों 5:6

जिथुकै जोबै आमै कमजोर ही थिए, तौ पौरमेशवर दवारा ठौहरायौंदे सौमय पांदी मसीह आमु अधरमी लोगौ कारिए मौरा।

गलातियौं 3:10

पौरौ मूसा कै कानून दौ लैखै राए कै जू कुणिए बै सौबी नियमौ खै ना मानौ सैजै पौरमेशवर कै शराप कै खिलाफ औसौ। इथकारिए तिनु सौबी लोगौ पांदी शराप आए गौआ जू इनु कानून का पालन कौरेयौ पौरमेशवर कै सामणै धरमी बौणणौ कै कौचिश कौरौ। जिथुकै कुणिए बै तिनु कानूनो कै पूरी तरह शै हर सौमय पालन ना कौरे सौकौ।

इफिसियों 1:7

मसीह कै लोऊ बोवाणो कै दवारा पौरमेशवरे आमु बौचाए राए यानी अमारै पापौ कै माफ कौरे राए। पौरमेशवर का अनुग्रह बैजाए बौड़ा औसौ जू तैणै आमु दैय राए।

इफिसियों 4:32

ऐकी दूजै पांदी दयालु औरौ करूणामय बौणौ, औरौ जैशै पौरमेशवर मसीह दै तोंवारै पाप माफ कौरे, ऐशैखैई तुऐं बै ऐकी दूजै कै पाप माफ कौरौ।

कुलुस्सियों 3:13

औरौ जै कोसी आदमी कै कोसी पांदी दोष दैणौ कै बौजैह हौंव तौ ऐकी दूजै कै सैहन कौरौ औरौ ऐकी दूजै कै पाप माफ कौरौ, जैशै प्रभुए तोंवारै पाप माफ कौरे राए, तैशैखैई तुऐं बै कौरौ।