लूका 7:39 - सिरमौरी नौवाँ नियम

³⁹ ऐजौ दैखैयो सैजा फरीसी जैणै तैसी बोइदै राए थिया, आपणै मनो दो सुंचदा लागा, “जै यीशु पौरमेशवर कै बातौ बौताणौवाल़ा हौंदा तौ जाणै पांदा कै ऐजै जियैं ऐसीखै छुए लौआ, सै कुण औसौ, औरौ ऐजै कैशणी बैटमाणिश औसौ, जिथुकै ऐजै तौ वेश्या बैटमाणिश औसौ।”

Sirmouri

³⁹ जैसी यहूदी भाट-बाँम्णों कागी प्रभू यीशू पाऊँणें थिऐ, तेने ऐजो दे:खियों मंन ही मंन दो बुलो, के “जे ऐजा आदमी ऋषी हंदा, तअ ऐजो जरूर जाँण्दा के ऐजी तिरंऐ जिऐ ऐसी छुऐ लुवा ऐ कुँण अरह् कैष्णी असो; ऐ तअ पापिण असो।”

लूका 7:39 ပူးပေါင်းရင်းမြစ်များ

मत्ती 20:16

ऐशैखै जू इबी पाछलै औसौ सै औगौड़ियौ कौरे जांदै, औरौ जू आपी खै औगौड़ियौ सौमझौ सै पाछलै सौमझै जांदै।”

मत्ती 21:11

लोगै बौल़ौ, “ऐजा गलील जिले कै नासरत गांव का पौरमेशवर कै बातौ बौताणौवाल़ा यीशु औसौ।”

मरकुस 7:21

जिथु आदमी कै दिमाको शै बुरै-बुरै विचार, गौलत तरीकै शै सौमबंध बौणाणा, चोरी कौरणा, हत्या कौरणा,

लूका 12:17

तोबै सै आपणै मनो दो सुंचदा लागा हांव का कौरु? जिथुकै मैरै इथै ठाँव ना आथी, जिथै आपणै फसल राख सौकु।

लूका 15:2

पौरौ फरीसी औरौ यहूदी शास्त्री लोग खिजैयौ बौलदै लागै, “ऐजा तौ पापी लोगौआरी रौंव औरौ तिनकै साथै खाया-पैया बै कौरौ।”

लूका 16:3

तोबै भण्‍डारी सुंचदा लागा, “ऐबै हांव का कौरु? जिथुकै मैरै मालिकै ऐबै भण्‍डारी का काम मुंआदा आगु कौरे लौआ। जोमीन खुणणौ का काम मैरै शै ना हौंव; औरौ भीख मांगणौ दै मुखै शर्म आंव।

लूका 18:4

बौहुत दूसौ तौड़ी सै ना मानी पौरौ बाद मै आपणै मन दो सुचयो बौल़ौ, ‘जै हांव ना पौरमेशवर दा डौरु औरौ ना ही आदमी कै परवाह कौरु।

लूका 3:8

आपी खै साबित कौरौ कै तुऐं आपणै पापौ कै छोडे़बा पौरमेशवर कै ढौबौ फैरै गौवै। औरौ ऐजौ नै सोंचैया कै तुऐं ऐजौ बौलेयौ बौचै सौकौ कै अब्राहम अमारा बुड़ेईक औसौ, हांव तुऔं खै बुलू, की पौरमेशवर इनु पाथरो कौरेयौ अब्राहम कारिए तिथमुंजी दै वंश पौयदा कौरे सौकौ।

लूका 7:16

ऐजौ दैखैयो सौबै लोग डौर गौवै, औरौ सैजै पौरमेशवर की बौड़ाए कौरदै लागै, “अमारै बीच मुंजीदा ऐक बौड़ा पौरमेशवर कै बातौ बौताणौवाल़ा बिज़ रौआ, औरौ पौरमेशवर आपणै लोगौ कै मौदद कौरदा आए रौआ।”

लूका 7:37

तैसी नोगरो कै ऐक वेश्या बैटमाणिश कै जोबै ऐजा पौता लागा कै यीशु तैसी फरीसी आदमी कै घोरे खाणौ खांदा बौठै रौआ, तौ तिएं संगमरमर कै पाथरो कै बासणौ दो मोंगौ इत्र लोऊ।

लूका 7:38

औरौ रुंदै बैई यीशु कै पौछौड़ियौ तैसकै लातो कै धोरे खौड़ै हौए गौए, औरौ तैसकै लातो कै आशुओं लैई धौयौ, औरौ आपणै मुंडौ कै बाल़ो लैई गुशदै लागै, औरौ तैसकै लातो पांदी बार-बार चूमियो तिथपांदी इत्र मोल़दै लागै।

लूका 7:40

यीशुए तैसकै विचार जाणैबा तैसी जोवाब दिया, “ओए रै शमौन मैरै ताखै किछै बौलणौए।” तैणै बौल़ौ, “ओए रै गुरु बौल।”

यूहन्ना 4:19

बैटमाणिशै तैसीखै बौल़ौ, “ओए रै प्रभु, मैरै ऐशैखै जाणियौ कै तू पौरमेशवर कै बातौ बौताणौवाल़ै औसौ।

यूहन्ना 7:12

औरौ तिथै भीड़ौ कै लोग तैसकै बारै मुंजी चुपी-चुपी बौरिशी बातौ बौल़ै लोई थी। किछै लोग बौल़ौ थिए कै, “सै भला आदमी औसौ।” औरौ किछै लोगै बौल़ै लो थियु, “ना, सै लोगौ खै भरमांव।”

यूहन्ना 9:24

तोबै यहूदी नेताए तैसी आदमी खै जू आन्धा थिया, दुजाल़ियो बौएदैयौ खै तैसीखै बौल़ौ, “पौरमेशवर कै स्तुति कौरेयौ साचौ बौल़ै दै; जिथुकै आमु जाणुए कै ऐजा आदमी पापी औसौ।”