लूका 7:37 - सिरमौरी नौवाँ नियम

³⁷ तैसी नोगरो कै ऐक वेश्या बैटमाणिश कै जोबै ऐजा पौता लागा कै यीशु तैसी फरीसी आदमी कै घोरे खाणौ खांदा बौठै रौआ, तौ तिएं संगमरमर कै पाथरो कै बासणौ दो मोंगौ इत्र लोऊ।

Sirmouri

³⁷ अरह् तेथै ऐक नंगर के पापी-कू-करंम कर्णों वाल़ी तिरंई कैई ऐजा पता लागा, के प्रभू यीशू ऐं तैसी यूहदी भाट-बाँम्ण कागी खाणों खे खाऐ लो, तबे तिऐ संगमरमर की कुँन्ड़ी थो, सेंन्ट आणों।

लूका 7:37 ပူးပေါင်းရင်းမြစ်များ

मत्ती 21:31

इनु दु मुंजीदै कुणै पिता कै इछा पूरै कौरी?” तिनुऐ बौल़ौ, “आगलै।” यीशुए तिनुखै बौल़ौ, “हांव तुऔं खै साचौ बुलू, की महसूल लोणो वाल़ै औरौ वेश्या तुऔं दै आगै पौरमेशवर कै राज्य दै प्रवेश कौरदै।

लूका 18:13

“पौरौ मामला लोणो वाल़ै दूर ही खौड़ा हौयौ औरौ तैणै स्वर्ग कै ढौबौ दैखणौ बै ना चोऊ, पौरौ दुख कै साथै छाती पीटैयो बौल़ौ, ‘ओए रै पौरमेशवर मुं पापी पांदी दया कौर।’

लूका 19:7

ऐजौ दैखैयो सौबै लोग बोड़बौड़ायो बौलदै लागै, “सै तौ ऐकी पापी आदमी कै घोरे पोऊंणा बोणेयो चालै रौआ।”

लूका 5:30

इथपांदी फरीसी लोग औरौ तिनकै यहूदी शास्त्री लोग तैसकै चैलै कै कुड़कुड़ायो बौल़ौ, “तू मामला लोणो वाल़ै औरौ पापियों कै साथै किथुखै खाएं पियैं?”

लूका 5:32

हांव पापी लोगौ खै बोईददा आए रौआ कै सै पाप कौरणा छोड़े दैंव, ना कै तिनु बोईददा आए रौआ जू आपी कै धरमी बौणौ।”

लूका 7:34

हांव आदमी का बैटा खांदा पींदा आए रौया; औरौ तुऐं बौल़ौ, ‘दैखौ, हांव पेटू औरौ पियक्कड़ आदमी, मामला लोणो वाल़ै औरौ पापियों का दोस्त औसौ।’

लूका 7:36

तोबै कोसी फरीसी लोगै तैसीयादै बिन्ती कौरे कै तू मैरै साथै खाणौ खा; औरौ सै तैसी फरीसी कै घोरे जायौ खाणौ खांदा बोठा।

यूहन्ना 11:2

ऐजै सैजै मरियम थी जियैं बाद मै प्रभु कै लातो पांदी इत्र रितायौ खै तैसकै लातो खै आपणै बाल़ो लैई गौशै राए थिए, तियौंका भाई लाजर बीमार थिया।

यूहन्ना 9:24

तोबै यहूदी नेताए तैसी आदमी खै जू आन्धा थिया, दुजाल़ियो बौएदैयौ खै तैसीखै बौल़ौ, “पौरमेशवर कै स्तुति कौरेयौ साचौ बौल़ै दै; जिथुकै आमु जाणुए कै ऐजा आदमी पापी औसौ।”

यूहन्ना 9:31

आमै जाणुए कै पौरमेशवर पापी लोगौ की ना शुणौ पौरौ जै कुणिए पौरमेशवर कै आराधना कौरौ, औरौ तैसकै इछा पांदी चालौ, तौ सै तैसकी शुणौए।

रोमियों 5:8

पौरौ पौरमेशवर आमु पांदी आपणै प्यार कै भोलाए इयौं तरीकै लैई प्रगट कौरौ, कै जोबै आमु पापी ही थिए तौलोंई मसीह आमु कारिए मौरा।

1 तीमुथियुस 1:15

ऐजै कहावत साची औसौ, जियौं पूरी तरह शै मानणी औरौ बिशवाश कौरणी चैंई कै यीशु मसीह आमु पापी लोगौ कै बौचाणौ कारिए दुनिया दा ओऊवा, जिनुमुंजी सौबिदा जादा पापी हांव औसौ।

1 तीमुथियुस 1:9

आमै जाणुए कै मूसा कै कानून धरमी लोगौ कारिए नी पौरौ तिनु कारिए औसौ जू पौरमेशवर कै कानून कै अणदैखा कौरौ औरौ ना आज्ञा का पालन कौरौ। औरौ सैजै औकै लोग बै जू पौरमेशवर कै आराधना ना कौरौ बल्कि लगातार पाप कौरौ। औरौ सैजै बै जू भोक्‍ती ना कौरौ औरौ पौरमेशवर का आदर ना कौरौ औरौ अपवित्र औरौ अशुध्द जीवन जियौं, औरौ माँ-बापू औरौ ओकी कै हथयारै,

1 पतरस 4:18

जैशैखै पवित्र शास्त्र बौल़ौ, “जै ऐक आछै आदमी कौ बौचाए जाणौ ऐतरो मुशकिल औसौ, तौ दुष्ट आदमी औरौ पापी निशोंक हौयौ नाश हौए जांदै।”