लूका 7:33 - सिरमौरी नौवाँ नियम

³³ जिथुखै यूहन्ना बपतिस्मा दाता ना तौ रोटी खांदा ओऊवा, औरौ ना ही नौशीला रस पीयों थिया, औरौ तुऐं बौल़ौ थिए कै तैसदै दुष्टआत्मा औसौ।

Sirmouri

³³ संत्त-यूहन्ना नहाँण-कराँणों वाल़ा, ना तअ रोटी खाँव थिऐ, अरह् ना से अंगूरोह् का शाड़ा अंदा रंस पीयों थिऐ, परह् तबे भे तुँऐं बुलो, के ‘तैस्दी दुष्ट-आत्त्मा असो।’

लूका 7:33 ပူးပေါင်းရင်းမြစ်များ

मत्ती 10:25

चैलै का गुरु कै जैशणा हौणा, औरौ नोकरो का आपणै मालिक कै जैशणा हौणा काफी औसौ; औरौ जोबै तिनुऐ मुखै घोरो कै मालिक कै शैतान बौल़ै राए तौ ऐजै मैरै घोरो कै लोगौ कै हौजौ बै बुरै नांव शै बौईददै।

मत्ती 3:1

तिनु दूसौ दा यूहन्ना बपतिस्मा दाता आयौ यहूदिया प्रदेश कै उजाड़ जौगैह दा प्रचार कौरदा लागा।

मत्ती 3:4

ऐजा यूहन्ना ऊँटौ कै बाल़ो कै बुणेयोंदे खोटणो बाम्बौ थिया, औरौ आपणै कमर दा चामड़े का पाटा बानै राखौ थिया, तैसका खाणा जोंगलो का मौं औरौ चिचलै थिए।

मरकुस 1:6

यूहन्ना ऊँटौ कै बाल़ो कै बुणेयोंदे खोटणो बाम्बौ थिया, औरौ आपणै कमर दा चामड़े का पाटा बानै राखौ थिया, औरौ जोंगलो का मौं औरौ चिचलै खाया कौरौ थिया।

लूका 1:15

जिथुखै सै प्रभु कै सामणै महान हौंदा, औरौ सै नौशीला रस औरौ सूर कौलोंई ना पिन्‍दा औरौ आपणी माँ कै पेटो दा ही पवित्र आत्मा लैई भौरेयौंदा हौंदा।

लूका 7:32

सै तिनु नानड़िया साए औसौ, जू बोईजारो दै बोठेयो ऐकी दूजै की चुगली कौरौ कै, ‘आमुए तुऔं कारिए खुशी कै गाणै गोऊवे, औरौ तुऐं ना नाची, औरौ आमुए शोग मौनौऊं औरौ तुऐं ना रुई!’

लूका 7:34

हांव आदमी का बैटा खांदा पींदा आए रौया; औरौ तुऐं बौल़ौ, ‘दैखौ, हांव पेटू औरौ पियक्कड़ आदमी, मामला लोणो वाल़ै औरौ पापियों का दोस्त औसौ।’

यूहन्ना 10:20

तिनुमुंजी दै बौहितै सारै लोग बौलदै लागै, “ऐसी दै दुष्टआत्मा औसौ, औरौ ऐजा पागल औसौ, ऐसकी नी शुणौ।”

यूहन्ना 8:48

ऐजौ शोणेयो यहूदी नेताए तैसीखै बौल़ौ, “आमै ठीक लो बौल़ै, कै तू सामरिया प्रदेश का रौणौवाल़ा औसौ, औरौ तांव दै दुष्टआत्मा औसौ।”

यूहन्ना 8:52

यहूदी नेताए तैसीकै बौल़ौ, “ऐबै आमुए जाणै पोऊँ कै तांव दै दुष्टआत्मा औसौ। अब्राहम मौरे गौआ, औरौ पौरमेशवर कै बातौ बौताणौवाल़ा बै मौरे गौवै औरौ तू बौल़ै, ‘जै कुणिए मैरी शिक्षा पांदी हांडला तौ सै हमैशा तौड़ी ना मौरदा।’

प्रेरितो कै काम 2:13

पौरौ ओकी लोगै ठाटै पाड़ैयो बौल़ौ, “ऐजै तौ नौवें सुरो कै नोशे दै पागल हौए रौवै।”