लूका 7:21 - सिरमौरी नौवाँ नियम

²¹ तैसी सौमय यीशुए बौहितै कै बीमारियों औरौ पीड़ो औरौ दुष्टआत्मा शै छुड़ाए औरौ बौहितै शै आन्धै की आखी खै ठीक कौरी।

Sirmouri

²¹ तैख्णी ही प्रभू यीशू ऐ बैजाऐ भहीतें बीमार-दु:खिया, अरह् दुष्ट-आत्त्मा के च़ूड़ै अंदे लोग, अरह् बैजाऐ बहीते शैड़े लोगों खे नंजर दिती।

लूका 7:21 ပူးပေါင်းရင်းမြစ်များ

मत्ती 4:23

यीशु सारै गलील जिले दा घुमदै बैई तिनकै यहूदी सभा-घोर दा उपदैश दैन्‍दा, औरौ पौरमेशवर कै राज्य का सुसमाचार प्रचार कौरदा लागा औरौ लोगौ की हर भान्त की बीमारी औरौ कमजोरियों खै दूर कौरदा रौआ।

मत्ती 4:24

औरौ गलील जिले कै उतर दिशा कै सारै सीरिया प्रदेश दी तैसकै चौर्चा फोयलै गौए; औरौ लोगै सौबी बीमारों खै जू कैई भान्त कै बीमारियों औरौ दुखो दै पौड़ेयौंदे थिए। औरौ जिनुदी दुष्टआत्माएं थी औरौ मिर्गीवाल़ै औरौ ओधरंग कै रोगी खै बै तैसकै धोरे लाए औरौ तैणै तिनुखै ठीक कौरे।

मरकुस 3:10

यीशुए बौहितै लोगौ कै ठीक कौरे राए थिए। जिथुकै बौहितै सारै बीमार लोगौ कै भीड़ तैसी बाइरै कौठै हौए रौए थी, औरौ तैसीखै छुणौ कै कौचिश कौरौ थिए।

मरकुस 5:29

औरौ तौलोंई तिंयारौ लहू बोहणौ का रोग ठीक हौए गौआ; औरौ तियैं आपणै शोरीरो दो जाणै पोऊँ, कै हांव तियौं बीमारी दै ठीक हौए गौए।

मरकुस 5:34

यीशुए तियौंकै बौल़ौ, “बैटी, तुऐं मुं पांदी भोरोशा कौरे राए कै हांव ताखै ठीक कौरे सौकु, इथकारिए शान्तै शै आगु जा, औरौ ऐबै तू आपणै बीमारी शै बिल्कुल ठीक हौए गौए।”

लूका 7:20

तिनुऐ तैसकै धोरे आयौ बौल़ौ, “यूहन्ना बपतिस्मा दाताए आमु कै तैरै धोरे ऐजौ पूछणो कारिए छाड़ै राए, कै का तू ही सैजा मसीह औसौ, जैसी छाड़णौ का वादा पौरमेशवरे कौरे राए थिया, या आमु कोसी ओकी कै ठोल़नाए कौरु?”

इब्रानियों 12:6

जिथुकै प्रभु जैसी आरी प्यार कौरौ, तैसीखै डांट बै लांव, औरौ जैसी सै आपणा बैटा मानौ, तैसीखै सै छिटै कै बै मारो।”