लूका 6:6 - सिरमौरी नौवाँ नियम

⁶ ऐशैखै हौं कै हौजौ कोसी विशांव कै दूसै सै यहूदी सभा-घोरो दा जाएयो बौतांदा लागा; औरौ तिथै ऐक आदमी थिया, जैसका हाथ शोकै रौआ थिया।

Sirmouri

⁶ तबे कोसी ओकी बिषाँव के देसे प्रभू यीशू ऐं कोसी ओकी यहूदी लोगो के च़ोंत्रै दे हुटियों लोगो कैई बचन के शिक्क्षा देऐ लऐ थी; तबै तेथै ऐक आदमी थिया, जैस्का सुवाँ हाथ शुक्का अंदा थिया।

लूका 6:6 ပူးပေါင်းရင်းမြစ်များ

मत्ती 4:23

यीशु सारै गलील जिले दा घुमदै बैई तिनकै यहूदी सभा-घोर दा उपदैश दैन्‍दा, औरौ पौरमेशवर कै राज्य का सुसमाचार प्रचार कौरदा लागा औरौ लोगौ की हर भान्त की बीमारी औरौ कमजोरियों खै दूर कौरदा रौआ।

लूका 13:10

विशांव कै दूसै यीशुए यहूदी सभा-घोरो दा उपदैश दैय लौआ थिया।

लूका 14:3

इथपांदी यीशुए यहूदी शास्त्र कै ज्ञानी औरौ फरीसी लोगौ शै पूछु, “का विशांव कै दूसै लोगौ खै ठीक कौरणा अमारै कानून दै इजाज़त औसौ कै आथी ना?”

लूका 4:16

तोबै यीशु नासरत गांव दा पाछु ओऊवा, जिथै सै पाला पोसा गौआ थिया, औरौ आपणै भोवार कै हिसाब शै विशांव कै दूसै यहूदी सभा-घोर दा जायौ पवित्र शास्त्र पोढ़णो कारिए खौड़ा हौआ।

लूका 4:31

तोबै सै गलील जिले कै कफरनहूम नगर दा हौटा, औरौ विशांव कै दूसै लोगौ कै उपदैश दैन्दा लागा।

लूका 6:1

तोबै विशांव कै दूसै सै आयौ बागड़ी बाटी हौयौ जांदै लागै रौवै थिए, औरौ तैसकै चैलै सिलै तौड़ै-तौड़ेयो औरौ हाथौ दै मोल़ मोल़यो खाए लोऐ थिए।

लूका 6:5

औरौ तैणै तिनु बौल़ौ, “हांव आदमी का बैटा विशांव कै दूसौ का बै प्रभु औसौ।”

यूहन्ना 5:3

इनु मुंजी भौरिशै बीमार लोग तिथै पौड़ेयौंदे रौंव थिए। किछै आन्धै थिए, किछै लोंगड़े थिए, औरौ किछै ओधरंगी थिए। जू (पाणी कै हिजाल़णौ कै आश मुंजी) पौड़ेयौंदे रौंव थिए।

यूहन्ना 9:16

इथपांदी कैई फरीसी लोग बौलदै लागै, “ऐजा आदमी पौरमेशवर कै औरौ शा ना आथी, जिथुकै सै विशांव कै दूस कै ना मानौ।” ओकीए बौल़ौ, “ऐसकै जैशणा पापी आदमी कैशै चौमत्कार कै काम दिखाए सौकौ?” इयौं बातौ लैई तिनुमुंजी फूट पौड़ै गौए।