लूका 6:45 - सिरमौरी नौवाँ नियम

⁴⁵ आछा आदमी आपणै मनो कै आछै भण्डार शै आछी बातौ घाड़ो, औरौ बुरा आदमी आपणै मनो कै बुरै भण्डार शै बुरी ही बातौ घाड़ो; जिथुकै जू तैसकै मन दो भोरयोंदो औसौ सैजौई तैसकै मुँओं पौरैशौ बायरै आंव।”

Sirmouri

⁴⁵ भला आदमी आप्णे सासो के आच्छै भंडार शी आच्छ़ी बातो नीकाल़ो; परह् जुण्जा बुरा असो, से भे आप्णें मंन की बुरे भंडार शी बुरी बातो नीकाल़ो; किन्देंखे के जुण्जो आप्णें मंन के भंडार दो भरो हों सैजो ही तअ आप्णी मुँह-ज़ात्ती शो बाँईडो आँव।

लूका 6:45 ပူးပေါင်းရင်းမြစ်များ

यूहन्ना 7:38

जू मुं पांदी बिशवाश कौरला जैशैकै पवित्र शास्त्रो दो लैखै राए, ‘तैसकै दिल शै पाणी की नोंदी बोहली, जू जीवन दैंव।’”

प्रेरितो कै काम 5:3

पौरौ पतरसे बौल़ौ, “ओए रै हनन्‍याह! शैतानै तैरै मनो दै पवित्र आत्मा शै झूठु बौलणौ कै बात पाए राए, औरौ तुऐं आपणै बिकेयोंदे जायदात कै दामो का ऐक हिस्सा आपी कैंई राखै राए?

इफिसियों 3:8

हांव पौरमेशवर कै सौबी लोगौ मुंजी सौबिदा बौड़ा नालायक औसौ। अनुग्रह कै दवारा मुखै ऐजा सौभाग्य भैटी रौआ कै हांव बैगानै यहूदी लोगौ कै मसीह कै असीम आशीष कै बारै मुंजी सुसमाचार शुणौऊं। ऐजै आशीष जू आमु मसीह कै ढौबौशै भैटौ, सै आदमी की सौमझ शै बायरै औसौ।

इफिसियों 4:29

कुणजै गौंदी बात तोंवारै मुं पौरैशी ना निकल़ी चैंई, जू किछै बै तुऐं बौल़ौ सैजौ आछौ औरौ मौददगार हौणौ चैंई, ताकि तोंवारै बातौ तिनु लोगौ का हौंसला बौढ़ाव जू तिनु बातौ कै शुणौए।

इफिसियों 5:19

जै तुऐं पवित्र आत्मा कै काबू दै हौंव, तौ तुऐं ऐशै कौरदै: जोबै तुऐं कौठै हौलै, तौ तुऐं स्तुति औरौ भजन कौरलै, औरौ औकै गीत जू पवित्र आत्मा आमु दैंव, औरौ आपणै-आपणै मन दै प्रभु कै सामणै गांदे औरौ स्तुति कौरदै।

कुलुस्सियों 3:16

मसीह कै वचन कै आपणै मनो दा जादा शै जादा बौसणौ दैव; औरौ सिध्द ज्ञान कै साथै ऐकी दूजै कै शिखाव, औरौ चैतावणी दैव औरौ आपणै-आपणै मन दा धन्यवाद कै साथै पौरमेशवर कारिए भजन औरौ स्‍तुतिगान औरौ आत्मिक गीत गाओ।

कुलुस्सियों 4:6

तुंआरी बातौ सौदा नम्रता कै साथै औरौ मन कै भाणो वाल़ी हौंव औरौ जै तुऐं ऐशै कौरलै तौ तुऐं शिखै पांदै कै लोगौ कै कैशै बुध्दिमानी कै साथै जोवाब दैणा, जोबै कुणिए तुऔं कैईंदु सुसमाचार कै बारै मुंजी पूछौ।

इब्रानियों 8:10

तोबै प्रभु बौल़ौ, कै जू कौरार हांव आणौवाल़ै दूसौ दै इस्राएल देश खै लोगौ कै साथै कौरदा, सैजै ऐजै औसौ, कै हांव तिनु मैरै नियम कै बारै मुंजी सुंचणौ दैंदा, औरौ सै तिनु आपणै मन दै राखदै, औरौ हांव तिनका पौरमेशवर बौणदा, औरौ सै मैरै लोग हौंदै।

यहूदा 1:15

सौबी लोगौ कै न्याय कौरणौ कारिए, औरौ तिनु सौबै बुरै कामौ कारिए जू लोगै कोरी राए औरौ तिनु पांदी दोष लाणौ कारिए जू तिनुऐ पौरमेशवर कै खिलाफ कौरे राए औरौ तिनु सौबी गौंदी बातौ कारिए जू तिनुऐ तैसकै खिलाफ बौल़ै रैई।”