लूका 6:29 - सिरमौरी नौवाँ नियम

²⁹ जै कुणिए तैरै ऐक खोखटै पांदी चटाका लालै, तैसकै ढौबौ खै ओका खोखटा बै फैरै दैया। औरौ जू तैरा झागा खिंचौ तैसी लोइया दैणौ शै बै मोना ना कौरेया।

Sirmouri

²⁹ अरह् जुण्जा तेरे सोऐं खुप्टे दे थापे लाला, तैस्के ढबे डेरा खोप्टा भे फेरे, अरह् जुण्जा ताँव कैई शी दोवड़ आगू करला तैसी आप्णा जह्गा-कुर्ता भे आगु कर्णों दिऐ।

लूका 6:29 ပူးပေါင်းရင်းမြစ်များ

मत्ती 26:67

तोबै तिनुऐ तैसकै मुँह पांदी थूकु, औरौ तैसी घूसै मारै, औरौ ओकी लोगै चटाके लायौ बौल़ौ,

लूका 22:64

औरौ तैसकी आखी बंद कौरेयौ तैसीयांदो पूछु, “पौरमेशवर शै बातौ कौरेयौ बोता कै ताखै कुणै मारा?”

लूका 6:30

जू कुणिए तांव कैईंदु मांगलै, तैसीखै दैय दै औरौ जू तैरी चीज़ खिंचौ तेसियांदै नी मांगैया।

यूहन्ना 18:22

जोबै तैणै तिनुखै बौल़ौ, तौ मन्दिर कै रोखवाल़ै मुंजीदै ऐकीए जू तिथी खौड़ा थिया, यीशु कै चटाका लायौ बौल़ौ, “का तू महायहूदी पुरोहित कै ऐशैखै जोवाब दैय?”

प्रेरितो कै काम 23:2

पौलुसे जू बौल़ौ ऐजौ शोणेयो कै हनन्‍याह महायहूदी पुरोहिते, तिनुखै जू तैसकै धोरे खौड़ै थिए, तैसकै मुँओं पांदी चढताल़ा लाणौ कै आज्ञा दै।

1 कुरिन्थियों 4:11

ऐलो कै दूसौ तौड़ी भूखै-प्यासै औरौ पुराणै फाटेयौंदे लुस्कै दै औसौ, औरौ घूसै बै खोऊं आमुकैंई घोर बै ना आथी।

1 कुरिन्थियों 6:7

हकीकत ऐजै औसौ कै तोंवारै बीच मुकदमे औसौ इथका मतलब औसौ कै तुऐं मसीह कै जैशणा बिल्कुल बै बर्ताव ना कौरे लैई इथकै जौगैह तुऔं कै ऐजौ कौरणौ चैंई थियु कै ओकी कै बुराई कै सैहन कौरदै औरौ आपणा नुकसान हौणौ दैंदै।

2 कुरिन्थियों 11:20

जिथुकै जोबै तुऔं कुणिए दास बाणै दैंव, या सैजौ सौबै आगु कौरौ जू तुंवागै औसौए, या तुऔं धौखा दैंव, या आपी खै तुऔं दा ऊबा राखौ, या तोंवारै मुँह पांदी पौटाका लांव, तौ तुऐं सैय सौकौ।

इब्रानियों 10:34

तुऐं कैदी कै दुख दै बै दुखी हुवे औरौ आपणै जायदात बै खुशी सै लुटणौ दै; जिथुकै तुऐं जाणौए कै तुऔं कैई ऐबै बै सैजी चीज़ौ औसौ जिथका वादा पौरमेशवरे कौरे राए थिया, जू कै बैजाए आछौ औसौ औरौ जू हमैशा बौणेयौंदी रौंदी।