लूका 6:27 - सिरमौरी नौवाँ नियम

²⁷ “पौरौ हांव तुऔं शुणणौवाल़ै कै बुलू, कै आपणै बौयरीआरी बै प्यार कौरेया; जू तुऔं आरी बुरु कौरलै तिनका भोला कौरौ।

Sirmouri

²⁷ “परह् हाँव तुओं शुण्णों आल़े खे बुलू, के आप्णे बईरी आरी पियार करह्, अरह् जुण्जा तुँओं आरी बईर करह् तैस्का भला करह्।

लूका 6:27 ပူးပေါင်းရင်းမြစ်များ

मरकुस 4:24

तोबै तैणै तिनुखै बौल़ौ, “चौकश रौया, कै का शुणौ? औरौ जैशैखै तुऐं ओकी का न्याय कौरलै, तोंवारा बै न्यांव कौरा जाला।

लूका 23:34

तोबै यीशुए बौल़ौ, “ओए रै बापू इनु माफ कौर ऐजै ना जाणौ कै ऐजौ का कौरे लो?” औरौ तिनुऐ चिट्ठी पायौ, तैसकै खोटणो आपी मुंजी बान्डै दिए।

लूका 6:22

“धन्‍य औसौ, तुऐं जोबै मुं आदमी कै बैटै कै बौजैह शै लोग तुऔं आरी बैर राखदै, औरौ तुऔं निकाल़ै दैंदै, औरौ तोंवारै नेंदैया कौरदै, औरौ तोंवारा नांव बुरु जाणैयौ काटै दैंदै।”

लूका 6:35

जै तुऐं आपणै दुशमन आरी प्यार राखौ, औरौ भोलाए कौरौ, औरौ हौजौ पाछु पाणै कै उमीद नी राखैयौ उधार दैंव; तौ तुऔं कारिए बौड़ा फोल़ हौंदा। औरौ तुऐं सौबीदै बौड़ै पौरमेशवर कै नानड़िया ठोहरलै, जिथुकै सै तिनु पांदी जू धन्यवाद ना कौरौ औरौ बुरै लोगौ पांदी बै कृपा कौरणौवाल़ा औसौ।

लूका 8:15

पौरौ बड़िया जोमीनो कै बिज़ सैजै लोग औसौ, जू पौरमेशवर का वचन शोणेयो ईमानदारी औरौ आछै मनो दै सोम्‍भालयों राखौ औरौ धीरज राखैयौ फोल़ लांव।”

लूका 8:18

इथकारिए तुऐं चौकश रौया कै तुऐं कैशैखै शुणौ, जिथुकै जैसकैंई किछै सौमझ औसौ, तैसीखै पौरमेशवर बौहितै सौमझ दैला। पौरौ जैसकैंई किछै बै सौमझ ना आथी, तौ पौरमेशवर तैसी कैईंदै सैजै सौमझ बै उंढी कौरदा जू तैसीकैईं औसौए।”

लूका 8:8

औरौ किछै बीज़ बड़िया जोमीनो पांदी छुटै, औरौ जामयो शो गुणा फोल़ लियोऊवा।” ऐजौ बौलेयौ तैणै जोर शै बौल़ौ, “जिनु कुणिए मैरी बात शुणी लोए, सै ध्यान सै शोणेया।”

प्रेरितो कै काम 10:38

पौरमेशवरे कैशैखै नासरत गांव कै यीशु खै पवित्र आत्मा औरौ अनौखी शौकतै लैई अभिषेक कौरा; सै भोलाए कौरदा औरौ सौबी खै जू शैतान कै सोताएयौंदे थिए, आछा कौरदा फिरा, जिथुकै पौरमेशवर तैसकै साथै थिया।

प्रेरितो कै काम 16:28

पौरौ पौलुसे जोर शै धाव दैयौ बौल़ौ, “आपी कै किछै बै नुकसान नी पोऊंचा, जिथुकै आमु सौबै इथी औसौ।”

प्रेरितो कै काम 7:60

हौजौ घुंडू नियुड़ायो जोर सै बौल़ौ, “ओए रै प्रभु, ऐसी पाप कारिए इनु माफ कौर।” ऐजौ बौलेयौ सै मौरे गौआ।

गलातियौं 6:10

इथकारिए जिथै तौड़ी मौका भैटौ, आमु सौबी लोगौ खै साथै भोलाए कौरणी चैंई; खास तौर शै साथी बिशवाशी कै साथै।

1 थिस्सलुनीकियों 5:15

ऐजौ ध्यान राखौ कै कोसी कै बुराई कै बौदलै बुराई नी कौरेया; बल्कि तुऔं ऐकी दूजै कारिए औरौ सौबी कारिए भले काम कौरणौ कै कौचिश कौरणै चैंई।

3 यूहन्ना 1:11

ओए रै प्यारे, जू बुराई कै काम कौरौ, तिनु लोगौ कै जैशणै ना बौणौ पौरौ भले काम कौरणौवाल़ै कै जैशणै बौणौ। जू भले काम कौरौए, सै ऐजौ दिखांव कै सै पौरमेशवर कै संतान औसौ, पौरौ जू बुरै काम कौरौ, सै पौरमेशवर कै ना पौछेयाणौ।