लूका 6:22 - सिरमौरी नौवाँ नियम

²² “धन्‍य औसौ, तुऐं जोबै मुं आदमी कै बैटै कै बौजैह शै लोग तुऔं आरी बैर राखदै, औरौ तुऔं निकाल़ै दैंदै, औरौ तोंवारै नेंदैया कौरदै, औरौ तोंवारा नांव बुरु जाणैयौ काटै दैंदै।”

Sirmouri

²² भाग्ईंत असो! तुँऐं जू आदमी के बैटे के ताँईऐंँ, लोग तुँओं आरी बईर कर्ले, अरह् तुवाँरी नीदया-चुगली लाँव, अरह् तुवाँरो नाँव बुरो जाँणियों काटी देले।

लूका 6:22 ပူးပေါင်းရင်းမြစ်များ

मत्ती 10:18

तुऔं मुं कारिए राज्यपालो औरौ राजाओं कै सामणै तिनु पांदी, औरौ सौब देशो पांदी गवाह हौणौ कारिए पाहुंचाऐ जांदै।

मत्ती 10:22

औरौ तुऐं मैरै चैलै औसौ इथकारिए सौबै लोग तुऔंआरी बैर कौरलै; औरौ जू आपणै मौरणौ कै सौमय तौड़ी मुं पांदी भोरोशा राखलै पौरमेशवर तैसीकै बौचाल़ा।

मत्ती 10:39

जू आपणै जिन्दगी बौचाणौ कै कौचिश कौरला, सै सौदा कै जिन्दगी गवांए दैला, औरौ जू मैरी बौजैह शै आपणै जिन्दगी गवाऐ दैला, सै स्वर्ग दै सौदा खै जिन्दगी पाला।”

लूका 20:15

औरौ तिनुऐ तैसीखै अंगूरो कै खेतौ कै बायरै लाएबा मारै दिया। इथकारिए ऐबै अंगूरो कै खेतौ का मालिक तिनु किसानो कै साथै का कौरदा?

लूका 21:17

तुऐं मैरै चैलै औसौ इथकारिए सौबै लोग तुऔंआरी बैर कौरलै।

लूका 6:21

“धन्‍य औसौ तुऐं जू इबी भूखै औसौ; जिथुकै पौरमेशवर तुऔं छोकाला। धन्‍य औसौ तुऐं जू इबी रुओंए, जिथु तुऐं होसदै।”

यूहन्ना 12:42

तोबै बै यहूदी नेताओं मुंजीदै बौहितै तैसी पांदी बिशवाश कौरा, पौरौ फरीसी लोगौ की बौजैह शै सै खौलेयौ तैसी नी मानौ थिए, तिनु इयौं बातौ का डौर थिया कै तिनु यहूदी सभा-घोरो शै बायरै ना गाड़ै दैंव।

यूहन्ना 16:2

सै तुऔं यहूदी सभा-घोरो पौरैशै बायरै निकाल़ै दैंदै, औरौ सैजा सौमय आए गौआ, कै जू कुणिए तुऔं मारणौ शै ऐजौ सौमझला कै जू पौरमेशवर चांव सैजौ हांव कौरु।

यूहन्ना 17:14

मोऐं तैरा सौंदेश तिनुकै दिया, औरौ दुनिया कै लोगै तिनु आरी बोयर राखा, जिथुकै जैशै हांव दुनिया आरी सौमबंध ना राखु, तैशैकैई सैजै बै दुनिया आरी सौमबंध ना राखौ।

यूहन्ना 7:7

दुनिया कै लोग तुऔं शै बैर ना कौरे सौकौ पौरौ सै मुं आरी बैर कौरौ, जिथुखै हांव तिनकै खिलाफ दो ऐजौ बुलू, कै तिनकै काम बुरै औसौ।

यूहन्ना 9:34

तिनुऐ तैसीखै जवाब दिया, “तू तौ पाका ही पापौ शै पौयदा हौए रौआ, तू आमुखै का शिखाए?” औरौ तिनुऐ तैसीखै सभा घोरो शै बायरै निकाल़ै दिया।

प्रेरितो कै काम 22:22

इथै तौड़ी तौ लोग पौलुस कै बात शुणदै रौवै, पौरौ तोबै जोर शै आवाज़ मारेयों लेलियोवे, “ऐसी आदमी खै मारै दैव; ऐसको जियुंदी रौणौ ठीक ना आथी!”

प्रेरितो कै काम 24:5

जिथुकै आमुए ऐसी आदमी खै झगड़ालु औरौ दुनिया कै सारै यहूदी लोगौ मुंजी बलवा कौरणौवाल़ा औरौ ऐजा नासरी पन्थ का मुखिया बै औसौ।

प्रेरितो कै काम 9:16

औरौ हांव तैसीखै बौतांदा, कै लोगौ खै मैरै बारै मुंजी प्रचार कौरणौ कै बौजैह शै तैसी कैशणा-कैशणा दुख झैल़णा पौड़दा।”

याकूब 1:12

धन्‍य औसौ सैजा आदमै, जू परीक्षा दा टिकैयौंदा रौंव, जोबै सै खरा साबित हौंव तौ तैसी सौदा कै जिन्दगी का मुकुट भैटदा, जिथका वादा पौरमेशवरे आपणै प्यार कौरणौवाल़ै आरी कौरे राए।

1 पतरस 3:14

पौरौ जै तुऐं सोही औसौ औरौ ऐजौ कौरणौ कै बौजैह शै तुऐं दुख सैहलै तौ पौरमेशवर तुऔं आशीष दैंदा। तैशैखै कौरौ जैशै याशायाहै लैखै राए थियु: “तिनु लोगौ दै नी डौरेया, जू तुऔं डौरांव औरौ इयौं बातौ कै फिकर नी कौरेया कै लोग का कौरे सौकौ।”