लूका 6:21 - सिरमौरी नौवाँ नियम

²¹ “धन्‍य औसौ तुऐं जू इबी भूखै औसौ; जिथुकै पौरमेशवर तुऔं छोकाला। धन्‍य औसौ तुऐं जू इबी रुओंए, जिथु तुऐं होसदै।”

Sirmouri

²¹ भाग्ईंत असो! तुँऐं जू बचनों के भूखे असो, तुँओं बचन लई छ़कऐं देंई दे, भाग्ईंत असो! तुँऐं जू रूओं ऐ, तुँऐं हस्ले अरह् खुशी हले।

लूका 6:21 ပူးပေါင်းရင်းမြစ်များ

मत्ती 5:4

“धन्‍य औसौ सैजै जू शोक कौरौ, पौरमेशवर तिनुकै शान्तै दैन्दा।”

मत्ती 5:6

“धन्‍य औसौ सैजै जू धार्मिकता शै साचा जीवन जिणौ कै इछा राखौ, पौरमेशवर तिनुकै छोकाला।”

लूका 1:53

तैणै भूखो कै आछै चीज़ौ लैई छोकाए दिए औरौ सैठ लोगौ कै खाली हाथ निकाल़ै दिए।

लूका 6:20

तोबै तैणै आपणै चैलो कै ढौबौ दैखैयो बौल़ौ, “धन्‍य औसौ सैजै जिनु पौरमेशवर कै जौरुरत औसौ, जिथुखै पौरमेशवर का राज्य तोंवारा औसौ।”

लूका 6:22

“धन्‍य औसौ, तुऐं जोबै मुं आदमी कै बैटै कै बौजैह शै लोग तुऔं आरी बैर राखदै, औरौ तुऔं निकाल़ै दैंदै, औरौ तोंवारै नेंदैया कौरदै, औरौ तोंवारा नांव बुरु जाणैयौ काटै दैंदै।”

लूका 6:25

“हाय औसौ तुऔं पांदी! जू ऐबै छोकैयौ खांव, जिथुकै तुऐं भूखै रौंदै। हाय तुऔं पांदी; जू इबी हसोए, जिथुकै तुऐं शोक कौरदै औरौ रुंदै।”

यूहन्ना 11:35

यीशु आशु बोवायो रुवा।

यूहन्ना 4:10

यीशुए जोवाब दिया, “तू ना जाणै कै पौरमेशवर ताखै का दैणौ चांव, औरौ तू ऐजौ बै ना जाणै कै कुणै तांव कैईंदु पाणी मांगै लो। जै तू जाणदी तौ तू मुं कैईंदु मांगदै औरौ हांव ताखै पाणी दैंदा जू पाणी जीवन दैंव।”

यूहन्ना 6:35

यीशुए तिनुखै बौल़ौ, “जीवन कै रोटै हांव औसौ, जू मैरै धोरे आला सै कौलोंई भूखा ना हौंदा औरौ जू मुं पांदी बिशवाश कौरला सै कौलोंई तिशा ना हौंदा।

1 कुरिन्थियों 4:11

ऐलो कै दूसौ तौड़ी भूखै-प्यासै औरौ पुराणै फाटेयौंदे लुस्कै दै औसौ, औरौ घूसै बै खोऊं आमुकैंई घोर बै ना आथी।

2 कुरिन्थियों 11:27

मोऐं कैईंयौं राती जागैयौ, भूखै-तीशै दै रौयौ, जाड़ै औरौ कम लुस्कै दै रौयौ चैईथै मैहनत कौरे औरौ कैईंयौं पौरैशानी झैली।

2 कुरिन्थियों 12:10

ऐसी बौजैह शै हांव मसीह कारिए कमजोरी दा, औरौ नेंदैया दा, औरौ कोष्टो दा, औरौ कौल़ेशौ दा, खुशी औसौ; जिथुकै जोबै हांव कमजोर होऊं, तौबी हांव मसीह कै शौकतै दा बलवान होऊं।

2 कुरिन्थियों 6:10

आमु बैजाए कोष्ट थिया, पौरौ सौदा खुशी मौनौऊं, आमु कंगाल औसौ, पौरौ बौहितै कै आत्मिक रुप शै धनवान बाणै दियै; ऐशै जैशै आमुकैंई किछै नी तोबै बै सौब ठुँ औसौ।

याकूब 1:12

धन्‍य औसौ सैजा आदमै, जू परीक्षा दा टिकैयौंदा रौंव, जोबै सै खरा साबित हौंव तौ तैसी सौदा कै जिन्दगी का मुकुट भैटदा, जिथका वादा पौरमेशवरे आपणै प्यार कौरणौवाल़ै आरी कौरे राए।

प्रकाशितवाक्य 21:3

तोबै मोऐं ऐक आवाज़ शौणै जू पौरमेशवर कै सिंहासन पौरैशै जोर शै आए, “दैख, ऐबै पौरमेशवर लोगौ मुंजी आपणा घोर बाणदा औरौ सै तिनकै साथै रौंदा, औरौ सै तैसकै लोग हौंदै, सै तिनु आपणै लोगौ कै रुप दै अपनांदा औरौ सै तिनकै साथै रौंदा, औरौ लोग बै तैसी आपणै पौरमेशवर कै रुप दै अपनाया कौरदै।

प्रकाशितवाक्य 7:16

“सै तोबै भूखै औरौ प्यासै ना हौन्दै; औरौ सुरज तिनु हौजौ कौलोंई ना जोल़ादा, औरौ ना कुणजै गर्मी तिनु जौल़ादै।