लूका 6:20 - सिरमौरी नौवाँ नियम

²⁰ तोबै तैणै आपणै चैलो कै ढौबौ दैखैयो बौल़ौ, “धन्‍य औसौ सैजै जिनु पौरमेशवर कै जौरुरत औसौ, जिथुखै पौरमेशवर का राज्य तोंवारा औसौ।”

Sirmouri

²⁰ तबे प्रभू यीशू ऐ आप्णें चैले की ढबे दे:खियों बुलो, तुँऐं “भाग्ईंत असो! जू शरीफ आदमी असो, किन्देंखे के पंण्मिश्वर को राज्य तुवाँरो असो।

लूका 6:20 ပူးပေါင်းရင်းမြစ်များ

मत्ती 11:5

की आन्धै दैखौए औरौ लोंगड़े हांडदै फिरदै लागै रौवै, औरौ कोढ़ी ठीक हौए गौवै, औरौ जायरै शुणदै लागै रौवै, औरौ मुर्दै जियुंदी हौए गौवै, औरौ गरीबो खै सुसमाचार शुणाए जांव।

मत्ती 25:34

तोबै यीशु राजा आपणै सोऐं ढौबौ खौड़ै हौणौवाल़ै कै बौलदा, ‘ओए रै मैरै पिता खै धन्‍य लोगौ, आव, तैसी राज्य कै औधिकारी हौए जाव जू दुनिया कै शुरु सै तुऔं कारिए तैयार कौरे राए।

मत्ती 5:1

यीशु भीड़ दैखैयो धारो कै किनारे दैणिक उबोड़े हौटा; औरौ तिनुकै शिखाणौ कारिए बौठै गौआ तोबै तैसकै चैलै तैसकै धोरे आए।

लूका 12:32

“तुऐं मैरै दैखभाल कारिए भेड़ो कै झुंड कै जैशणै औसौ, इथकारिए कोसी बै बातौ कै बारै मुंजी नै डौरेया, जिथुकै तोंवारै पिता पौरमेशवर कै ऐजै बात भाय रौए, कै तुऔं आपणा राज्य दैंव।

लूका 13:28

तिथै रुणु औरौ दांद चाकणै हौंदौ, जौल़ौ तुऐं अमारै पुराणिया अब्राहम औरौ इसहाक औरौ याकूब औरौ सौबी पौरमेशवर कै बातौ बौताणौवाल़ै खै पौरमेशवर कै राज्य दै बौठैयौंदे, औरौ आपी खै बायरै निकाल़दै बैई दैखलै।

लूका 14:15

जोबै यीशु ऐजी बातौ बौल़ै पैई तौ तैसकै साथै खाणौं खाणौवाल़ै मुंजीदै ऐकीए ऐजौ बौल़ौ, “धन्‍य औसौ सैजा जू, पौरमेशवर कै राज्य कै दावत दा शामिल हौंदा।”

लूका 16:25

पौरौ अब्राहमै बौल़ौ, ओए रै बैटा याद कौर, कै तुऐं आपणै जिन्दगी दी आछी चीज़ौ पैई, औरौ तैशैकैई लाजरे बै बुरी चीज़ौ पाए रैई, पौरौ ऐबै इथै शान्तै पाए लोऐ, औरौ तू पीड़ो दा तौड़पे रौआ।

लूका 4:18

“प्रभु का पवित्र आत्मा मुं पांदी औसौ, इथकारिए तैणै मैरा अभिषेक कौरे राए, औरौ तैणै मुखै कैदी कै आज़ाद कौरणौ कारिए, आन्धै कै नज़र दैणौ कारिए, औरौ दोबैयौंदे कै छुड़ाणो कारिए, औरौ ऐजौ बौताणौ कारिए कै पौरमेशवर कै दया दिखाणौ का सौमय आए गौआ इथकारिए छाड़ै राए।

प्रेरितो कै काम 14:22

औरौ हरेक नोगर दै चैलो कै मन खै मजबूत कौरदै रौवै औरौ ऐजै उपदैश दैंव थिए कै बिशवाश दै बौणैयौंदे रौव; औरौ ऐजौ बौल़ौ थिए, “कै आमु बौड़ै कौल़ेश शै हौयौ पौरमेशवर कै राज्य दो जाणौ पौड़दौ।”

2 कुरिन्थियों 6:10

आमु बैजाए कोष्ट थिया, पौरौ सौदा खुशी मौनौऊं, आमु कंगाल औसौ, पौरौ बौहितै कै आत्मिक रुप शै धनवान बाणै दियै; ऐशै जैशै आमुकैंई किछै नी तोबै बै सौब ठुँ औसौ।

2 कुरिन्थियों 8:2

कै जोबै बैजाए पौरैशानी लैई तिनकै परीक्षा कौरे गौए, तौ सै बौहितै खुशी हुवे औरौ जोबै कै सै बौहितै गरीब थिए तोबै बै तिनुऐ ओकी बिशवाशियौं कै मौदद कौरणौ कारिए दया शै धन दियु।

2 कुरिन्थियों 8:9

तुऐं अमारै प्रभु यीशु मसीह का अनुग्रह जाणौए, कै सै सैठ हौयौ बै तोंवारै खातिर कंगाल बौणै गौआ, ताकि तैसकै कंगाल हौए जाणौ लैई तुऐं सैठ हौए जांव।

1 थिस्सलुनीकियों 1:6

तुऔं पांदी भारी कौल़ेश थिया, पौरौ तुऐं पवित्र आत्मा लैई खुशी कै साथै सुसमाचार का स्वागत कौरा। तुऐं अमारै उदारण औरौ प्रभु कै उदारण का पालन कौरा।

2 थिस्सलुनीकियों 1:5

औरौ पौरमेशवर ऐसी सताव का इस्तैमाल आपणै न्याय खै दिखाणौ कारिए औरौ तुऔं आपणै राज्य कै लायक बाणणौ कारिए कौरदा, जैसी कारिए तुऐं दुख बै उठाए राए।

याकूब 1:12

धन्‍य औसौ सैजा आदमै, जू परीक्षा दा टिकैयौंदा रौंव, जोबै सै खरा साबित हौंव तौ तैसी सौदा कै जिन्दगी का मुकुट भैटदा, जिथका वादा पौरमेशवरे आपणै प्यार कौरणौवाल़ै आरी कौरे राए।

याकूब 2:5

ओए रै मैरै प्यारे बिशवाशी भाईटु शुणौ। पौरमेशवरे इयौं दुनिया कै गरीब खै चोणे राए कै सै बिशवाश दै धनी हौए जांव, औरौ तैसी राज्‍य कै औधिकारी बौणै जांव, जैसी दैणौ का वादा तैणै तिनु आरी कौरे राए कै जू तैसीआरी प्यार कौरौ।

प्रकाशितवाक्य 2:9

हांव जाणुए कै ताखै सोताए गौआ औरौ तू गरीब औसौ। पौरौ आत्मिक मामलै दा तू बैजाए सैठ औसौ। हांव तिनु लोगौ कै बारै मुंजी जाणुए जू दावा कौरौ कै सैजै पौरमेशवर कै चोणेयौंदे लोग औसौ, पौरौ आथी ना। सै तैरै बारै मुंजी बुरी बातौ बौल़ौ, पौरौ सौथीखै सै तैसी गुट कै लोग औसौ जू शैतान का औसौ।