लूका 5:29 - सिरमौरी नौवाँ नियम

²⁹ तोबै लेवीए आपणै घोरे तैसी कारिए ऐक बौड़ा भोज दिया, औरौ मामला लोणो वाल़ै औरौ कुणजैई औकै लोग बै जू तैसकै साथै खाणौ खांदै बौठै रौवै थिए, सोबै ऐक बौड़ै भीड़ थी।

Sirmouri

²⁹ तेने लेबी ऐ आप्णे कागी प्रभू यीशू के आदर कर्णों खे ऐक बड़ी पाल़्टी दिती, अरह् तेथै ओके चूंगी लंअणों वाल़े भे बैजाऐ पाऊँणें कंट्ठै हुऐ; तेसी लेवी अरह् प्रभू यीशू आरी खाँणों खाँदे।

लूका 5:29 ပူးပေါင်းရင်းမြစ်များ

मत्ती 11:19

पौरौ जोबै हांव आदमी का बैटा खांदा-पींदा ओऊवा, औरौ सै बौल़ौ कै, ‘दैखौ, पेटू औरौ पियक्कड़ आदमी, मामला लोणो वाल़ै औरौ पापियों का दोस्त।’ पौरौ ऐकी आदमी कै काम साबित कौरौ कै बुध्दिमान कुण औसौ।”

मत्ती 5:46

जै तुऐं आपणै प्यार कौरणौवाल़ै आरी प्यार कौरलै, तौ पौरमेशवर तुऔं खै इनाम ना दैंदा? जिथुखै मामला लोणो वाल़ै बै तौ ऐशैखैई कौरौ?

मत्ती 9:10

औरौ जोबै सै घोरे खाणौ खांदा बौठै रौआ थिया, तोबै बौहितै सारै मामला लोणो वाल़ै औरौ जिनुकै लोग पापी बौल़ौ थिए, सै आयौ यीशु औरौ तैसकै चैलै कै साथै खाणौ खांदै बौठै।

मत्ती 9:9

तिथैदा आगु जाऐबा यीशुए मत्ती नांव कै ऐक आदमी खै मामला लौन्दै बैई चौकी पांदी बोठेयोंदा दैखा, औरौ तैसीखै बौल़ौ, “मैरा चैला बौण।” औरौ सै आपणै कामौ कै छोड़ेयौ तैसका चैला बौणै गौआ।

मरकुस 2:15

किछै दूसौ कै बाद जोबै यीशुए औरौ तैसकै चैलै लेवी कै घोरे खाणौ खाए लोऊ थियु; तोबै बौहितै मामला लोणो वाल़ै औरौ औकै लोग जिनु यहूदी लोग पापी बौल़ौ थिए, तिनुमुंजी यीशु कै चैलै बै थिए औरौ तैसकै साथै खाणौ खांदै बौठै, जिथुकै सै बौहितै लोग थिए, औरौ तैसकै पौछौड़ियौ हौए गौवै थिए।

लूका 15:1

सौबै मामला लोणो वाल़ै औरौ पापी लोग यीशु की बातौ शुणणौ कारिए तैसकै धोरे ओऊवे।

यूहन्ना 12:2

तिथै तिनुऐ तैसी कारिए दावत तैयार कौरे; औरौ यीशु का आदर कौरणौ कारिए मार्थाए सेवा कौरे लोए थै, औरौ लाजर यीशु कै साथै दावत खाणौ वाल़ौ मुंजीदा ऐक थिया।

1 कुरिन्थियों 10:27

औरौ जै अबिशवाशियौं मुंजी कुणिए बै तुऔं खै नेवता दैंव, औरौ तुऐं जाणौ चांव, तौ जू किछै तोंवारै सामणै राखै जांव सैजौ ही खाव पोरो ऐजौ ना पूछौ कै ऐजौ मूर्ति कै आगै चौढ़ौऊ या ना, औरौ ऐशै कौरणौ सै तोंवारा जमीर दुखी ना हौंदा।