लूका 5:27 - सिरमौरी नौवाँ नियम

²⁷ इथकै बाद सै बायरै हौटा, औरौ लेवी नांव का ऐक मामला लोणो वाल़ै खै चौकी पांदी बोठेयोंदा दैखा, औरौ तैसीखै बौल़ौ, “मैरा चैला बौण।”

Sirmouri

²⁷ तबे प्रभू यीशू बाँईडे हुटे, अरह् तिन्ऐ लेवी नाँव का ऐक चूंगी लअणों वाल़ा, चूंगी की गुम्टी दा बईठा अंदा दे:खा। अरह् तिन्ऐं तैस्खे बुलो, “मुँह पाछ़ी आ!”

लूका 5:27 ပူးပေါင်းရင်းမြစ်များ

मत्ती 10:3

फिलिप्‍पुस औरौ बरतुल्मै थोमा औरौ मामला लोणो वाल़ा मत्ती, हलफईस का बैटा याकूब औरौ तद्दै,

मत्ती 16:24

तोबै यीशुए आपणै चैलै कै बौल़ौ, “जै तुऐं मैरै चैलै बौणणे चांव, तौ तुऔं खै आपणी इछाएं छुड़णी पौड़ली। औरौ आपणा क्रूस टिपयौ मैरै पौछौड़ियौ हांडणौ पोड़लो (आपणै क्रूस उठाणौ का मतलब औसौ, दुख औरौ नेंदैया सोणै पोड़दै औरौ आपणै प्राण तक बै दैणै पोड़लै)।

मत्ती 8:22

यीशुए तैसीखै बौल़ौ, “तू मैरा चैला बोणणौ कारिए मैरै साथै हांड, जू लोग मौरेयौंदे कै जैशणै औसौ, तिनुखै ही आपणै लोगौ कै मौरणौ का इंतजार कौरणौ दैव।”

मरकुस 3:18

औरौ अन्द्रियास, औरौ फिलिप्‍पुस, औरौ बरतुल्मै, औरौ मत्ती, औरौ थोमा, औरौ हलफईस का बैटा याकूब; औरौ तद्दै, औरौ शमौन कनानी जिथका मतलब औसौ खिजकुटा।

लूका 18:22

ऐजौ शोणेयो, “यीशुए तैसी बौल़ौ, ऐबै बै तांव दै ऐकी बातौ की कमी औसौ, आपणौ सौबै ठुँ बिकैयो गोरीबो कै बांडै दै, तौ ताखै स्वर्गो दा धन भैटला, औरौ आयौ मैरा चैला बौणै जा।”

यूहन्ना 1:43

ओकी दूसै यीशुए गलील जिले खै जाणौ चोऊ, औरौ फिलिप्‍पुसआरी भैटेयो बौल़ौ, “मुं साथी चाल।”

यूहन्ना 12:26

जै कुणिए मैरी सेवा कौरणै चांव, तौ आगै तैसी मैरा चैला बौणणौ चैंई, औरौ जिथै हांव औसौ तिथै मैरा सेवक बै हौला; औरौ जू कुणिए मैरी सेवा कौरला तौ पिता पौरमेशवर बै तैसकै इज्जत कौरदा।