लूका 5:24 - सिरमौरी नौवाँ नियम

²⁴ पौरौ इथकारिए की तुऐं जाणै पाव कै मुं आदमी कै बैटै खै धोरती पांदी पाप माफ कौरणौ का औधिकार औसौ।” तोबै तैणै ओधरंग कै रोगी खै बुलू, “ऊबा भीज औरौ आपणै ल़ौहथ टिपयौ आपणै घोरो खै आगु जा।”

Sirmouri

²⁴ परह् ऐजो ईन्देंखे के तुऐं भे जाँणी पाँव के ‘आदमी के बैटे’ कैई धर्ती गाशी पाप माफ कर्णो का भे हंक-अधिकार असो”; तबे प्रभू यीशू ऐं तैसी अदरंगो के दु:खिया खे बुलो, “मुँऐ ताँव खे बुली लो बीऊँज, अरह् आप्णी लोह्थ टीपियों आप्णे घरे ज़ा।”

लूका 5:24 ပူးပေါင်းရင်းမြစ်များ

मत्ती 16:13

यीशुए कैसरिया फिलिप्‍पी नोगरो दै आयौ आपणै चैलै कैईंदु पूछु, “कै लोग मुं आदमी कै बैटै खै का बौल़ौ?”

मत्ती 25:31

“जोबै हांव आदमी का बैटा आपणै महिमा दा आन्दा, औरौ सौबै स्‍वर्गदूत तैसखै साथै आलै, तोबै हांव सौबी लोगौ का न्याय कौरणौ कारिए आपणै महिमा कै सिंहासनों पांदी बोठदा।

मत्ती 26:64

यीशुए तैसकै बौल़ौ, “तुऐं आपी ही बौल़ै दियु; पौरौ हांव तुऔं खै ऐजौ बै बुलू: की ऐबै शै तुऐं मुखै आदमी कै बैटै खै सौबिदा शौकतीशाली कै सोऐं ढौबौ बौठैयौंदे राज कौरदै दैखलै, औरौ तुऐं मुखै स्वर्गो शा गौयणै कै बादल़ौ पांदी आन्दै बैई दैखलै?”

मत्ती 28:18

यीशुए तिनकै धोरे आयौ बौल़ौ, “स्वर्ग औरौ धोरती का सारा औधिकार मुखै दैय राए।

मत्ती 4:24

औरौ गलील जिले कै उतर दिशा कै सारै सीरिया प्रदेश दी तैसकै चौर्चा फोयलै गौए; औरौ लोगै सौबी बीमारों खै जू कैई भान्त कै बीमारियों औरौ दुखो दै पौड़ेयौंदे थिए। औरौ जिनुदी दुष्टआत्माएं थी औरौ मिर्गीवाल़ै औरौ ओधरंग कै रोगी खै बै तैसकै धोरे लाए औरौ तैणै तिनुखै ठीक कौरे।

मत्ती 9:6

पौरौ इथकारिए की तुऐं जाणै पाव कै मुं आदमी कै बैटै खै धोरती पांदी पाप माफ कौरणौ का औधिकार औसौ।” तोबै तैणै ओधरंग कै रोगी खै बुलू, “ऊबा भीज औरौ आपणै ल़ौहथ टेपेयो आपणै घोरो खै आगु जा।”

लूका 5:13

यीशुए हाथ बौढ़ायौ खै तैसी छुआ औरौ बौल़ौ, “हांव चोऊं, कै तू ठीक हौए जाए।” औरौ तैसका कोढ़ तावल़ा ठीक हौए गौआ।

लूका 5:18

तैसी सौमय दै कैई लोग ऐकी आदमी कै जू ओधरंग का रोगी थिया, ल़ौहथ पांदी लियोऊवा, तिनुऐ तैसी भीतरै निणो औरौ यीशु कै सामणै राखणौ कै तरकीब झोए लोए थी।

लूका 5:23

आसान का औसौ? का ऐजौ बौलणौ, की ‘तैरै पाप माफ हुवे,’ या ऐजौ बौलणौ, की ‘ऊबा बीज़ औरौ आगु हांड?’

लूका 7:14

तोबै तैणै नेड़िक आयौ लाश कै छोऐं, औरौ टिपणौ वाल़ै रौकै गौवै, तोबै तैणै बौल़ौ, “ओए रै नोजवान, हांव ताखै बुलू, ऊबा बिज़!”

लूका 8:54

पौरौ तैणै तियौं का हाथ पाकड़ा औरौ जोर शै बौल़ौ, “ओए रै कोन्या, बिज़ ऊबै!”

यूहन्ना 11:43

ऐजौ बौलेयौ खै तैणै बौड़ै जोर शै धाव दै, “ओए रै लाजर, बांईडा आ!”

यूहन्ना 17:2

जिथुकै तुऐं तैसीकै सौबी लोगौ पांदी औधिकार दिया, कै जिनु तुऐं तैसीकै दैय राए, तिनु सौबी कै सै सौदा कै जिन्दगी दैंव।

यूहन्ना 3:13

कुणिए स्वर्गो दा ना हौटै रैई, सिरफ हांव आदमी का बैटा स्वर्ग शै धैनै आए रौआ।

यूहन्ना 5:27

जिथुकै हांव आदमी का बैटा औसौ, इथकारिए पिता पौरमेशवरे मुखै सौबी लोगौ का न्याय कौरणौ का औधिकार दैय राए।

प्रेरितो कै काम 14:10

औरौ जोर शै बौल़ौ, “आपणै लातो कै साहारै खौड़ा हौ।” तोबै सै उछल़ैयो हांडदा फिरदा लागा।

प्रेरितो कै काम 5:31

तैसीखैईं पौरमेशवरे राजा औरौ उध्दार कौरणौवाल़ा ठोहराएयो, आपणै सोऐं हाथौ कै सौबी दै बौड़ै ठाँव पांदी बौठाल़े दिया ताकि सै इस्राएल देश कै लोगौ कै आपणै बुरै सोंच विचारो औरौ बुरै बाटो शै पौरमेशवर कै ढौबौ फिरो औरौ तैसकै दवारा तिनुकै आपणै पापौ कै माफी दै।

प्रेरितो कै काम 9:34

पतरसे तैसी बौल़ौ, “ओए रै ऐनियास! यीशु मसीह ताखै ठीक कौरौ। बिज़, आपणा बिछाणा टिप।” तोबै सै तौलोंई ऊबा बिज़ा औरौ खौड़ा हौआ।

प्रेरितो कै काम 9:40

तोबै पतरसे सौबी खै बायरै कौरे दियै, औरौ घुंडू नियुड़ायो प्रार्थना कौरे; औरौ लाश कै ढौबौ दैखैयो बौल़ौ, “ओए रै तबीता, ऊबै बिज़।” तोबै तियैं आपणी आखी खोले दी; औरौ पतरस खै दैखैयो ऊबै बिजै।

प्रकाशितवाक्य 1:13

औरौ तिनु दियोट कै बीच ऐक जुणा आदमी का जैशणा दैखैयो थिया, सै लाम्बै लुस्कै बाम्बैयौंदा थिया जू तैसकै लातो तौड़ी पौऊंचौ थियु। उपले छाती कै चोऊ ढौबौ ऐक सूनै का पाटा बानै राए थिया।