लूका 5:1 - सिरमौरी नौवाँ नियम

¹ ऐक दूस यीशु गन्नेसरत झील (गलील झील) कै किनारे खौड़ा थिया, तौ बौहितै भीड़ पौरमेशवर का वचन शुणणौ कारिए तैसी पांदी रिड़ो थै।

Sirmouri

¹ ऐक देस जबे लोगो के भीड़ पंण्मिश्वर के बचनों का बखाँण शुण्णो खे प्रभू यीशू गाशी पड़्दे लागी, तअ प्रभू यीशू गन्नेसरत के झीलो की टिराँव्टी दे खह्ल़ी रूऐ थिऐ, तबे ऐशो हईयों,

लूका 5:1 ပူးပေါင်းရင်းမြစ်များ

मत्ती 11:12

औरौ जोबै यूहन्ना बपतिस्मा दाताए प्रचार कौरणा शुरु कौरा, तैसी सौमय शै लोयो इबी तौड़ी स्वर्ग का राज्य जोर शै आगै बौड़ै रौआ, औरौ तागतवर लोग इथपांदी हमला कौरौ।

मत्ती 14:34

यीशु औरौ तैसकै चैलै किश्‍ती शै गलील झील कै पार कौरेयौ गन्नेसरत प्रदेश दै पोऊंचे।

मरकुस 3:9

यीशुए आपणै चैलै खै बौल़ौ, “भीड़ बौढ़ै गौए इथकारिए ऐक नानड़ै किश्‍ती मुखै तैयार राखौ ताकि भीड़ मुखै दबाए नी दैंव।”

मरकुस 4:1

यीशु तोबै गलील झील कै किनारे उपदैश दैन्‍दा लागा: औरौ ऐशणी बौड़ै भीड़ तैसकै धोरे कौठै हौए गौए, कै सै समुन्द्रो दा ऐकी किश्‍ती पांदी बौठै गौआ, औरौ सौबै भीड़ जोमीनो पांदी झील कै किनारे खौड़ै रौए।

मरकुस 5:24

तोबै सै तैसकै साथै हौटा; औरौ बौड़ै भीड़ तैसकै पौछौड़ियौ हौए गौए, औरौ लोग तैसी पांदी रिड़ै जांव थिए।

मरकुस 6:53

यीशु औरौ तैसकै चैलै किश्‍ती शै गलील झील कै पार कौरेयौ गन्नेसरत प्रदेश दै पोऊंचे, औरौ किश्‍ती किनारे पांदी बानै।

लूका 12:1

तैतियोड़ै जोबै हज़ारो लोगौ कै भीड़ लागै गौए, इथै तौड़ी कै सैजै लोग ऐकी दूजै पांदी उदे रिड़ो थिए, तौ तैणै सौबी दौ औगौड़ियौ आपणै चैलै कै बौल़ौ, “फरीसी लोगौ कै ढोंग शै भोरेयोंदे खमीर शै चौकश रौया।

लूका 5:2

यीशुए झील कै किनारे दो किश्‍ती लागैयौंदे दैखी औरौ मछुवारे तिनु पांदी ओतरेयो जाल धोऐं लौए थिए।

लूका 8:22

तोबै ऐकी दूसै यीशु औरौ तैसकै चैलै किश्‍ती पांदी हौटै, औरौ तैणै तिनु बौल़ौ, “आव गलील झील कै ओकी ढौबौ हांडुबै।” औरौ तिनुऐ किश्‍ती खोले दै।

लूका 8:23

जोबै किश्‍ती चालै रौवै थै, तौ यीशु सोतै गौआ, औरौ झीलो पांदी ढौंड ओऊ, औरौ जोबै किश्‍ती पाणी लैई भोरदी लागै तौ सै पौरैशान हौए गौवै।

लूका 8:33

तोबै दुष्टआत्माएं तैसी आदमी पौरैशी निकल़ैयो सुंगरों दी हुटी औरौ सै डांगौ किनारे ढौबौ दोऊड़ै औरौ समुन्द्र दै डुबेबा मौरे गौवै।

लूका 8:45

इथपांदी यीशुए बौल़ौ, “मुखै कुणै छुआ?” जोबै सौबै भाजै गौवै, तौ पतरस औरौ तैसकै दोस्‍ते बौल़ौ, “ओए रै प्रभु, ताखै तौ भीड़ै दबाए लौआ, औरौ तांव पांदी रिड़ै रौए।”

यूहन्ना 1:40

तिनु दु चैलै मुंजीदै, जू यूहन्ना कै बात शौणैबा यीशु कै साथै आए रौवै थिए, तिनुमुंजी ऐक शमौन पतरस का भाई अन्द्रियास थिया।

यूहन्ना 6:1

इनु बातौ खै बाद यीशु गलील झीलो यानी तिबिरियास झील कै पार हौटा।

इब्रानियों 13:7

जू तोंवारै अगुवे थिए, औरौ जिनुवै तुऔं पौरमेशवर का वचन शुणौऊवा, तिनु याद राखौ औरौ ध्यान शै दैखौ कै तिनुऐ कैशै आपणा जीवन जिया औरौ इथै तौड़ी कै सै मोरदै दम तौड़ी बिशवाश लायक रौवै, पौरमेशवर पांदी तैशणा ही भोरोशा राखौ जैशणा तिनुऐ दिखाए राए थिया।