लूका 4:41 - सिरमौरी नौवाँ नियम

⁴¹ औरौ दुष्टआत्मा लैलियायो बौहितै लोगौ पौरैशी निकल़ै गोई, औरौ बौलदी लागी, “कै तू पौरमेशवर का बैटा औसौ,” पौरौ सै तिनु ताड़ौ औरौ बौल़ाणौ नै दैंव थिया, जिथुकै सै जाणौ थी कै सै मसीह औसौ।

Sirmouri

⁴¹ अरह् सेजी दुष्ट-आत्त्मा लेल्याँदू अरह् ऐजो बुलियों के “तुँऐं पंण्मिश्वर का बैटा असो” भहुते लोगो शी दुष्ट-आत्त्मा नीकल़ी, परह् प्रभू यीशू तिनू किऐ फिट्को थिऐ, अरह् बुल्णों ने दियों थिऐ, किन्देंखे के सेजी दुष्ट-आत्त्मा जाँणों थी, के ऐजा ही मसीया असो।

लूका 4:41 ပူးပေါင်းရင်းမြစ်များ

मत्ती 26:63

पौरौ यीशु मेसो ही रौआ, औरौ किछै बै जोवाब ना दी। तोबै महायहूदी पुरोहिते तैसीखै हौजौ बौल़ौ, “हांव ताखै जियुंदी पौरमेशवर कै शौं दियु कै जै तू पौरमेशवर का बैटा मसीह औसौ, तौ आमुकैंई बौल़ै दै?”

मत्ती 4:3

तोबै शैतानै तैसकै धोरे आयौ बौल़ौ, “जै तू सौथी कै पौरमेशवर का बैटा औसौ तौ इयौं बातौ कै साबित कौरणौ कारिए आदैश दै कै ऐजै पाथर रोटी बौणै जांव ताकि तू इनु खाए सौकै।”

मत्ती 8:16

जोबै बैल़खौ हौ तोबै तिनुऐ तैसकै धोरे बैजाए लोगौ खै लियोऊवे जिनुदी दुष्टआत्माएं थी औरौ तैणै तिनु दुष्टआत्माओं खै आपणै वचन लैई निकाल़ै दी, औरौ सौबी बीमारो खै ठीक कौरे दिए।

मत्ती 8:29

औरौ दैखौ, तिनुऐ लैरौ मारैबा बौल़ौ, “ओए रै पौरमेशवर का बैटा, अमारै तांवआरी कुणजाई लैणा दैणा ना आथी? औरौ का तू सौमय दा आगै आमुखै दुख दैंदा इथै आए रौआ?”

मत्ती 8:4

यीशुए तैसीखै बौल़ौ, “दैख कोसी कैई नै बौलेया पौरौ जाऐबा आपी खै यहूदी पुरोहित खै दिखा औरौ जू मूसाए कोढ़ ठीक हौए जाणौ कै बारै मुंजी बौताए राए थियु तिथकै हिसाब शै पौरमेशवर कारिए बलिदान चौढ़ा, ताकि लोगौ कै पौता लागै सौकौ कै तू ठीक हौए गौआ।”

मरकुस 1:25

यीशुए दुष्टआत्मा खै ऐजौ बौलेयौ झिड़की, “चुपी रौ; औरौ ऐसी पौरैशै निकल़ै जा।”

मरकुस 1:32

बैल़खै कै सौमय जोबै सुरज डोबै गौआ तौ तैसी नोगरो कै बौहितै लोग जू बीमार थिए, औरौ जिनुदी दुष्टआत्माएं थी, लोगै तिनु तैसकै धोरे नियै।

मरकुस 1:34

तैणै बौहितै खै जू कैई भान्त कै बीमारियों लैई दुखी थिए, ठीक कौरे; बौहितै दुष्टआत्माओं खै गाड़ी; औरौ दुष्टआत्माओं खै बौल़ाणौ ना दी, जिथुकै सै तैसीखै पोछैयाणौ थी। कै यीशु ही पौरमेशवर का बैटा औसौ।

मरकुस 3:11

जोबै कौलोंई बै दुष्टआत्मा वाल़ै लोग तैसीकै दैखौ थिए, तोबै सैजै यीशु कै धोरे लैरौ मारदै औरौ धैनै रेढ़ीयो तैसीकै आदर दैयौ खै ऐशै बौल़ौ थिए कै, “तू पौरमेशवर का बैटा औसौ।”

लूका 4:39

तैणै तियौंकै नेड़िक खौड़ै हौयौ ताप कै ताड़ा औरौ ताप उतरे गौआ, औरौ सै तावल़ै ऊबै बीजयो तिनकै सेवा कौरदै लागै।

यूहन्ना 20:31

पौरौ ऐजौ इथकारिए लैखै राए, कै तुऐं बिशवाश कौरौ, कै यीशु ही पौरमेशवर का बैटा मसीह औसौ, औरौ तैसी पांदी बिशवाश कौरेयौ कै तैसकै नांव लैई सौदा कै जिन्दगी पांव।

याकूब 2:19

ताखै बिशवाश औसौ कै ऐकैई पौरमेशवर औसौ; तू आछौ कौरे, दुष्टआत्मा बै ऐशणा बिशवाश राखौ, औरौ कामणैयौ डौरौए।