लूका 4:40 - सिरमौरी नौवाँ नियम

⁴⁰ सुरज डूबणो कै सौमय, जू-जू लोग सान्त-भान्त की बीमारी दै पौड़ेयौंदे थिए, तिनुऐ सौबी कै तैसकै धोरे लियोऊवे, औरौ तैणै ऐकी-ऐकी पांदी हाथ राखैयौ कै ठीक कौरे दिए।

Sirmouri

⁴⁰ देसो उछाणों तोड़ी जीन-जीन कागी कुँऐं दु:खिया थिऐ, तिनू लोगे आप्णे कागशे आप्णें बादे दु:खिया प्रभू यीशू कंई लियाऐं, अरह् प्रभू यीशू ऐ तिन गाशी आप्णा हाथ थऐयों बादे लोग च़ाँगे करे।

लूका 4:40 ပူးပေါင်းရင်းမြစ်များ

मत्ती 11:5

की आन्धै दैखौए औरौ लोंगड़े हांडदै फिरदै लागै रौवै, औरौ कोढ़ी ठीक हौए गौवै, औरौ जायरै शुणदै लागै रौवै, औरौ मुर्दै जियुंदी हौए गौवै, औरौ गरीबो खै सुसमाचार शुणाए जांव।

मत्ती 14:13

जोबै यीशुए ऐजौ शुणु, तौ सै किश्‍ती पांदी चौढ़ेयौ तिथैदा ऐकी शुनशान जौगैह दा इकली रौणौ हौटै गौआ, औरौ ऐजौ शोणेयो लोग नगर-नगर शै हांडेयो तैसकै पौछौड़ियौ हौटै गौवै।

मरकुस 3:10

यीशुए बौहितै लोगौ कै ठीक कौरे राए थिए। जिथुकै बौहितै सारै बीमार लोगौ कै भीड़ तैसी बाइरै कौठै हौए रौए थी, औरौ तैसीखै छुणौ कै कौचिश कौरौ थिए।

मरकुस 5:23

औरौ ऐजौ बौलेबा तैसी कैईंदै बैजाए बिन्ती कोरयो बौल़ौ, “मैरै नानड़ै बैटी मौरणौ पांदी औसौ: तू मैरै घोरे आयौ तियौं पांदी हाथ धौर दै, तोबै सै ठीक हौए जांदी औरौ जियुंदी रौंदी।”

मरकुस 6:5

इथकारिए यीशुए तिथै चौमत्कार कै काम ना कौरी, जिथुकै लोगै तैसी पांदी बिशवाश ना की औरौ थौड़ै शै बीमारों पांदी हाथ राखैयौ तिनुखै ठीक कौरे।

प्रेरितो कै काम 19:12

इथै तौड़ी कि रुमाल औरौ खोटणो तैसकै शोरीरो पांदी छुवायो कै बीमारों पांदी पांव थिए, औरौ तिनकी बीमारी ठीक हौए जांव थी; औरौ दुष्टआत्माएं तिनु मुंजी दी आगु जांव थी।

प्रेरितो कै काम 5:15

जू किछै चोणेयौंदे चैलै कौरे लो थियु, तिथकै बौजैह शै लोग बीमारों कै शोड़कै पुंडे लाए लायौ खै, टाटो औरौ बिछाणै पांदी लिटाए दैंव थिए, कै जोबै पतरस आंव, तौ तैसकै छांव ही तिनुमुंजी दै कोसी पांदी पौड़ै जांव।