लूका 4:23 - सिरमौरी नौवाँ नियम

²³ तोबै यीशुए भीड़ौ खै बौल़ौ, “तुऐं मुं पांदी ऐजा किस्सा जौरुर बौलदै, ‘कै ओए रै वैध, आपी कै ठीक कौर, जू किछै आमुए शौणै राए कै कफरनहूम नगर दै तुऐं कौरे राए, सैजौ इथै आपणै गांव दौ बै कौर।’”

Sirmouri

²³ तबे प्रभू यीशू ऐ तिनखे बुलो, “तुँऐं मुँखे ऐजा ताँना जरूर मार्दें के ‘हें जड़यारे आगे आपु तअ चाँगा करो! जुण्जो आँमें शुण्णों के कफरनहूम दो तुँऐं का कोरो, सेजो ईथै आप्णें गाँव-नंगर दो भे करह्।’”

लूका 4:23 ပူးပေါင်းရင်းမြစ်များ

मत्ती 13:54

औरौ आपणै नासरत गांव दा आयौ तिनकै यहूदी सभा-घोरो दा तिनुखै ऐशणा उपदैश दैंदा लागै गौआ; कै सै हैरान हौयौ बौलदै लागै; की “ऐसीखै ऐजा ज्ञान औरौ चौमत्कार कै काम कुकै दै भैटी?

मत्ती 4:13

औरौ सै नासरत गांव दा ना रौई पौरौ जिथै जबूलून औरौ नप्ताली कै गोत्र रौंव थिए, जू कफरनहूम नगर कै गलील झील कै किनारे पांदी थियु औरौ सै तिथै जायौ रौंदा लागा।

मत्ती 4:23

यीशु सारै गलील जिले दा घुमदै बैई तिनकै यहूदी सभा-घोर दा उपदैश दैन्‍दा, औरौ पौरमेशवर कै राज्य का सुसमाचार प्रचार कौरदा लागा औरौ लोगौ की हर भान्त की बीमारी औरौ कमजोरियों खै दूर कौरदा रौआ।

मरकुस 6:1

‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍तोबै यीशु कफरनहूम नगर शै निकल़ैयो आपणै घोरो (नासरत गांव) दा ओऊवा, औरौ तैसकै चैलै बै तैसकै साथै आए।

लूका 2:39

औरौ जोबै यूसुफ औरौ मरियम प्रभु कै कानून कै हिसाब शै सौबै ठुँ पूरु कौरे पोऊँ तौ गलील जिले दा आपणै नोगरो कै नासरत गांव कै दुजाल़ियो हौटै गौवै।

लूका 2:51

तोबै सै तिनकै साथै हौटा औरौ नासरत गांव दा ओऊवा, औरौ तिनकै आज्ञा मानदा रौआ औरौ तैसकै माँए ऐजी सौबै बातौ आपणै मनो दी राखी।

लूका 4:16

तोबै यीशु नासरत गांव दा पाछु ओऊवा, जिथै सै पाला पोसा गौआ थिया, औरौ आपणै भोवार कै हिसाब शै विशांव कै दूसै यहूदी सभा-घोर दा जायौ पवित्र शास्त्र पोढ़णो कारिए खौड़ा हौआ।

लूका 4:31

तोबै सै गलील जिले कै कफरनहूम नगर दा हौटा, औरौ विशांव कै दूसै लोगौ कै उपदैश दैन्दा लागा।

लूका 4:35

यीशुए दुष्टआत्मा खै ऐजौ बौलेयौ झिड़की, “चुपी रौ औरौ ऐसी पौरैशै निकल़ै जा!” तोबै दुष्टआत्माएं तैसकै बीचो दा पोटकेयो बिना नुकसान पोऊंचाए तैसी पौरैशै निकल़ै गौए।

लूका 6:42

जोबै तैरी आपणी गौलती बैजाए औसौ तौ तू आपणै भाई खै कैशैखै बौल़ै सौकै कै, ‘ओए रै भाई रौकै जा हांव तैरी नानड़ी शी गौलती कै ठीक कौरु।’ ओए रै कपटी मन कै लोगौ, आगै आपणै खुद कै बौड़ी गौलती खै सुधारै पाव, तोबै तू ठीक ढंग शै आपणै भाई कि गौलती कै ठीक कौरे सौकै।”

यूहन्ना 4:28

तोबै बैटमाणिश आपणा घड़ा छोडे़बा, शहरो खै हौटै गौए, औरौ लोगौ कैंई बौलदै लागै,

2 कुरिन्थियों 5:16

इथकारिए ऐबै आमुए आदमी कै नज़र शै कोसी का न्याय ना कौरु। हां ऐक सौमय थिया, जोबै आमुए मसीह खै आदमी कै नज़र शै दैखा, पौरौ ऐबै आमु ऐशै ना कौरु।