लूका 3:23 - सिरमौरी नौवाँ नियम

²³ जोबै यीशु आपी उपदैशो दैन्दा लागा, तौ सै लमसम तीशी सालो का थिया। औरौ जैशै लोग सौमझौ थिए, कै सै यूसुफ का बैटा औसौ औरौ यूसुफ एली का बैटा औसौ,

Sirmouri

²³ जबे प्रभू यीशू ऐ आप्णी सेवकाऐ शुरू करी, तअ से लग-भंग तीष सालो के थिऐ, (ऐशो सम्झो ज़ाव थियों) यूसुफ का बैटा थिया, अरह् से ऐली, का थिया।

लूका 3:23 ပူးပေါင်းရင်းမြစ်များ

मत्ती 1:1

ऐजी यीशु मसीह कै बुड़ेईको कै नांव कै सूची औसौ। सै राजा दाऊद कै पीढ़ी का थिया, जू अब्राहम का वंश का थिया।

मत्ती 1:16

याकूब शै यूसुफ पौयदा हौआ, जू मरियम का घोरवाल़ा थिया, औरौ मरियम शै यीशु पौयदा हौआ, जैसीखै मसीहा बै बौल़ौए।

मत्ती 1:6

यिशै शै दाऊद राजा पौयदा हौआ। दाऊद राजा शै राजा सुलैमान तियौं बैटमाणिश शै पौयदा हौआ जू आगै उरिय्याह कै घोरवाल़ी थी।

मत्ती 13:55

का ऐजा बाढ़ोई का बैटा ना आथी? औरौ ऐसकै माँ को नांव मरियम औरौ ऐसकै भाई को नांव याकूब औरौ यूसुफ औरौ शमौन औरौ यहूदा ना आथी?

मत्ती 4:17

तैसी सौमय शै यीशुए प्रचार कौरणा औरौ ऐजौ बौलणौ शुरु कौरौ कै, “पाप कौरणै छोड़े दैव, जिथुखै स्वर्ग का राज्य नेड़िक आए गौआ।”

मरकुस 6:3

तिनुऐ ऐजौ बौलेयौ यीशु का मोजाक ऊड़ोऊंवा औरौ बौल़ौ, “का ऐजा सैजा बाढ़ोए ना आथी, जू मरियम का बैटा, औरौ याकूब, योसेस, यहूदा, औरौ शमौन का भाई औसौ? का तैसकी बोईणी इथै आमु मुंजी ना रौंव?” इथकारिए तिनुऐ तैसकै बातौ पांदी बिशवाश ना कौरी।

लूका 2:48

तोबै तैसकै माँ बापू तैसीखै दैखैयो हैरान हौए गौवै औरौ तैसकी माँए तैसी बौल़ौ, “बैटा तुऐं आमुआरी ऐशैखै काए कियु? दैख तैरा बापू औरौ मोऐं ताखै बेचेनी शै जौए लौआ थिया।”

लूका 3:31

औरौ इलकायाकीम मलयाह का बैटा थिया, औरौ मलयाह मिनाह का बैटा थिया, औरौ मिनाह मतता का बैटा थिया, औरौ मतता नातान का बैटा थिया, औरौ नातान राजा दाऊद यिशै का बैटा थिया।

लूका 4:22

सौबीए तैसकै तारीफ कोरी औरौ जू अनुग्रह की बातौ तैसकै मुँह शै निकल़ौ थी, तिनु शोणेयो सै हैरान हौयौ बौलदै लागै, “का ऐजा यूसुफ का बैटा ना आथी?”

यूहन्ना 1:45

फिलिप्‍पुसे नतनएल आरी भैटेयो तैसीखै बौल़ौ, “आमु कै सैजा आदमी भैटी गौआ, जैसकै बारै मुंजी मूसा कै कानून दो औरौ पौरमेशवर कै बातौ बौताणौवाल़ै लैखै राए। सै यूसुफ का बैटा यीशु औसौ जू नासरत गांव शै औसौ।”

यूहन्ना 6:42

औरौ तिनुऐ बौल़ौ, “का ऐजा यूसुफ का बैटा यीशु ना आथी जैसखै माँ-बापू आमै जाणुए? तौ सै कैशैखै बौल़ै सौकौ कै हांव स्वर्ग शै आए रौआ?”

प्रेरितो कै काम 1:1

मानगिणेयोंदा थियुफिलुस, मोऐं आपणै आगलै किताब दो तुऔं खै तिनु सौबी बातौ कै बारै मुंजी बौताए राए, जिनु बातौ कै यीशुए स्वर्ग दै उठाए जाणौ शी आगै कौरणी औरौ शिखाणी शुरु कौरे रैई थी।