लूका 3:22 - सिरमौरी नौवाँ नियम

²² औरौ पवित्र आत्मा शोरीरो कै रुप दा कबूतर कै जैशणै तैसी पांदी उतरा औरौ पौरमेशवरे स्वर्ग पौरैशौ यीशु खै बौल़ौ, “तू मैरा प्यारा बैटा औसौ हांव तांवदा खुश औसौ।”

Sirmouri

²² अरह् पबित्र-आत्त्मा देह्-शरीर धार्ण करियों कबुतर जैष्णी ऊड़ाऐयों तिन गाशी आऐ, अरह् ऐजी अकाष्वाँणी हऐ, “तू मेरा लाड़कू बैटा असो, हाँव ताँव शा खुशी असो।”

लूका 3:22 ပူးပေါင်းရင်းမြစ်များ

मत्ती 12:18

“दैखौ, ऐजा मैरा सेवक औसौ, जैसीखै मोऐं चोणे राए, मैरा प्यारा, जैसी शै मैरा मन खुशी औसौ: हांव आपणा पवित्र आत्मा तैसी पांदी पोऊंबा औरौ सै सौबी बैगानै यहूदी लोगौ खै न्याय का समाचार प्रचार कौरदा।

मत्ती 17:5

तैणै बौल़ै ही लो थियु, कै दैखौ, ऐक चौमकिला बादल़ तिनु पांदी छाए गौआ, औरौ तिनुऐ तैसी बादल़ौ पौरैशा पौरमेशवर कै बौलदै बैई शुणा कै, “ऐजा मैरा लाड़कु बैटा औसौ; जैसी दा हांव खुश औसौ: ऐसकी शुणौ।”

मत्ती 27:43

तैणै पौरमेशवर पांदी भोरोशा राखा, जै सै ऐसीखै चांव, तौ ऐबै ऐसीखै छुड़ाए दैंव, पौरौ तैणै बौल़ौ, ‘हांव पौरमेशवर का बैटा औसौ।’”

मत्ती 3:13

तैसी सौमय यीशु गलील जिले शै यरदन नोंदी कै किनारे यूहन्ना बपतिस्मा दाता कै धोरे बपतिस्मा लोन्दा ओऊवा।

मत्ती 3:16

औरौ यीशु बपतिस्मा लोयो तौलोंई पाणी मुंजीदा ऊबा ओऊवा, औरौ तैसी कारिए स्वर्ग खौलै गौ, औरौ तैणै पौरमेशवर कै आत्मा खै कबूतर कै जैशणै उतौरदे औरौ आपी पांदी आन्दै बैई दैखै।

मत्ती 3:17

पौरमेशवरे स्वर्ग पौरैशौ यीशु खै बुलो, “ऐजा मैरा लाड़कु बैटा औसौ जैसी दा हांव बैजाए खुशी औसौ।”

मरकुस 1:11

तोबै पौरमेशवरे स्वर्ग पौरैशौ यीशु खै बौल़ौ, “तू मैरा लाड़कु बैटा औसौ, हांव तांवदा खुश औसौ।”

मरकुस 1:9

इनु दूसौ दा यीशुए नासरत गांव पौरैशा गलील जिले दा आयौ, यरदन नोंदी दा यूहन्ना कैईंदा बपतिस्मा लौआ।

मरकुस 9:7

तोबै ऐक बादल़ तिनु पांदी छाए गौआ, औरौ तिनुऐ तैसी बादल़ौ पौरैशा पौरमेशवर कै ऐजौ बौलदै शुणा कै, “ऐजा मैरा लाड़कु बैटा औसौ; ऐसकी शुणौ।”

लूका 2:14

“स्वर्ग दै पौरमेशवर कै महिमा औरौ धोरती पांदी तिनु आदमी कै शान्तै भैटौ, जिनु लोगौ दा सै खुश औसौ।”

लूका 4:21

तोबै यीशु तिनु बौलदा लागा, “ऐलोई पवित्र शास्त्र का ऐजा लैख तोंवारै सामणै पूरा हौआ।”

यूहन्ना 1:32

औरौ यूहन्नाए ऐजी गवाही दी, “मोऐं पवित्र आत्मा खै कबूतर कै जैशणा स्वर्ग शै उतरदै बैई दैखा, औरौ सै तैसी पांदी ठोरा।

यूहन्ना 12:28

ओए रै पिता, प्रगट कौर कै तू कैतरा महान औसौ।” तोबै स्वर्ग पौरैशी ऐक ऐशणी आवाज़ आए कै, “मोऐं प्रकट कौरे राए कै हांव कैतरा महान औसौ, औरौ हांव इयौं बातौ कै होटेयो प्रकट कौरदा।”

यूहन्ना 5:37

औरौ पिता पौरमेशवर जैणै मुखै भैज राए, तैणै मैरी गवाही दैय तुऐं ना कौलोंई तैसकी धाव शुणी औरौ ना तैसी आमणै-सामणै दैखी।

प्रेरितो कै काम 10:38

पौरमेशवरे कैशैखै नासरत गांव कै यीशु खै पवित्र आत्मा औरौ अनौखी शौकतै लैई अभिषेक कौरा; सै भोलाए कौरदा औरौ सौबी खै जू शैतान कै सोताएयौंदे थिए, आछा कौरदा फिरा, जिथुकै पौरमेशवर तैसकै साथै थिया।

कुलुस्सियों 1:13

जिथुकै पौरमेशवरे आमु शैतान की शौकतै शै छुड़ायो आपणै प्यारे बैटै कै राज्य दै आमु लौयौ आए रौआ।

1 पतरस 2:4

प्रभु यीशु कै तुलना ऐक जियुंदी पाथर आरी कौरे राए। तैसी पाथर खै आदमीए बैगाए दिया थिया जिथुकै तिनुऐ बौल़ौ कै सै बैकार थिया। पौरौ पौरमेशवर कै नज़र दा, सै बैजाए कीमती औसौ, औरौ पौरमेशवरे तियौं नीयुं खै खास पाथर कै रुप दा चोणे राए। औरौ ओए रै साथी बिशवाशी भाईयों तुऐं बै प्रभु यीशु कै धोरे आव, ताकि तुऐं बै तैसकै दवारा तिनु जियुंदी पाथरो कै जैशणै बाणै जांव जू पौरमेशवर कै आराधना का घोर बाणणौ कारिए इस्तैमाल हौंव। तैणै तुऔं बै पवित्र यहूदी पुरोहित बाणै राए। जिथुकै जैशै यहूदी पुरोहित पौरमेशवर खै भैंट चौढ़ांव, तैशैखैई तुऐं बै भैंट कै रुप दै आपणै दिल पौरमेशवर खै चौढ़ाव। औरौ सैजी भैंट पौरमेशवर खै खुश कौरौ जिथुकै तुऐं यीशु मसीह कै औसौ।