लूका 24:27 - सिरमौरी नौवाँ नियम

²⁷ यीशुए तिनु पूरै पवित्र शास्त्र दै औरौ मूसा कै कानून शै शुरु कौरेयौ सौबै पौरमेशवर कै बातौ बौताणौवाल़ै कै दवारा आपणै बारै मुंजी देएयोंदे सौबै बातौ का मतलब तिनु सौमझाए दिया।

Sirmouri

²⁷ तबे प्रभू यीशू ऐ ऋषी-मूसा शी ऊबी, बादे ऋषियों की बरंम्बाँणीं जुण्जी पबित्र-ग्रन्थों दे लिखी गई बातो; का मतल्व आप्णे बारे दा तिन कैई शा बादा सहम्झाया।

लूका 24:27 ပူးပေါင်းရင်းမြစ်များ

मरकुस 4:34

औरौ यीशु जौल़ौ बै लोगौ खै पौरमेशवर कै राज्य कै बारै दो बौतांव थिया, हमैशा उदारण देएबा बौल़ौ थिया; पौरौ सै जौई जाऐबा आपणै चैलै खै सौबी बातौ का मतलब बौताए दैंव थिया।

लूका 24:25

तोबै तैणै दु चैलै खै बौल़ौ, “ओए रै मूर्ख नालायक लोगौ! जू किछै पौरमेशवर कै बातौ बौताणौवाल़ै पवित्र शास्त्र दो लैखै राए, तुऔं लोगौ कै तिथ पांदी बिशवाश कौरणा कैतरा मुशकिल लागौ।

लूका 24:44

हौजौ तैणै तिनु बौल़ौ, “ऐजी मैरी सैजी बातौ औसौ, जू मोऐं तोंवारै साथै रौंदै बैई तुऔं कै बौल़ै रैई थी, कै जौरुरी औसौ, कै जैतरी बातौ मूसा कै कानून दी औरौ पौरमेशवर कै बातौ बौताणौवाल़ै औरौ भजन संहिता कै किताबो दी, मैरै बारै मुंजी लैखै रैई, सौबै सच साबित हों।”

यूहन्ना 1:45

फिलिप्‍पुसे नतनएल आरी भैटेयो तैसीखै बौल़ौ, “आमु कै सैजा आदमी भैटी गौआ, जैसकै बारै मुंजी मूसा कै कानून दो औरौ पौरमेशवर कै बातौ बौताणौवाल़ै लैखै राए। सै यूसुफ का बैटा यीशु औसौ जू नासरत गांव शै औसौ।”

यूहन्ना 12:41

यशायाहै ऐजी बातौ इथकारिए बुली, कै तैणै यीशु कै महिमा सौमय दी आगै दैखै; औरौ तैसकै बारै मुंजी बातौ कौरी।

यूहन्ना 5:37

औरौ पिता पौरमेशवर जैणै मुखै भैज राए, तैणै मैरी गवाही दैय तुऐं ना कौलोंई तैसकी धाव शुणी औरौ ना तैसी आमणै-सामणै दैखी।

यूहन्ना 5:39

तुऐं पवित्र शास्त्र कै ध्यान शै पोढ़ो, जिथुकै तुऐं सुंचौ कै तिंदी तुऔं कै सौदा कै जिन्दगी भैटौए, औरौ ऐजा सैजाई औसौ, जू मैरी गवाही दैंव।

प्रेरितो कै काम 10:43

तैसकै सौबै पौरमेशवर कै बातौ बौताणौवाल़ै गवाही दैंव कै जू कुणिए यीशु पांदी बिशवाश कौरला, तैसी तैसकै नांव कै दवारा पापौ की माफी भैटदै।

प्रेरितो कै काम 3:18

पौरौ जिनु बातौ कै सौब पौरमेशवर कै बातौ बौताणौवाल़ै कै दवारा औगौड़ियौ ही पौरमेशवरे बौल़ै राए थियु, कै तैसका मसीह दुख झैलदा औरौ मारा जांदा, औरौ तैणै तिनु साचौ कौरेयौ दिखोऊ।

प्रेरितो कै काम 3:22

जैशैखै मूसाए बौल़ौ, ‘प्रभु पौरमेशवर तोंवारै भाईयों मुंजी तुऔं कारिए मुं जैशणा ऐक पौरमेशवर कै बातौ बौताणौवाल़ा भैजदा जू किछै सै तुऔं बौल़ौ तैसकी शोणेया।’

प्रेरितो कै काम 3:24

औरौ शमूएल शै लोयो तैसकै बाद वाल़ौ तौड़ी जैतरै पौरमेशवर कै बातौ बौताणौवाल़ै बातौ बौतैई तिनु सौबीए इनु दूसौ का सौंदेश दैय राए।

प्रेरितो कै काम 7:37

ऐजा सैजाई मूसा औसौ, जैणै इस्राएल देश कै लोगौ कै बौल़ौ, ‘पौरमेशवर तोंवारै भाईयों मुंजीदा तुऔं कारिए मैरै जैशणा ऐक पौरमेशवर कै बातौ बौताणौवाल़ा भैजदा।’

प्रेरितो कै काम 8:35

तोबै फिलिप्पुसे बौलणौ शुरु कौरौ औरौ ऐसी पवित्र शास्त्र पौरैशौ शुरु कौरेयौ तैसीखै यीशु का सुसमाचार शुणौऊवा इथकारिए सैजा औधिकारी सौमझै गौआ औरौ यीशु पांदी बिशवाश कौरा।

प्रकाशितवाक्य 19:10

जोबै मोऐं शुणु तौ हांव तैसी आदमी कै सामणै झौकै गौआ जैणै मुंआरी बातौ कौरे लोई थी, जिथुकै हांव तैसकी आराधना कौरणौवाल़ा थिया। तैणै मुंकैई बौल़ौ, “मैरी आराधना नी कौर। पौरमेशवर ही औसौ जैसकै ताखै आराधना कौरणै चैंई। जिथुकै हांव बै तैशैखैई पौरमेशवर का ऐक सेवक औसौ, जैशै तू औसौ औरौ तैशैखैई जैशै यीशु मसीह पांदी बिशवाश कौरणौवाल़ै तैरै बिशवाशी भाई औसौ, जू बिशवाश कौरौ कै यीशु तिनका प्रभु औसौ। ऐजी सौचाई जू यीशुए दिखाए राए थी, तिथु साबित कौरणौ कारिए पवित्र आत्मा लोगौ खै काबिल बाणौ।”