लूका 23:4 - सिरमौरी नौवाँ नियम

⁴ तोबै राज्यपाल पिलातुसे मुख्य यहूदी पुरोहितो औरौ लोगौ कै बौल़ौ, “हांव ऐसी आदमी दा किछै बै दोष ना पोऊँ।”

Sirmouri

⁴ तबे हाकम-पिलातुस ऐ मुँख्या-याजकों अरह् लोगो की बड़ी बैशुमाँर भीड़ खे बुलो, “हाँव ऐसी आदमी दा किऐ दोष-कसूर ने जाँण्दा।”

लूका 23:4 ပူးပေါင်းရင်းမြစ်များ

मत्ती 27:19

जोबै सै न्याय आसन पांदी बौठै रौआ थिया तोबै तैसकै घोरवाल़ीए तैसी बैवरा दिया, “तू तैसी धरमी कै मामलै दा हाथ नी लाया जिथुकै मोऐं ऐलो सुईणै मुंजी तैसकी बौजैह शै बौहिता दुख सैय राए।”

मरकुस 15:14

पिलातुसे तिनुखै बौल़ौ, “किथुखै, ऐणै का बुरु कौरे राए?” पौरौ भीड़ै हौजौ बै रोल़ा पाड़ा, “तैसीखै क्रूसो पांदी किलियों खत्म कौरौ।”

लूका 23:22

तैणै तिजाल़ियों तिनुखै बौल़ौ, “किथुखै, ऐणै का बुरु कौरे राखौ? मोऐं ऐसी दी हत्या कै सौजा कै लायक किछै बै बात ना पैई! इथकारिए हांव ऐसी कौड़ै शै पीटाएयों छोड़े दियु।”

यूहन्ना 18:38

राज्यपाल पिलातुसे तैसीखै बौल़ौ, साचौ का औसौ?” ऐजौ बौलेयौ सै हौजौ यहूदी नेताओं कै धोरे हौटा औरौ तिनुखै बौल़ौ, “हांव ऐसी दा किछै बै दोष ना पोऊँ।

प्रेरितो कै काम 25:25

पौरौ मोऐं जाणै पोऊँ कै तैणै ऐशणौ किछै नी कौरे रैई कै मारा जांव; औरौ जोबै कै तैणै आपी ही बिन्ती कौरे कै मैरा न्यांव का फोयसला खुद महाराजा कै दवारा हौणा चैंई। तौ मोऐं तैसी रोम शहर भैजणौ का फोयसला कौरा।

प्रेरितो कै काम 3:13

अब्राहम, इसहाक औरौ याकूब का पौरमेशवर, अमारै पुराणिया कै पौरमेशवरे आपणै सेवक यीशु की महिमा कौरे, पौरौ तुऐं तैसी मारणौ कारिए यहूदी नेताओं कै हाथौ दा थोम्बाए दिया, औरौ जोबै राज्यपाल पिलातुसे तैसी छोड़े दैणौ का विचार कौरा, तोबै तुऐं तैसकै सामणै यीशु कै बैज्जती कौरे।

इब्रानियों 7:26

यीशु तैशणा महायहूदी पुरोहित औसौ जैसकी आमु जौरुरत औसौ। सै पवित्र औसौ, औरौ बिना पापवाल़ा, शुध्द, औरौ पापियों कै प्रभाव शै दूर रौंव, औरौ तैसी स्वर्ग दा बै ऊबा उठाए राए।

1 पतरस 2:22

पवित्र शास्त्र बौल़ौए, “मसीहे कौलोंई पाप ना कौरी। तैणै कौलोंई झूठु ना बुली, ऐकबेई बै नी।”

1 पतरस 3:18

हांव ऐजौ बुलू जिथुकै मसीहे बै अमारै पापौ की बौजैह शै दुख झैला औरौ मौर गौआ। सै सिरफ ऐकैई बैई मौरा औरौ इयौं बातौ कै बार-बार बौलणौ कै जौरुरत ना आथी। सै ऐक धरमी आदमी थिया जू पापी लोगौ कारिए मौरे गौआ ताकि सै आमु कै पौरमेशवर कै धोरे लाए सौकौ। तिनुऐ तैसकै शोरीर कै मार दिया पौरौ पौरमेशवरे तैसी पवित्र आत्मा कै शौकतै लैई औटेयौ जियुंदी कौरे दिया।