लूका 23:35 - सिरमौरी नौवाँ नियम

³⁵ लोगै खौड़ै-खौड़ै दैख लौ थियु, औरौ ठोगड़े बै ठाटा उड़ाएयो ऐजौ बौल़ौ थिए, “ऐणै ओकी कै बौचाए, जै ऐजा पौरमेशवर का मसीह औसौ, औरौ तैसका चोणेयौंदा औसौ, तौ आपी कै बौचाए पांदा।”

Sirmouri

³⁵ लोगों के भीड़ ऐं ऐजो सब देखी लो थियों, अरह् नंम्बरदार लोग ठाठै पाड़ी-पाड़ियों बुलो थिऐ; के “ऐने ओकी बंचाऐ थुऐ; परह् जे ऐ पंण्मिश्वर का मसीया असो; अरह् तेस्का चूणाँ-छाँटा अंदा असो, तअ ऐ आगे आपु आप्खे बंचाँऐ दियों।”

लूका 23:35 ပူးပေါင်းရင်းမြစ်များ

मत्ती 12:18

“दैखौ, ऐजा मैरा सेवक औसौ, जैसीखै मोऐं चोणे राए, मैरा प्यारा, जैसी शै मैरा मन खुशी औसौ: हांव आपणा पवित्र आत्मा तैसी पांदी पोऊंबा औरौ सै सौबी बैगानै यहूदी लोगौ खै न्याय का समाचार प्रचार कौरदा।

मत्ती 3:17

पौरमेशवरे स्वर्ग पौरैशौ यीशु खै बुलो, “ऐजा मैरा लाड़कु बैटा औसौ जैसी दा हांव बैजाए खुशी औसौ।”

लूका 16:14

जोबै फरीसी लोगै ऐजौ सौबै शुणौ, तौ सै यीशु कै ठाटै पाड़दै लागै, जिथुकै सै पोएसै आरी प्यार कौरौ थिए।

लूका 23:13

राज्यपाल पिलातुसे मुख्य यहूदी पुरोहितो औरौ ठोगड़े औरौ लोगौ कै बोयदयो तिनु बौल़ौ,

लूका 23:39

जू तिथै कुकर्मी लोटकाए राए थिए, तिनु मुंजीदा ऐकीए तैसकै नेंदैया कौरेयौ बौल़ौ, “का तू मसीह ना आथी? तौ तू आपी खै औरौ आमु कै बौचाए पा।”

1 पतरस 2:4

प्रभु यीशु कै तुलना ऐक जियुंदी पाथर आरी कौरे राए। तैसी पाथर खै आदमीए बैगाए दिया थिया जिथुकै तिनुऐ बौल़ौ कै सै बैकार थिया। पौरौ पौरमेशवर कै नज़र दा, सै बैजाए कीमती औसौ, औरौ पौरमेशवरे तियौं नीयुं खै खास पाथर कै रुप दा चोणे राए। औरौ ओए रै साथी बिशवाशी भाईयों तुऐं बै प्रभु यीशु कै धोरे आव, ताकि तुऐं बै तैसकै दवारा तिनु जियुंदी पाथरो कै जैशणै बाणै जांव जू पौरमेशवर कै आराधना का घोर बाणणौ कारिए इस्तैमाल हौंव। तैणै तुऔं बै पवित्र यहूदी पुरोहित बाणै राए। जिथुकै जैशै यहूदी पुरोहित पौरमेशवर खै भैंट चौढ़ांव, तैशैखैई तुऐं बै भैंट कै रुप दै आपणै दिल पौरमेशवर खै चौढ़ाव। औरौ सैजी भैंट पौरमेशवर खै खुश कौरौ जिथुकै तुऐं यीशु मसीह कै औसौ।