लूका 23:14 - सिरमौरी नौवाँ नियम

¹⁴ “तुऐं ऐसी आदमी कै मैरै धोरे लियोऊवा औरौ बौल़ौ कै ऐजा दंगा कौरवाणौ कारिए लोगौ कै बेहकांव थिया। पौरौ मोऐं तोंवारै सामणै ऐसीकै पोरखा पौरौ जिनु बातौ का तुऐं ऐसी पांदी दोष लौआ, इनु बातौ कै बारै मुंजी मोऐं ऐसी दा किछै बै दोष ना पाए रैई।

Sirmouri

¹⁴ “तुँऐं ऐसी आदमी लोगो का दुरताँणों वाल़ा, बाँणियों मुँह कैई आँणा; अरह् देखो, मुँऐ तुवाँरे सहाँम्णें ऐस्की ज़ाँच-परख करी; परह् जिनू बातो का तुऐं ऐसी दोषी-कसूरबार बाँणा थिया, तिनू बातों के बारे दा मुँऐ ऐस्दा किऐ दोष-कसूर ने देखी थंई।”

लूका 23:14 ပူးပေါင်းရင်းမြစ်များ

मत्ती 27:19

जोबै सै न्याय आसन पांदी बौठै रौआ थिया तोबै तैसकै घोरवाल़ीए तैसी बैवरा दिया, “तू तैसी धरमी कै मामलै दा हाथ नी लाया जिथुकै मोऐं ऐलो सुईणै मुंजी तैसकी बौजैह शै बौहिता दुख सैय राए।”

मत्ती 27:24

जोबै पिलातुसे दैखौ, कै किछै बै बौणै ना रैई पौरौ इथकै उलटु रोल़ा बोड़दा ही गौआ, तोबै तैणै पाणी लैई भीड़ौ खै सामणै आपणै हाथ धोवे। औरौ बुलू, “हांव ऐसी धरमी खै लोऊ शै निर्दोष औसौ; तुऐंई जाणौ।”

मत्ती 27:4

औरौ बौल़ौ, “मोऐं निर्दोष आदमी खै मारणौ कारिए थोम्बाएबा पाप कौरे राए!” तिनुऐ बौल़ौ, “आमु इथकै बारै मुंजी किछै परवाह ना आथी? तू आपी इथकारिए जुमैवार औसौ।”

मत्ती 27:54

तोबै सूबेदार औरौ जिनिए तैसकै साथै यीशु कै रोखवाल़ी कौरे लोए थै, भुईचोल़ औरौ जू किछै हौए रौ थियु, दैखैबा डौरे गौवै, औरौ बौल़ौ, “सौथीखै ऐजा आदमी, पौरमेशवर का बैटा थिया।”

प्रेरितो कै काम 13:28

तिनुऐ मारणौ कै लायक कुणजाई दोष तैसदा ना पाई, तोबै बै राज्यपाल पिलातुस शै बिन्ती कौरे, कै सै मारै दिया जांव।

प्रेरितो कै काम 17:11

ऐजै लोग तौ थिस्सलुनीके शहर कै यहूदी लोगौ शै ठोगड़े थिए, औरौ तिनुऐ बौड़ै चाव शै वचन खै अपनोऊवा, औरौ हर रौज पवित्र शास्त्र पौरैशौ जांचदै रौवै कै ऐजी बातौ साची औसौ कै ना आथी।

इब्रानियों 7:26

यीशु तैशणा महायहूदी पुरोहित औसौ जैसकी आमु जौरुरत औसौ। सै पवित्र औसौ, औरौ बिना पापवाल़ा, शुध्द, औरौ पापियों कै प्रभाव शै दूर रौंव, औरौ तैसी स्वर्ग दा बै ऊबा उठाए राए।