लूका 22:70 - सिरमौरी नौवाँ नियम

⁷⁰ इथपांदी सौबीए बौल़ौ, “तौ का तू पौरमेशवर का बैटा औसौ?” तैणै तिनु बौल़ौ, “तुऐं आपी बौल़ै लो कै हांव औसौ।”

Sirmouri

⁷⁰ ईन्दें गाशी बादे के बादे लोग बुल्दे लागे, तअ तबे कियो “तू पंण्मिश्वर का बैटा असो?” प्रभू यीशू ऐ जबाब दिता, “तुँऐं आपु ही बुली लो, के (हाँव असो)।”

लूका 22:70 ပူးပေါင်းရင်းမြစ်များ

मत्ती 26:25

तोबै तैसकै थोम्बाणो वाल़ै यहूदा इस्‍करियोतीए बुलू, “ओए रै गुरु, का सैजा हांव औसौ?” तैणै तैसी बौल़ौ, “तुऐं बौल़ै दियु।”

मत्ती 26:64

यीशुए तैसकै बौल़ौ, “तुऐं आपी ही बौल़ै दियु; पौरौ हांव तुऔं खै ऐजौ बै बुलू: की ऐबै शै तुऐं मुखै आदमी कै बैटै खै सौबिदा शौकतीशाली कै सोऐं ढौबौ बौठैयौंदे राज कौरदै दैखलै, औरौ तुऐं मुखै स्वर्गो शा गौयणै कै बादल़ौ पांदी आन्दै बैई दैखलै?”

मत्ती 27:11

जोबै यीशु राज्यपाल पिलातुस कै सामणै खौड़ा थिया तौ राज्यपाले तैसी पूछु, “का तू यहूदियों का राजा औसौ?” यीशुए तैसी बौल़ौ, “तुऐं आपी ही लौ बौल़ै।”

मत्ती 27:43

तैणै पौरमेशवर पांदी भोरोशा राखा, जै सै ऐसीखै चांव, तौ ऐबै ऐसीखै छुड़ाए दैंव, पौरौ तैणै बौल़ौ, ‘हांव पौरमेशवर का बैटा औसौ।’”

मत्ती 27:54

तोबै सूबेदार औरौ जिनिए तैसकै साथै यीशु कै रोखवाल़ी कौरे लोए थै, भुईचोल़ औरौ जू किछै हौए रौ थियु, दैखैबा डौरे गौवै, औरौ बौल़ौ, “सौथीखै ऐजा आदमी, पौरमेशवर का बैटा थिया।”

मत्ती 3:17

पौरमेशवरे स्वर्ग पौरैशौ यीशु खै बुलो, “ऐजा मैरा लाड़कु बैटा औसौ जैसी दा हांव बैजाए खुशी औसौ।”

मत्ती 4:3

तोबै शैतानै तैसकै धोरे आयौ बौल़ौ, “जै तू सौथी कै पौरमेशवर का बैटा औसौ तौ इयौं बातौ कै साबित कौरणौ कारिए आदैश दै कै ऐजै पाथर रोटी बौणै जांव ताकि तू इनु खाए सौकै।”

मरकुस 14:62

यीशुए बौल़ौ, “हौर हांव औसौए: तुऐं मुखै, आदमी कै बैटै खै सौबिदा शौकतीशाली पौरमेशवर कै सोऐं ढौबौ बौठेयौंदा राज कौरदै दैखलै, औरौ तुऐं मुखै स्वर्गो शा गौयणी कै बादल़ौ पांदी आन्दै बैई दैखलै।”

मरकुस 15:2

राज्यपाल पिलातुसे तैसी कैईंदु पूछु, “का तू यहूदियों का राजा औसौ?” यीशुए तैसीखै जोवाब दिया, “तुऐं आपी ही लौ बौल़ै।”

लूका 22:71

तोबै तिनुऐ बौल़ौ, “ऐबै आमु गवाही कै का जौरुरत औसौ जिथुकै आमुए ऐसकी मुँओं शौ आपी ही शुण पोऊँ।”

लूका 23:3

राज्यपाल पिलातुसे तैसीयांदो पूछु, “का तू यहूदी लोगौ का राजा औसौ?” यीशुए तैसीखै जोवाब दिया, “तुऐं आपी ही बौल़ै लो।”

लूका 4:41

औरौ दुष्टआत्मा लैलियायो बौहितै लोगौ पौरैशी निकल़ै गोई, औरौ बौलदी लागी, “कै तू पौरमेशवर का बैटा औसौ,” पौरौ सै तिनु ताड़ौ औरौ बौल़ाणौ नै दैंव थिया, जिथुकै सै जाणौ थी कै सै मसीह औसौ।

यूहन्ना 1:34

मोऐं आपी दैखौ, औरौ हांव तुऔं कैई साचौ बुलू, की ऐजाई पौरमेशवर का बैटा औसौ।”

यूहन्ना 1:49

नतनएले तैसीखै जोवाब दिया, “ओए रै गुरुजी, तू पौरमेशवर का बैटा औसौ इस्राएल देश का महाराजा औसौ।”

यूहन्ना 10:30

हांव औरौ पिता पौरमेशवर ऐक औसौ।”

यूहन्ना 10:36

तौ जोबै हांव ऐजौ बुलू, ‘हांव पौरमेशवर का बैटा औसौ।’ तौ तुऐं मुखै काए बौल़ौ, ‘तू नेंदैया कौरे।’ इथकारिए मोऐं बुलू, ‘हांव सैजाई औसौ जैसी पिता पौरमेशवरे जौई कौरा औरौ मुखै दुनिया पांदी भैज राए।’

यूहन्ना 18:37

राज्यपाल पिलातुसे बौल़ौ, “तौ का तू राजा औसौ? यीशुए जोवाब दिया, तू बौल़ै कै हांव राजा औसौ। मैरै जन्म लोणो औरौ दुनिया पांदी आणौ कै बौजैह ऐजै औसौ कै हांव सच कै बारै मुंजी शिखाए सौकु, औरौ सच कै मानणोवाल़ै सौबै मैरी बातौ शुणौ।

यूहन्ना 19:7

यहूदी नेताए तैसीकै जोवाब दिया, अमारा बै ऐक कानून औसौ औरौ तिनु कानून कै हिसाब शै मोहर दैणौ कै लायक औसौ जिथुकै ऐजा आपी कै पौरमेशवर का बैटा बौल़ौ।