लूका 22:61 - सिरमौरी नौवाँ नियम

⁶¹ तोबै प्रभु यीशुए पाछु फेरेयो कै पतरस कै ढौबौ दैखौ औरौ पतरस कै प्रभु की सैजै बात याद आए जू तैणै बौल राए थै, “ऐलो कुकड़ै कै बांक दैणै दै आगै तू तीन बैई मुखै भाजै जांदा।”

Sirmouri

⁶¹ तबे प्रभू यीशू ऐ पाछू फीरियो, पतरस दी झ़ैठ पाऐ, अरह् पतरस के सेजी बात चींत्ते आऐं; जुण्जी बात प्रभू यीशू ऐ तैस्खे आगे ही बुली थंऐ थी, के ऐत्त्लो रात्ती ही तू कुक्ड़े के बाँक देंणों शा आगे भाजी ज़ाँईदा के हाँव ने ऐसी जाँण्दा के ऐ कुँण असो।

लूका 22:61 ပူးပေါင်းရင်းမြစ်များ

मत्ती 26:34

यीशुए तैसीखै बौल़ौ, “हांव तुऔं कै साचौ बुलू, कै ऐलोई रातै कै कुकड़ै कै, बांक दैणौ दै औगौड़ियौ तू तीन बैई भाजै जाला, कै तू मुखै ना जाणै!”

मत्ती 26:75

तोबै पतरस खै सैजै बात जू यीशुए तैसीखै बौल़ै राए थी याद आए, “कुकड़ै कै बांक दैणौ दै आगै तू तीन बैई मुखै मना कौरदा।” औरौ सै बायरै जायौ जोर-जोर शै रुन्दा लागा।

मरकुस 5:30

यीशुए तौलोंई आपणै मन दो जाणै पोऊँ, कै मुं पौरैशै अनौखी शौकतै निकल़ै रौए, औरौ भीड़ौ मुंजी पाछु फिरैयौ पूछु, “मैरै खोटणो कुणै छुऐं?”

लूका 10:41

प्रभुए तियौंकै जोवाब दिया, “मार्था, ओए रै मार्था; तू बौहितै बातौ कै चिन्‍ता कौरे औरौ पौरैशान हौए जाए।

लूका 22:34

तैणै बौल़ौ, “ओए रै पतरस हांव ताखै बुलू, कै ऐलो कुकड़ै कै, बांक दैणौ दै औगौड़ियौ तू तीन बैई भाजै जाला, कै तू मुखै ना जाणै।”

लूका 22:60

पतरसे बौल़ौ, “ओए रै भाई साब, हांव ना जाणु कै तुऐं का बौल़ै लो?” तैणै ऐजौ बौल ही लौ थियु कै तौलोंई कुकड़ै बांक दै।

लूका 22:62

औरौ सै बायरै निकल़ैयो हिणकै-हिणकियौं रुन्दा लागा।

लूका 7:13

तियौं दैखैयो प्रभु कै गिणौ लागी, औरौ तियौंखै बौल़ौ, “रौया नै।”

लूका 7:19

तोबै यूहन्ना बपतिस्मा दाताए आपणै चैलै मुंजीदै दु कै बौएदैयौ प्रभु कै धोरे ऐजौ पूछणो कारिए भैजै, “का तू ही सैजा मसीह औसौ, जैसी छाड़णौ का वादा पौरमेशवरे कौरे राए थिया या आमै कोसी ओकी कै ठोल़नाए कौरु?”

यूहन्ना 13:38

यीशुए जोवाब दिया, “का तू मुं कारिए मौरदा? हांव तुऔं कै साचौ-साचौ बुलू, कै ऐलोई रातै कै कुकड़ै कै बांक दैणौ दै औगौड़ियौ तू तीन बैई मुखै भाजै जाला, कै तू मुखै ना जाणै!”

प्रेरितो कै काम 5:31

तैसीखैईं पौरमेशवरे राजा औरौ उध्दार कौरणौवाल़ा ठोहराएयो, आपणै सोऐं हाथौ कै सौबी दै बौड़ै ठाँव पांदी बौठाल़े दिया ताकि सै इस्राएल देश कै लोगौ कै आपणै बुरै सोंच विचारो औरौ बुरै बाटो शै पौरमेशवर कै ढौबौ फिरो औरौ तैसकै दवारा तिनुकै आपणै पापौ कै माफी दै।

इफिसियों 2:11

इयौं बौजैह शै, तुऐं जू बैगानै यहूदी पौयदा हौए रौवै थिए, याद कौरौ कै तुऐं आगै कैशणै थिए। यहूदी लोगै तुऔं ऐजौ बौलेयौ बैकार जाणौ कै तुऐं खतना ना कौरांव। पौरौ तिनका ऐजा भौवार सिरफ तिनकै शोरीर पांदी हौंव ना कै तिनकै मन दा।

प्रकाशितवाक्य 2:5

इथकारिए याद कौर कै तू शुरुआत शै मुंआरी कैशणा प्यार कौरे थिया औरौ ऐबै तू मुखै तैशैखैई प्यार ना कौरे। इयौं बात शै पाप कौरणै छोड़े दै औरौ मुंआरी तैशैखैई प्यार कौरणा शुरु कौर जैशै तू शुरुआत शै कौरे थिया। जै तू ना बौदला तौ हांव तैरै धोरे आन्दा औरौ जिथै तैरै दिवट राखै राए तिनु तिथैदै हटाए दैंदा।