लूका 22:53 - सिरमौरी नौवाँ नियम

⁵³ जौल़ौ हांव मन्दिर दा रौज तोंवारै साथै थिया, तौ तुऐं मुं पांदी हाथ ना पाई, पौरौ ऐजा तोंवारा सौमय औसौ औरौ इनारै का औधिकार औसौ।”

Sirmouri

⁵³ जबे हाँव देऊँठी दा रोज तुँवारी गईलो थिया, तअ तेथै तअ तुँऐं मुँह्दा हाथ भे लाई ने, परह् ऐजा तुवाँरा बख्त असो, अरह् ईन्दे गाशी अंन्धकार का हंक-अधिकार असो।”

लूका 22:53 ပူးပေါင်းရင်းမြစ်များ

मत्ती 21:23

तैणै मन्दिरो दा जाऐबा उपदैश दैय लौआ थिया, तौ मुख्य यहूदी पुरोहित औरौ यहूदी शास्त्री औरौ बुड़ेईक तैसकै धोरे आयौ पूछदै लागै, “की तू ऐजै काम कोसी औधिकार शै कौरे? औरौ ताखै ऐजा औधिकार कुणै दैय राए?”

लूका 22:52

तोबै यीशुए मुख्य यहूदी पुरोहित औरौ मन्दिर कै रौखवाल़ै का ठोगड़ा औरौ बुड़ेईको शै, जू तैसकै धोरे थिए बौल़ौ, “का तुऐं मुखै थामणो कारिए डाकू सौमझेयौ तलवारों औरौ लाठी लोयो निकल़ी रौवै?

लूका 22:54

तोबै सै तैसी पाकड़ेयो लोए गौए, औरौ महायहूदी पुरोहित कै घोरे लियोऊवा। औरौ पतरस दूरकै-दूरकै दा तैसकै पौछौड़ियौ-पौछौड़ियौ हांडदा रौआ।

यूहन्ना 12:27

“ऐबै मैरा जी घबराए रौआ कै ऐबै हांव का बुलू ‘ओए रै पिता मुखै इयौं पीड़ो कै सौमय दा बौचा?’ पौरौ ना, जिथुकै दुख सैहणौ औरौ मौरणौ कारिए हांव इयौं दुनिया दा आए रौआ।

यूहन्ना 13:30

रोटी का टुकड़ा खाणौ कै बाद यहूदा तौलोंई बायरै हौटै गौआ औरौ ऐजा राती का सौमय थिया।

यूहन्ना 14:30

मुंआगै तुऔं साथी बात कौरणौ कारिए जादा सौमय ना बौचै रैई, जिथुखै इयौं दुनिया का ठोगड़ा शैतान आन्दा लागै रौआ, औरौ मुं पांदी तैसका किछै औधिकार ना आथी।

यूहन्ना 7:30

इथपांदी नेताए तैसीखै थामणा चोऊवा तौ बै कोसीए तैसी गिरफ्तार ना कौरी, जिथु तैसखै मौरणौ का सोही सौमय इबी तौड़ी ना आए रैई थी।

यूहन्ना 7:45

तोबै मन्दिर कै रोखवाल़ै मुख्य यहूदी पुरोहितो औरौ फरीसी लोगौ कै धोरे आए, औरौ तिनुऐ तिनुखै पूछै, “तुऐं तैसी गिरफ्तार कौरेयौ काए ना लैई?”

प्रेरितो कै काम 26:18

कै तू तिनकी आखी खुलै, ताकि सै इनारै पौरैशै पेयाशै खै डोबै, औरौ शैतानो कै औधिकारो शै पौरमेशवर कै ढौबौ फिरो; तोबै पौरमेशवर तिनकै पापौ खै माफ कौरदा, औरौ तिनु लोगौ कै साथै ऐक ठाँव दैंदा जू इथकारिए पवित्र कौरे राए जिथुकै सै मुं पांदी बिशवाश कौरौ।’

कुलुस्सियों 1:13

जिथुकै पौरमेशवरे आमु शैतान की शौकतै शै छुड़ायो आपणै प्यारे बैटै कै राज्य दै आमु लौयौ आए रौआ।