लूका 22:41 - सिरमौरी नौवाँ नियम

⁴¹ औरौ सै आपी तिनुदा जौई हौयौ शौ फूट दूर हौटै गौआ, औरौ घुंडू नियुड़ाऐबा प्रार्थना कौरदा लागा।

Sirmouri

⁴¹ तबे प्रभू यीशू चैले शे दाँणिंक आगुड़े हुटे, अरह् घुंन्डकुँणिऐ प्रार्थना कर्दे लागे।

लूका 22:41 ပူးပေါင်းရင်းမြစ်များ

मत्ती 26:39

तोबै सै दैणिक औगौड़ियौ हौटा औरौ आपणा मुँह जोमीनो कै ढौबौ कौरेयौ प्रार्थना कौरदा लागा, “ओए रै मैरै पिता जै हौए सौकौ तौ ऐजा दुख का छाना मुं कैईंदा टोल़े जांव, तौ बै जैशै हांव चोऊं तैशैखै नी, पौरौ जू तू चांए तैशैखैई हौंव।”

मरकुस 14:35

तोबै यीशु दैणिक औगौड़ियौ हौटा। औरौ आपणै घुंडू नियुड़ाएयो आपणा मुँह जोमीनो ढौबौ कौरेयौ पौरमेशवर शै प्रार्थना कौरदा लागा, जै हौए सौकौ तौ ऐजा दुख का सौमय मुं कैईंदा टोल़े जांव।

लूका 18:11

फरीसी आदमी खौड़ा हौयौ आपणै मन दै ऐजै प्रार्थना कौरदा लागा, ‘ओए रै पौरमेशवर, हांव तैरा धन्यवाद कौरु, कै हांव ओकी आदमी कै जैशणा दुष्टता कौरणौवाल़ा न्याय ना कौरणौवाल़ा औरौ ना गौलत सौमबंध बौणाणौवाल़ा, औरौ ना ही ऐसी मामला लोणो वाल़ै कै जैशणा आथी।

लूका 18:13

“पौरौ मामला लोणो वाल़ै दूर ही खौड़ा हौयौ औरौ तैणै स्वर्ग कै ढौबौ दैखणौ बै ना चोऊ, पौरौ दुख कै साथै छाती पीटैयो बौल़ौ, ‘ओए रै पौरमेशवर मुं पापी पांदी दया कौर।’

प्रेरितो कै काम 20:36

ऐजौ बौलेयौ तैणै घुंडू नियुड़ायो औरौ तिनु सौबी कै साथी प्रार्थना कौरे।

प्रेरितो कै काम 21:5

साती दूसौ कै बाद जोबै तिथैदै अमारै जाणौ का सौमय ओऊवा, तौ आमुए तिथैदै चालै पौड़ै, औरौ सौबी बैटमाणिशौ औरौ नानड़िया समैंत तिनिए आमु नगर कै बायरै तौड़ी पोऊंचाए औरौ आमुए किनारे पांदी घुंडू नियुड़ाएयो प्रार्थना कौरे।

प्रेरितो कै काम 7:60

हौजौ घुंडू नियुड़ायो जोर सै बौल़ौ, “ओए रै प्रभु, ऐसी पाप कारिए इनु माफ कौर।” ऐजौ बौलेयौ सै मौरे गौआ।

प्रेरितो कै काम 9:40

तोबै पतरसे सौबी खै बायरै कौरे दियै, औरौ घुंडू नियुड़ायो प्रार्थना कौरे; औरौ लाश कै ढौबौ दैखैयो बौल़ौ, “ओए रै तबीता, ऊबै बिज़।” तोबै तियैं आपणी आखी खोले दी; औरौ पतरस खै दैखैयो ऊबै बिजै।

इब्रानियों 5:7

जोबै यीशुए इयौं धोरती पांदी कै पूरै जीवन दी पौरमेशवर शै जोर-जोर शै लैलियायो औरौ रुंदै बैई, प्रार्थनाए औरौ बिन्ती कौरी जू तैसीखै मौत शै बौचाए सौकौ थिया, तौ पौरमेशवरे तैसकै प्रार्थना शौणै जिथुकै सै नम्र औरौ जिमैदार थिया।