लूका 22:37 - सिरमौरी नौवाँ नियम

³⁷ जिथुकै हांव तुऔं बुलू, कै ऐजौ पवित्र शास्त्र दो मैरै बारै मुंजी जू लैखै राए सैजौ पूरु हौंव। तिथपांदी लैखै रैई कै, ‘तैसी कानून तौड़णे वाल़ौ कै साथै शामिल कौरा।’ ऐजी बातौ मैरै बारै मुंजी लैखै राए औरौ तावल़ी ही पूरी हौणै वाल़ी औसौ।”

Sirmouri

³⁷ किन्देंखे के हाँव तुँओं खेे बुलू, के ऐष्णों कर्णों जरूरी असो; के पबित्र-ग्रन्थों का सेजा लेख मुँदा ही पुरा हंदा: के तेसी ‘कुकर्णी कर्णो वाल़े आरी गीणाँ ज़ाँदा।’ अरह् जुण्जो किऐ मेरे बारे दो लिखी भे थो, सेजो सब-कुछ जरूर पुरो हंदो।”

लूका 22:37 ပူးပေါင်းရင်းမြစ်များ

मरकुस 15:27

तिनुऐ तैसकै साथै दो डाकू, ऐक तैसकै सोऐं ढौबौ औरौ ऐक डैरै ढौबौ क्रूसो पांदी चौढ़ाए।

मरकुस 15:28

(ऐशैखैई पवित्र शास्त्र का सैजा वचन पूरा हौआ, जू मसीहा कै बारै मुंजी बौतांव थिया, कै सै अपराधी कै जैशणा गिणा जाला)।

लूका 18:31

तोबै तैणै बारौ चैलै कै साथै नियौ तिनु बौल़ौ, “आमु यरूशलेम शहर खै जांदै लागै रौवै, औरौ जिशैक बातौ मुं आदमी कै बैटै कै बारै मुंजी पौरमेशवर कै बातौ बौताणौवाल़ै लैखै रैई, सै सौबै पूरी हौंदी।

लूका 22:22

जिथुकै मुं आदमी कै बैटै कारिए जैशै ठोहराए राए, पौरौ तैसी आदमी कै सख्त सौजा भैटदै जू मुखै धौखै शा थोमाला।

लूका 22:36

तोबै यीशुए तिनुखै बौल़ौ, “पौरौ ऐबै लोग अमारै खिलाफ औसौ, तौ जैसिया बोटुआ औसौ सै तैसी उंढा कौरौ, औरौ तैशैखैई झोल़ा बै कौरौ, औरौ जैसिया तलवार ना आथी सै आपणै सदरी बिकैयो ऐक तलवार खोरीदै पाव।

लूका 22:52

तोबै यीशुए मुख्य यहूदी पुरोहित औरौ मन्दिर कै रौखवाल़ै का ठोगड़ा औरौ बुड़ेईको शै, जू तैसकै धोरे थिए बौल़ौ, “का तुऐं मुखै थामणो कारिए डाकू सौमझेयौ तलवारों औरौ लाठी लोयो निकल़ी रौवै?

लूका 23:32

सिपाही यीशु कै साथै तिनु दु आदमी कै बै सौजा दैणौ कारिए साथै लोए गौवै जू कुकर्मी थिए।

लूका 24:27

यीशुए तिनु पूरै पवित्र शास्त्र दै औरौ मूसा कै कानून शै शुरु कौरेयौ सौबै पौरमेशवर कै बातौ बौताणौवाल़ै कै दवारा आपणै बारै मुंजी देएयोंदे सौबै बातौ का मतलब तिनु सौमझाए दिया।

यूहन्ना 10:35

औरौ तुऐं जाणौए कै पवित्र शास्त्र कै तुऐं ना बौदलै सौकौ, जै सै लोगौ कै नेताओं कै ईशवर बौलल़ै,

यूहन्ना 17:4

जू काम तुऐं मुखै कौरणौ कै दैय राए थिया, तैसी काम कै पूरा कौरेयौ मोऐं दुनिया पांदी तैरै महिमा कौरे राए।

2 कुरिन्थियों 5:21

मसीह जू पाप शै अणजाण थिया, पौरमेशवरे अमारै पापौ कारिए मसीह खै दोषी ठैहरोऊवा, ताकि आमै पौरमेशवर कै नज़र दै धरमी बौणै जोऊं जिथुकै मसीहे अमारै पापौ कै सौजा आपी पांदी लौए।

गलातियौं 3:13

मसीह अमारै बौजैह शै क्रूसो पांदी मौरा तौ तैणै शराप खै आपी पांदी लोयो आमु मूसा कै कानून कै शराप शै बौचाए राए। जिथुकै पवित्र शास्त्र दो लैखै राए कै, “शरापित औसौ सै जू क्रूसो पांदी मारै दिया जाला।”