लूका 22:19 - सिरमौरी नौवाँ नियम

¹⁹ तोबै तैणै रोटी कौरी, औरौ पौरमेशवर का धन्यवाद कौरेयौ तुड़ी, औरौ तिनुखै एजो बौलेयौ दी, “ऐजा मैरा शोरीर औसौ, जू तुऔं कारिए दैय जांव: मैरै याद कारिए ऐशैखैई कौरेया।”

Sirmouri

¹⁹ तबे प्रभू यीशू ऐ रूटी करी, अरह्, धन्यबाद के प्रार्थना करियों तियों च़ुड़ी; अरह् ऐजो आप्णें चैले खे बुलो, “ऐजी मेरी देह्-शरीर असो; जुण्जी तुओं खे देऐ लऐ, अरह् मुँह च़ींत्तणों खे तुऐ ऐष्णों ही करिया करह्।”

लूका 22:19 ပူးပေါင်းရင်းမြစ်များ

मत्ती 14:19

तोबै यीशुए लोगौ खै घासो पांदी बौठणौ खै बौल़ौ, औरौ तिनी पाँच रोटी औरौ दु माछी कौरी, औरौ स्वर्ग कै ढौबौ दैखैयो पौरमेशवर का धन्यवाद कौरा, औरौ रोटी तौड़ै-तौड़ेयो चैलै खै दैन्‍दा लागा, औरौ चैलै लोगौ खै दी।

मत्ती 15:36

औरौ तिनु साती रोटी औरौ माछी कै उंढी कौरी औरौ पौरमेशवर का धन्यवाद कौरेयौ तुड़ी, औरौ आपणै चैलै खै दैंदा लागा औरौ चैलै लोगौ खै।

लूका 22:17

तोबै यीशुए अंगूर कै रस का छाना कौरेयौ पौरमेशवर का धन्यवाद कौरा औरौ बौल़ौ, “इथु लौ औरौ आपी मुंजी बांडै दैंव।

लूका 22:20

ऐशैखैई तैणै खाणौ कै बाद अंगूर कै रसो का भौरेयौंदा छाना ऐजौ बौलेयौ दियु, “ऐजा अंगूर कै रसो का छाना मैरै तैसी लोऊ कै जैशणा औसौ जू तुऔं कारिए बोवाए जांव, जू नोऐं कौरार औसौ।

लूका 24:30

जोबै यीशु तिनकै साथै खाणौ खांदा बौठा, तौ तैणै रोटी कौरेयौ पौरमेशवर का धन्यवाद कौरा, औरौ रोटी तौड़ेयो तिनु दैंदा लागा।

यूहन्ना 6:23

तौ हौजौ बै ठिकड़ी किश्तीया तिबिरियास शहर शै तैसी जौगैह कै नेड़िक आई, जिथै तिनुऐ प्रभु खै धन्यवाद कौरणौ कै बाद रोटी खैई थी।

यूहन्ना 6:51

जीवन कै रोटै जू स्वर्ग शै उतरी रौए सै हांव औसौ जै कुणिए इयौं रोटी पौरैशौ खांव तौ हमैशा जियुंदा रौंदा औरौ जू रोटै हांव दुनिया कै लोगौ खै जीवन कारिए दियुंबा, सै मैरा शोरीर औसौ।”

1 कुरिन्थियों 10:16

जोबै आमै यीशु मसीह कै मौत खै याद कौरणौ कारिए कौठै हौंव, तौ आमै छानै पौरैशौ अंगूर कौ रस पियौं, जिथकारिए आमै पौरमेशवर खै धन्यवाद दैय राए औरौ आमै तियौं रोटी खै बै खोऊं जू टुकड़ो दै तौड़ै राए। ऐजी ऐक याद औसौ कै आमै मसीह खै लोऊ औरौ शोरीर शै जू आर्शीवाद आंव तियौं साझैदारी दै शामिल होए रै।

1 कुरिन्थियों 10:4

तिनु सौबीए सैजौ पाणी पियुं जू पौरमेशवरे तिनु दियु थियु। तिनुऐ ऐकी चट्टान शै निकल़णौ वाल़ै पाणी खै पियुं, औरौ आमै तियौं चट्टान कै तुलना मसीह शै कौरे सौकौ जैणै तिनकै साथै रौयौ तिनु जीवन दिया।

गलातियौं 1:4

अमारै पौरमेशवर औरौ पिता की इछा कै हिसाब शै मसीह यीशुए आपी खै अमारै पापौ की बौजैह शै बलिदान कौरे राए ताकि सै आमु तिनु बुरी शोकतियौ शै आज़ाद कौरौ जू ऐलो दुनिया दी काम कौरौ।

गलातियौं 4:25

हाजिरा सीनै पाहाड़ कै, दरशांव जू अरब देश दौ औसौ। सै ऐलो कै यरूशलेम शहर कै जैशणी औसौ जियौंकै लोग मूसा कै कानून का पालन कौरणौ कै दवारा गुलाम औसौ।

इफिसियों 5:2

औरौ प्यार दै चालौ जैशै मसीहे बै तुऔंआरी प्यार कौरा; मसीह कै उदारण कै पौछौड़ियौ चालदै रौव, औरौ ओकीआरी प्यार शै भौरेयौंदा जीवन जियौ, जैणै तुंआरी प्यार कौरा औरौ तोंवारै पापौ कै उठाणौ कारिए आपी कै बलिदान कौरेयौ दैय दिया। औरौ पौरमेशवर खुश इथलैई थिया, जिथुकै सैजा बलिदान तैसी कारिए खुशबूदार इत्र कै जैशणा थिया।

1 थिस्सलुनीकियों 5:18

हर हाल दै धन्यवाद कौरौ: जिथुकै तुऔं कारिए मसीह यीशु दै पौरमेशवर कै ऐजी इछा औसौ।

तीतुस 2:14

यीशु मसीह आमु कारिए बलिदान हौए गौआ ताकि आमै सौबै जोणे पापौ शै आज़ाद हौए सौकु औरौ आमु संस्कार दै शुध्द हौए सौकु ताकि आमै तैसकै खास लोग बौणै जोऊं, जू भले काम कौरणौ कै बौड़ै इछा राखौ।

1 पतरस 2:24

जोबै मसीह मौरा, तौ अमारै पापौ कै बौजैह शै क्रूस पांदी तैसकै शोरीर खै सौजा दै। तैणै ऐशै इथकारिए कौरौ ताकि आमु पाप कौरणा बंद कौरे दियु औरौ धरमी जीवन जिणा शुरु कौरे दियु औरौ तिनु जख्मौ कै बौजैह शै जू मसीहे झैलै, आमै आत्मा, प्राण औरौ शोरीर दै ठीक हौए गौवै।