लूका 21:36 - सिरमौरी नौवाँ नियम

³⁶ इथकारिए बिजेयोंदे रौव औरौ हर घड़ी प्रार्थना कौरेया कौरौ, कै तुऐं इनु सौबै आणौवाल़ै संकट शै बौचणौ, औरौ मुखै आदमी कै बैटै कै सामणै खौड़ै हौणौ कै लायक बौणै सौकौ।”

Sirmouri

³⁶ ईन्देंखे हमेशा बीऊँजी रूऐ, अरह् प्रार्थना कर्दे रूऐ; जिन्दें लई तुऐं ईनू सब आँणों वाल़े, कष्ट-कल़ेष शे बंच्णों खे अरह् आदमी के बैटे के सहाँम्णें खह्ड़े रंहणों के तुओं खे शक्त्ति भेंटी सको।”

लूका 21:36 ပူးပေါင်းရင်းမြစ်များ

मत्ती 24:42

इथकारिए यीशुए आपणै चैलै खै बौल़ौ, तुऐं ना जाणौ कै तोंवारा प्रभु कोसी दूसै आन्दा।

मत्ती 24:43

पौरौ ऐजौ जाणै पाव कै जै घोरो का मालिक जाणदा कै चोर कोसी सौमय आन्दा, तोबै सै बिजी रौंदा, औरौ आपणै घोरो दै चोरी ना हौणौ दैंदा।

मत्ती 24:44

इथकारिए तुऐं बै तैयार रौया, जिथुकै जैसी सौमय कै बारै मुंजी तुऐं सोंचै बै ना रैई तैसी सौमय हांव आदमी का बैटा आए जांदा।”

मत्ती 25:13

इथकारिए जागदै रौव, जिथुकै ना तौ तुऐं तैसी दूस खै जाणौ औरौ ना तैसी सौमय कै जोबै हांव पाछु आन्‍दा।”

मत्ती 26:41

जागदै औरौ प्रार्थना कौरदै रौंव कै जोबै तोंवारै परीक्षा हौलै तोबै तुऐं मुं पांदी बिशवाश कौरणा बंद नी कौरौ। तोंवारा दिमाक ठीक काम कौरणा चांव, पौरौ तोंवारै शोरीरो दै ताकत कै कमी औसौ।”

मत्ती 8:20

यीशुए तैसीखै बौल़ौ, “सेयाल़ी कै डुँ औरौ गौयणै कै चुड़कुल़ै कै कोएलाण हौंव, पौरौ मुं आदमी कै बैटै कैंई घोर बै ना आथी जिथै हांव सोतै सौकु।”

मरकुस 13:33

दैखौ, जागदै औरौ प्रार्थना कौरदै रौव; जिथुकै तुऐं ना जाणौ कै हांव कोलो पाछु आन्दा।

मरकुस 13:37

औरौ जू मोऐं तुऔं कैई बौल़ै राए ऐजौई सौबी कैई बुलू: सौदा मैरै आणौ कारिए तैयार रौंव।”

लूका 1:19

स्‍वर्गदूतै तैसीखै जोवाब दिया, “हांव जिब्राईल औसौ; जू पौरमेशवर कै सामणै खौड़ा रौंव; औरौ मुखै तांवआरी बातौ कौरदा औरौ ताखै ऐजा सुसमाचार प्रचार कौरदा भैज राए।

लूका 18:1

यीशुए आपणै चैलै शै इथकै बारै मुंजी बौल़ौ, कै तिनु रौज प्रार्थना कौरणी चैंई औरौ हिम्मत नी छोड़णे चैंई। तैणै तिनु ऐजा उदारण दिया:

लूका 20:35

पौरौ जू लोग ऐसी लायक हौंदै, कै सै ऐसी जमाने दै औरौ मौरेयौंदे मुंजीदै जियुंदी हौए जालै, तौ तिनुमुंजी बैयाव ना हौंदै।

लूका 21:35

जिथुकै सैजौ दूस सारी धोरती कै सौबै रौणौवाल़ै पांदी ऐशैखैई आए जांदो।

प्रेरितो कै काम 10:2

सै पौरमेशवर कै भोक्‍ती कौरौ थिया, औरौ आपणै सौबै कुड़बे समैंत पौरमेशवर शै डौरौ थिया, औरौ गरीब यहूदी लोगौ कै बैजाए दान दैंव थिया, औरौ हमैशा पौरमेशवर शै प्रार्थना कौरौ थिया।

1 कुरिन्थियों 16:13

चौकश रौया, लगातार बिशवाश दै बौणैयौंदे रौया, हिम्मत वाल़ै बौणौ, पौरमेशवर कै साथै आपणै रिशतै कै मोजबूत राखौ।

2 कुरिन्थियों 4:14

जिथुकै आमै जाणुए, जैणै प्रभु यीशु खै मौरेयौंदे मुंजीदा जियुंदी कौरा, पौरमेशवर आमु बै यीशु कै साथै रौणौ कारिए जियुंदी कौरदा औरौ तुऔं लोगौ कै साथै आमुखै बै आपणै पौरमेशवर कै सामणै खौड़ा कौरदा।

कुलुस्सियों 4:2

लगातार प्रार्थना कौरदै रौव, औरौ जोबै तुऐं प्रार्थना कौरौ तौ चौकश रौव औरौ सौदा पौरमेशवर का धन्यवाद कौरदै रौव।

1 थिस्सलुनीकियों 5:17

सौदा प्रार्थना कौरदै रौव।

2 तीमुथियुस 4:5

पौरौ तू शान्तै शै रो, चाहै ताखै किछै बै हौए जांव औरौ चाहै इथमुंजी कैतरै बै दुख हौलै ताखै सुसमाचार बौताणौ कारिए कड़ी मैहनत कौरणी चैंई। औरौ पौरमेशवर का सेवक हौणै कै नातै ताखै सैजै सौबै काम कौरणै चैंई जू प्रभुए ताखै दैय राए।

1 पतरस 4:7

सौबी बातौ का अन्त तावल़ा हौणौवाल़ा औसौ; इथकारिए आछै शै सुंचौ औरौ आपी खै काबू दै राखैयौ प्रार्थना कौरणौ कारिए चौकश रौंव।

1 पतरस 5:8

चौकश रौव, औरौ जागदै रौव, जिथुकै शैतान, तोंवारा दुशमन तुऔं पांदी वार कौरणा चांव ताकि तुऐं पौरमेशवर कै आज्ञा ना मानौ। सै हुंगरौणौवाल़ै शेरो कै जैशणा औसौ, जू आगै-पाछैदा दैखौए कै सै कोसी कै खाए सौकौ।

1 यूहन्ना 2:28

ओए रै नानड़िया, मसीह कै साथै बौणैयौंदे रौव कै जोबै सै औटेयौ प्रगट हौंव तौ आमु हौंसला भैटौ, औरौ आमै तैसकै आणौ पांदी तैसकै सामणै बैज्जत ना हौंव।

यहूदा 1:24

पौरमेशवर तोंवारै रक्षा कौरणौ कै लायक औसौ, ताकि तुऐं सौबै पाप वाल़ै जीवन की बौजैह शै धौखा नै खांव। सै तुऔं महिमा वाल़ै पौरमेशवर यानी आपणै धोरे लाणौ दै औरौ तुऔं निर्दोष औरौ आनन्द शै भरपूर बाणणौ कै लायक औसौ।

प्रकाशितवाक्य 11:4

इनु दो गवाहो कै तुलना दो जैतून कै डाल़ औरौ दो दियोटो शै कौरे राए ऐजै दो आदमी, प्रभु कै सामणै खौड़ै रौंव, प्रभु जू सारै दुनिया का पौरमेशवर औसौ, तैसकै सामणै खौड़ै रौंव।

प्रकाशितवाक्य 6:17

जिथुकै सैजौ खतरनाक दूस आए गौ जोबै पौरमेशवर औरौ मेम्‍ना सौबी कै सौजा दैंदा, औरौ कुणिए बै ऐसी सौजा शै बौचै ना पांदै।”

प्रकाशितवाक्य 7:9

इथकै बाद मोऐं दैखौ कै लोगौ कै ऐक इशैक बौड़ी भीड़ थी कै कुणिए बै तिनु सौबी कै गिणै ना सौकौ थिए। सै दुनिया कै सौबी जाति, गोत्र, राष्ट औरौ भाषा मुंजीदै थिए। सै सिंहासन औरौ मेम्ने कै औगौड़ियौ खौड़ै थिए। तिनुऐ चिटै लुस्कै बाम्बै राए थिए औरौ सौबी आदमीए आपणै-आपणै हाथौ दी खजूरो की डाल़ी पाकड़ी रैई थी जू कै ऐक तैयारो कै निशानी कै जैशणा थिया

प्रकाशितवाक्य 8:2

औरौ मोऐं तिनु सातो स्‍वर्गदूतौ खै जू पौरमेशवर कै सामणै खौड़ै रौंव, दैखै, औरौ तिनु सात तुरहियाँ दैय दी।