लूका 21:19 - सिरमौरी नौवाँ नियम

¹⁹ आपणै भोरोशे कौरणौ शै तुऐं आपणै जिन्दगी कै बौचायौ राखदै।”

Sirmouri

¹⁹ आप्णी शाँण्त्ति-सबेर लई तुँऐं आप्णे पराँण बचाऐं पाँदे।

लूका 21:19 ပူးပေါင်းရင်းမြစ်များ

मत्ती 10:22

औरौ तुऐं मैरै चैलै औसौ इथकारिए सौबै लोग तुऔंआरी बैर कौरलै; औरौ जू आपणै मौरणौ कै सौमय तौड़ी मुं पांदी भोरोशा राखलै पौरमेशवर तैसीकै बौचाल़ा।

मत्ती 24:13

पौरौ जू आपणै मौरणौ कै सौमय तौड़ी मुं पांदी भोरोशा राखलै पौरमेशवर तिनुखै बौचायौ राखला।

लूका 8:15

पौरौ बड़िया जोमीनो कै बिज़ सैजै लोग औसौ, जू पौरमेशवर का वचन शोणेयो ईमानदारी औरौ आछै मनो दै सोम्‍भालयों राखौ औरौ धीरज राखैयौ फोल़ लांव।”

रोमियों 15:4

जैतरी बातौ आगै पवित्र शास्त्र दी लैखै रैई, सैजी अमारी ही शि‍क्षा खातिर लैखै राए, कै पवित्र शास्त्र शै जू आमु धीरज औरौ हिम्मत भैटौ ताकि आमु तिंदै आशा राखै सौकु कै पौरमेशवरे जू वादा कौरे राए थिया, सै पूरा कौरदा।

रोमियों 2:7

जू लोग सब्र कै साथै भौलाए कौरदै बैई महिमा, इज्जत औरौ सौदा कै जिन्दगी कै खोज़ दै लागैयौंदे रौंव, पौरमेशवर तिनु सौदा कै जिन्दगी दैंदा।

रोमियों 5:3

सिरफ ऐजौ ही नी, पौरौ आमै कौल़ेशौ औरौ पौरैशानी दै हौंव, तोबै बै खुशी हौए सौकौ, जिथुकै आमै जाणुए कै जोबै आमै दुख दै हौयौ जोऊं तोबै आमै हौजौ बै जादा सब्र राखणा शिखु,

रोमियों 5:4

औरौ पौरमेशवर आमु अपनावंए जोबै आमु सब्र औरौ आशा राखु।

रोमियों 8:25

पौरौ आमु किछै ऐशणौ भैटणौ कै उमीद औसौ, जू आमुकैंई इबी तौड़ी ना आथी, इथकारिए आमु सब्र कै साथै तांव तौड़ी ठोल़ु जांव तौड़ी कै आमु सैजी चीज़ भैटी नी जांव।

1 थिस्सलुनीकियों 1:3

औरौ जोबै आमु पिता पौरमेशवर शै प्रार्थना कौरु, तौ सैजै काम जू तुऐं बिशवाश कै बौजैह शै कौरौ, औरौ बिशवाशियौं कै मौदद कौरणौ कारिए जू कड़ी मैहनत कौरौ जिथुकै तुऐं तिनुआरी प्यार कौरौ, औरौ तुऐं सैहन कौरौ जिथुकै तुऐं प्रभु यीशु मसीह कै पाछु आणौ कै उमीद कौरे लोए।

2 थिस्सलुनीकियों 3:5

आमै प्रार्थना कौरु कै प्रभु यीशु मसीह तुऔं दिखांव कै पौरमेशवर तुऔंआरी कैतरा प्यार कौरौ, औरौ सताव खै तैशैखैई सैहन कौरेया जैशैखै मसीहे सैहन कौरे राए।

इब्रानियों 10:36

ऐबै तुऔं सब्र कै साथै सैहन कौरणौ कै जौरुरत औसौ, तोबैई तुऐं पौरमेशवर कै इछा कै पूरै कौरदै औरौ तुऔं सैजी सौबै चीज़ौ भैटदी जिथका वादा पौरमेशवरे कौरे राए।

इब्रानियों 6:11

आमै ना चोऊं कै तुऐं सुस्त बौणौ। पौरौ आमै चोऊं कै तुऐं कड़ी मैहनत कौरणौवाल़ै कै जैशणै प्यार कै कामौ खै कौरणा जारी राखौ, आखरी तौड़ी धीरज औरौ बिशवाश दै मोजबूत बौणैयौंदे रौव। औरौ मोजबूत आशा राखौ ताकि पौरमेशवर कै वादै खै पाए सौकौ।

इब्रानियों 6:15

अब्राहमै सब्र राखैयौ लाम्बै सौमय तौड़ी इंतजार कौरा। तोबै तैसी सैजौ भैटौ जिथका वादा पौरमेशवरे कौरे राए थिया।

याकूब 1:3

जिथुकै तुऐं जाणौए कै जोबै तोंवारा बिशवाश पोरखा जांव तोबै तुऐं साबित कौरौ कै तुऐं ऐबै बै पौरमेशवर पांदी भोरोशा राखौ, तौ तुऐं सब्र शै मुसीबतौ कै सैहन कौरे सौकौ।

याकूब 1:4

हरेक परीक्षा दा सब्र राखणा शिखौ, कै तुऐं आत्मिक रुप शै सियाणै हौए जांव, औरौ तुऔं दै कोसी बै आछै गुण कै कमी नै हौंव।

2 पतरस 1:6

औरौ तुऔं ना सिरफ ऐजौ जाणणौ चैंई कै सौमझदारी शै कैशै बर्ताव कौरणा, पौरौ तुऔं आपी खै बै तिनु बुरै कामौ खै ना कौरौ जू तुऐं कौरणा चांव औरौ तुऔं ना सिरफ आपी खै काबू दै राखणै चैंई, पौरौ तुऔं मुसीबत दै बै सब्र राखणा चैंई औरौ तुऔं ना सिरफ सब्र राखणा चैंई, पौरौ तुऔं ऐशणै तरीकै शै बै जीणु चैंई जू पौरमेशवर खै खुश कौरौ।

प्रकाशितवाक्य 1:9

हांव यूहन्ना, मसीह भाई औसौ, औरौ यीशु कै साथै मैरी एकजुटता कै बौजैह शै हांव तोंवारै साथै पौरमेशवर कै राज्य दा, दुखो दा, औरौ तिनु सैहणौ कै शौकतै दा शामिल औसौ, मुखै पतमुस टापू पांदी कैदी बाणैयौ छाड़ा जिथुकै हांव पौरमेशवर कै सौंदेश का औरौ यीशु दवारा प्रकट कौरे गौवै सौचाई का प्रचार कौरु थिया।

प्रकाशितवाक्य 13:10

जिनु लोगौ खै कोयद कौरा जाणा तय औसौ, सैजै निशोंक हौयौ कोयद कौरे जांदै, औरौ जिनु कारिए तय औसौ कै सै औकै लोगौ कै दवारा तलवार शै मारै जांदै, तौ सैजै निशोंक हौयौ तलवार शै ही मारै जांदै। इथकारिए जौरुरी औसौ कै पौरमेशवर कै लोग तिनु मुशकिलो खै सैहन कौरौ जू सै महसूस कौरौ औरौ बिशवाश कौरणौ दै मोजबूत रौंव।

प्रकाशितवाक्य 14:12

जिथुकै ऐजी बातौ हौंदी लागै रोई, इथकारिए पौरमेशवर कै लोगौ खै सब्र राखणा चैंई। ऐजै सैजै लोग औसौ जू पौरमेशवर कै आज्ञाओं खै मानौ औरौ ईमानदारी शै यीशु कै पाछैदै चालौ।

प्रकाशितवाक्य 3:10

तुऐं मैरै सौंदेश कै मानै राए ताकि जोबै तू दुख उठाए तौ तिनु सब्र लैई सैहन कौरे सौकै। इयौंई बौजैह शै, हांव ताखै बौड़ी परीक्षा कै सौमय दा तैरी रक्षा कौरदा। परीक्षा का ऐजा सौमय इयौं दुनिया कै सौब लोगौ पांदी आन्दा।