लूका 20:35 - सिरमौरी नौवाँ नियम

³⁵ पौरौ जू लोग ऐसी लायक हौंदै, कै सै ऐसी जमाने दै औरौ मौरेयौंदे मुंजीदै जियुंदी हौए जालै, तौ तिनुमुंजी बैयाव ना हौंदै।

Sirmouri

³⁵ परह् जुण्जे लोग ईन्दें ज़ुगे हों, के से मंरे अंदे मुझ्शे ऊबे जीयों, सेजे मरोद्, तिरंई, जाज्ड़े-बीयाव ने कर्दे।

लूका 20:35 ပူးပေါင်းရင်းမြစ်များ

मत्ती 12:32

जू कुणिए आदमी कै बैटै कै खिलाफ दै कुणजै बात कौरला, तैसका ऐजा अपराध माफ हौए जांदा, पौरौ जू कुणिए पवित्र आत्मा कै खिलाफ दो किछै बै बौलला, तैसका अपराध ना तौ ऐसी लोक दा औरौ ना ही परलोक दा माफ हौंदा।”

मत्ती 22:29

यीशुए तिनुखै जोवाब दिया, “तुऐं गौलत औसौ जिथु तुऐं पवित्र शास्त्र औरौ पौरमेशवर कै अनौखी शौकतै कै ना जाणौ।

मरकुस 10:42

तौ यीशुए तिनु सौबी कै आपणै धोरे बौएदैयौ तिनुखै बौल़ौ, “सैजै जू बैगानै यहूदी लोगौ मुंजी आपी खै राजाओं कै भैषो दै मानै जांव, औरौ तिनुकै दबायो राखौ औरौ तिनकै बौड़ै औधिकारी तिनु पांदी आपणा औधिकार चोलांव।

मरकुस 12:24

यीशुए तिनुखै बौल़ौ, “तुऐं गौलत औसौ जिथुकै तुऐं ना जाणौ कै पवित्र शास्त्र दो का लैखै राए, औरौ ना ही तुऐं पौरमेशवर कै अनौखी शौकतै कै जाणौ?

लूका 16:8

“मालिकै तैसी अधरमी भण्‍डारी कै तारीफ कौरे, कै तैणै चलाकी शै काम कौरे राए; जिथुकै ऐशैखैई दुनिया कै लोग आपणै सौमय कै लोगौ कै साथै बर्ताव कै मामलै दै पेयाशै कै लोगौ शै जादा चालाक औसौ।

लूका 21:36

इथकारिए बिजेयोंदे रौव औरौ हर घड़ी प्रार्थना कौरेया कौरौ, कै तुऐं इनु सौबै आणौवाल़ै संकट शै बौचणौ, औरौ मुखै आदमी कै बैटै कै सामणै खौड़ै हौणौ कै लायक बौणै सौकौ।”

यूहन्ना 5:29

जिनुवै आपणै जीवन दै भोलाए कौरे राए सै सौदा कै जिन्दगी पाणौ कारिए मौरेयौंदे मुंजीदै जियुंदी हौंदै औरौ जिनुवै बुराई मुंजी जीवन बिताए राए, सै सौजा पाए जाणौ कारिए जियुंदी हौन्दै।”

प्रेरितो कै काम 24:15

औरौ पौरमेशवर शै आशा राखु जू सैजै आपी बै राखौए, कै धरमी औरौ अधरमी दुईनै कै पौरमेशवर मौरेयौंदे मुंजीदा जियुंदी कौरदा।

प्रेरितो कै काम 5:41

सै इयौं बातौ लैई खुशी हौयौ महासभा कै सामणै दै आगु हौटै, कै आमु यीशु कै खातिर बैजत हौणौ कै लायक तौ ठौहरै।

2 थिस्सलुनीकियों 1:5

औरौ पौरमेशवर ऐसी सताव का इस्तैमाल आपणै न्याय खै दिखाणौ कारिए औरौ तुऔं आपणै राज्य कै लायक बाणणौ कारिए कौरदा, जैसी कारिए तुऐं दुख बै उठाए राए।

इब्रानियों 11:35

किछै बैटमाणिशै आपणै मौरेयौंदे लोगौ खै औटेयौ जियुंदी पाए; कैतरै तौ मार खाय-खायौ मौरे गौवै; पौरौ तिनुऐ आज़ाद हौणौ शै इन्कार कौरे दियु जिथुकै सै बिशवाश ना छोड़णा चांव थिए। सै जाणौ थिए कै जोबै सै औटेयौ मौरेयौंदे मुंजीदै जियुंदी हौंदै तोबै सै पौरमेशवर कै साथै हमैशा कारिए जियुंदी रौंदै।

प्रकाशितवाक्य 3:4

पौरौ सरदीस शहर दै तोंवारै बीच किछै ही लोग औसौ, जू पाप शै अशुध्द ना हौए रैई, सै शुध्द चिटै लुस्कै बाम्बैयौ मैरै साथै चालदै, जिथुकै सै इथ लायक औसौ।