लूका 20:24 - सिरमौरी नौवाँ नियम

²⁴ “मुखै ऐक रोमी सिका दिखाव। जिथकै धियाड़ी ऐकी दूसौ कै धियाड़ी कै बोराबर थै। इथपांदी कोसके छाप औरौ नांव औसौ?” तिनुऐ बौल़ौ, “रोम देश कै महाराजा (कैसर) कै छाप औरौ नांव औसौ।”

Sirmouri

²⁴ “मुँहँ कैई ऐक दीनार दे:खाव, अरह् बुलो, ईन्दें गाशी कंस्की मुँहर-छ़ाप, नाँव असो? तिन्ऐ बुलो, महाँ-राजा कैसर को नाँव अरह् तिन की ही मुँहर-छाप असो।”

लूका 20:24 ပူးပေါင်းရင်းမြစ်များ

मत्ती 18:28

“पौरौ जोबै सैजा नोकर बायरै ओऊवा, तौ तैसीआरी कै जू औकै नोकर थिए तिनु मुंजीदा ऐक नोकर तैसीखै भैटा, जैसकैंई तैसकै सौ चांदी कै सिके जिथकै कीमत सौ दूसौ कै धियाड़ै कै बराबर औसौ कर्जा दैणौ कै थियु; तैणै तैसीखै पाकड़ैबा तैसका शांगा पेंचा, औरौ बौल़ौ, ‘जू किछै तांव पांदी कर्जा औसौ तिथु पाछु दैय दै।’

मत्ती 20:2

औरौ तैणै मोजदूरो खै ऐकी दूसौ कै धियाड़ै कौरणौ कै बारै दै बात कौरे, औरौ तिनुखै आपणै अंगूरो कै बागो दै भैजै दिए।

मत्ती 22:20

तैणै तिनु कैईंदु पूछु, “इथपांदी छाप औरौ नांव कोसको औसौ?”

मरकुस 12:16

तिनुऐ चांदी का सिका यीशु कै धोरे लियोऊवा, औरौ यीशुए तिनुखै बौल़ौ, “इथपांदी छाप औरौ नांव कोसको औसौ?” तिनुऐ बौल़ौ, “रोम देश कै महाराजा (कैसर) कै छाप औरौ नांव औसौ।”

लूका 2:1

तिनु दूसौ दै रोम देश कै सम्राट औगुस्‍तुसे आपणै पूरै साम्राज्य कै गिनतै कौरणौ कै आज्ञा दै कै सारै रोमी साम्राज्य कै आदमियों कै नांव लिखै जांव।

लूका 20:22

का रोम कै महाराजा (कैसर) खै मूसा कै कानून कै हिसाब शै आमुखै कर दैणौ चैंई या ना दैणा चैंई?”

लूका 20:23

तैणै तिनकै चलाकी कै जाणैयौ तिनु बौल़ौ,

लूका 20:25

यीशुए तिनुखै बौल़ौ, “तौ जू महाराजा को औसौ, सैजौ महाराजा खै दैव, औरौ जू पौरमेशवर कौ औसौ सैजौ पौरमेशवर खै दैंव।”

लूका 23:2

औरौ सैजै ऐजौ बौलेयौ तैसी पांदी दोष लान्दै लागै, “आमुए ऐसी लोगौ कै बोयकांदे बैई औरौ रोम कै महाराजा कै मामला दैणौ शै मोना कौरदै बैई औरौ आपी खै मसीह, राजा बौलदै बैई बै शौणै राए।”

लूका 3:1

रोमी सम्राट तिबिरियुस महाराजा कै राज कै पोद्ररहवे सालो दै जोबै पुन्‍तियुस पिलातुस यहूदिया प्रदेश का राज्यपाल थिया। औरौ गलील जिले दा हेरोदेस राजा तैसका भेइया फिलिप्पुसे इतूरैया औरौ त्रखोनीतिस जिले दा राज कौरौ थिए। औरौ लिसानियास अबिलेने जिले दै राज कौरौ थिए।

प्रेरितो कै काम 11:28

तिनुमुंजी दै अगबुस नांव कै ऐकी पौरमेशवर की बातौ बौताणौवाल़ै खौड़ै हौयौ पवित्र आत्मा शै सौंदेश पायौ ऐजौ बौतौऊं, कै सौबै धोरती पांदी ऐक बौड़ा काल़ पौड़दा, औरौ सैजा काल़ महाराजा क्लौदियुस कै सौमय दा पौड़ा।

प्रेरितो कै काम 26:32

राजा अग्रिप्पाए राज्यपाल फेस्तुस खै बौल़ौ, “जै ऐजा आदमी ऐजी मांग नी कौरदा कै महाराजा (कैसर) तैसका न्याय कौरौ, तौ छौटे सौकौ थिया।”

फिलिप्पियों 4:22

सौबै पवित्र लोग खास कौरेयौ जू महाराजा कै महल दै जू बिशवाशी औसौ तुऔं खै नमशकार बौल़ौ।