लूका 2:9 - सिरमौरी नौवाँ नियम

⁹ औरौ एकदम प्रभु का ऐक स्‍वर्गदूत तिनकै धोरे आयौ खौड़ा हौआ; औरौ प्रभु कौ झमाकैदार पेयाशो तिनु पांदी चौमकौ, औरौ सै बौहितै डौरे गौवै।

Sirmouri

⁹ अरह् प्रभू का ऐक दूत्त तिन कैई आऐयों खड़ा हुवा; अरह् प्रभू का त्तेज-प्रकाष तिनके चौऊ ढबै चम्का, अरह् से बैजाऐ डरी गुऐ। थिऐ।

लूका 2:9 ပူးပေါင်းရင်းမြစ်များ

मत्ती 1:20

जोबै तैणै इनु बातौ खै सोंचै लोई थी तोबै स्‍वर्गदूत तैसकै सुईणै दा दैखिया औरौ बौलदा लागा, “ओए रै यूसुफ! दाऊद राजा कै वंश, तू आपणी हौणौवाल़ी घोरवाल़ी मरियम खै आपणै घोरे लाणौ खै डौरेया नै, जिथु जू तियांरै कोख दा औसौ, सै पवित्र आत्मा कै शौकतै शै औसौ।

लूका 1:28

औरौ स्‍वर्गदूतै तियौंकै धोरे भीतरै आयौ बौल़ौ, “खुशी औरौ जय तैरी हौं, पौरमेशवरे तांव पांदी बैजाए आर्शीवाद दैय राए! प्रभु तैरै साथै औसौ।”

लूका 2:8

औरौ तैसी देशो कै किछै चौराईया थिए, जू राती कै मैदानो पुंडे रौंव थिए औरौ आपणै झुंडो का पोएरा दैंव थिए।

लूका 24:4

जोबै सै ऐसी बातौ लैई हैरान हौए गौए, तौ दो मर्द चोमकैयौंदे खोटणो बाम्बेयो तिनकै धोरे आयौ खौड़ै हौए।

यूहन्ना 12:41

यशायाहै ऐजी बातौ इथकारिए बुली, कै तैणै यीशु कै महिमा सौमय दी आगै दैखै; औरौ तैसकै बारै मुंजी बातौ कौरी।

प्रेरितो कै काम 12:7

तोबै एकदम प्रभु का ऐक स्‍वर्गदूत पतरस कै नेड़िक खौड़ा हौआ, औरौ तियौं कोठरी दो पेयाशो चौमकौ, औरौ तैणै पतरस कै पोसली पांदी हाथ लायौ तैसी बिजाल़ा, औरौ बौल़ौ, “शट बिज़, तावल़ो कौर।” औरौ तैसकै हाथौ पौरैशी शांगुल़ी खौलेयौ धैनै छुटै गोई।

प्रेरितो कै काम 27:23

जिथुकै पौरमेशवर जैसका हांव औसौ, औरौ जैसकी हांव आराधना कौरु, तैसकै स्‍वर्गदूतै बियाल़ियो रातै मैरै धोरे आयौ खै बुलू,

प्रेरितो कै काम 5:19

पौरौ राती कै प्रभु कै ऐकी स्‍वर्गदूतै कोयदखाने कै दवार खौलेयौ तिनु बायरै लायौ बौल़ौ,

2 कुरिन्थियों 3:18

आमै सौबै ऐक शीशै कै जैशणै औसौ, जू पौरमेशवर कै पेयाशै खै ऐशणै चैहरै शै दैखु जिनुपांदी पोरदा ना पौड़ौ, तौ पौरमेशवर आमु लगातार बौढ़ेयौंदे पेयाशै दै जादा शै जादा आपणै जैशणै बाणौ। ऐजौ पेयाशो प्रभु शै ही भैटौ, जू पवित्र आत्मा औसौ।

2 कुरिन्थियों 4:6

इथकारिए कै पौरमेशवरे बौल़ौ, “इनारै मुंजीदौ पेयाशो चौमकौ,” औरौ पौरमेशवरे पेयाशै कै जैशणै अमारै मन दै सौमझ दै, ताकि आमु पौरमेशवर कै महिमा खै दैख सौकु जू यीशु मसीह दै प्रकट हौंव।

1 तीमुथियुस 3:16

बिना कोसी शक कै आमै इयौं बातौ कै साबित कौरे सौकु कै पौरमेशवर कै शिक्षाए बिना कोसी वाद विवाद कै पूरी तरह शै साची औसौ। मसीह ऐक आदमी बौणा, तैसी पवित्र आत्मा कै दवारा पौरमेशवरे आपणा बैटा साबित कौरा, स्‍वर्गदूतै तैसी दैखा, लोगै देश-देश दा तैसकै बारै मुंजी प्रचार कौरा, पूरी दुनिया कै लोगै तैसी पांदी बिशवाश कौरा, औरौ तैसी स्वर्ग कै महिमा दा स्वर्गो कै ऊबा निया।

इब्रानियों 12:21

औरौ सैजा दर्शन ऐशणा डौराणा थिया, इथै तौड़ी कै मूसाए बै बौल़ौ, “हांव बैजाए डौरु औरौ कामणियुए।”

प्रकाशितवाक्य 18:1

इथकै बाद, मोऐं स्वर्ग शै ऐक ओका स्‍वर्गदूतौ खै धैनै आन्दै बैई दैखा। तैसीकैईं बौड़ा औधिकार थिया औरौ तैसकै बौड़ै झमाकैदार चौमक कै बौजैह शै पूरी धोरती चौमकै गौए।

प्रकाशितवाक्य 20:11

तोबै मोऐं ऐक चिटा सिंहासन दैखा जिथपांदी पौरमेशवर बौठै रौआ थिया, पौरौ तिथै जिथै पौरमेशवर बौठै रौआ थिया, तिथैशै धोरती औरौ स्वर्ग सौबै गायब हौए गौवै, औरौ कोसीए बै तिनु औटेयौ ना दैखी।