लूका 2:49 - सिरमौरी नौवाँ नियम

⁴⁹ तैणै तिनु बौल़ौ, “तुऐं मुखै काए जौए लोआ थिया? का तुऐं जाणौ ना कै मुखै आपणै बापू कै घोरे हौणौ जौरुरी औसौ?”

Sirmouri

⁴⁹ तबे तेने टंड्कै यीशू ऐं आप्णी माँ खे बुलो, “तुँऐं मुँह, कैई जुह्ऐ लुवा थिया? कियो तुँऐं जाँण्दे ने के मुँखे आप्णें बाबा के भवन दो रंहणों जरूरी असो?”

लूका 2:49 ပူးပေါင်းရင်းမြစ်များ

मत्ती 21:12

यीशु पौरमेशवर कै मन्दिरो दा जायौ, तिनु सौबी खै, जू चीज़ौ औरौ गोरु कै बल़ि कारिए खोरिदणो औरौ बैचणो कै काम कौरौ थिए। तैणै तिनु लोगौ कै मेजो कै जू पौयसै बौदलौ थिए, औरौ कबूतर बिकणौवाल़ै कै मेजो कै पोलटै दियै।

लूका 2:48

तोबै तैसकै माँ बापू तैसीखै दैखैयो हैरान हौए गौवै औरौ तैसकी माँए तैसी बौल़ौ, “बैटा तुऐं आमुआरी ऐशैखै काए कियु? दैख तैरा बापू औरौ मोऐं ताखै बेचेनी शै जौए लौआ थिया।”

यूहन्ना 4:34

यीशुए तिनुखै बौल़ौ, “मैरौ खाणौ तैसी पौरमेशवर कै इछा कै मानणा औसौ जैणै मुखै भैजै राए, औरौ तैसी कामौ कै पूरा कौरणा जू तैणै मुखै दैय राए।”

यूहन्ना 5:17

इथपांदी यीशुए तिनुखै बौल़ौ, “मैरा पौरमेशवर जू मैरा पिता औसौ हमैशा काम कौरौ, औरौ मुखै बै काम कौरणा चैंई।”

यूहन्ना 5:36

मुंआगै यूहन्ना दै बौड़ी गवाही औसौ। सैजी टोल जू पिता पौरमेशवरे मुखै पूरै कौरणौ खै दैय राए, सैजी टोल मैरै बारै मुंजी गवाही दैंव जू टोल मोऐं कौरे लोए, सैजी टोल गवाही दैंव कै पिता पौरमेशवरे मुखै भैज राए।

यूहन्ना 6:38

जिथुखै हांव स्वर्ग शै आपणै इछा कै पूरै कौरणौ कारिए धैनै ना आए रैई पौरौ मुखै भैजणौवाल़ै पौरमेशवर कै इछा पूरै कौरणौ कारिए स्वर्ग शै भैजै राए।

यूहन्ना 8:29

मैरा भैजणौवाल़ा मैरै साथै औसौ, तैणै मुखै इकली ना छोड़े रैई जिथुखै हांव हमैशा सैजाई काम कौरु, जिथलैई सै खुश हौंव।”

यूहन्ना 9:4

जांव तौड़ी दूस औसौ, आमु भैजणौवाल़ै कै काम दौ लागैयौंदो रौणौ जौरुरी औसौ, जिथुकै सैजै रात आणौवाल़ै औसौ, जिथमुंजी कुणिए बै काम ना कौरे पांदै।