लूका 2:14 - सिरमौरी नौवाँ नियम

¹⁴ “स्वर्ग दै पौरमेशवर कै महिमा औरौ धोरती पांदी तिनु आदमी कै शान्तै भैटौ, जिनु लोगौ दा सै खुश औसौ।”

Sirmouri

¹⁴ “अस्माँनों दे पंण्मिश्वर के बड़ियाऐं, अरह् धर्ती गाशी तिनू आदमी गाशी जिन शे से खुशी असो, तिनू शाँण्त्ति भेंटली।”

लूका 2:14 ပူးပေါင်းရင်းမြစ်များ

मत्ती 21:9

औरौ जू भीड़ औगौड़ियौ-औगौड़ियौ जांव थी, औरौ पाछै-पाछैदै हांडो थी, सै जोर-जोर शै बौल़ौ थी, “दाऊद कै वंश कै बौड़ाए हौंव, धन्‍य औसौ सैजै जू प्रभु कै औधिकार शै आंव। पौरमेशवर कै बौड़ाए हौंव जू स्वर्ग दा रौंव।”

लूका 1:79

कै जू लोग इनारै दै औरौ सौदा कै मौत कै खतरै दै औसौ तिनुकै पेयाशो भैटी सौकौ। औरौ ऐजौ पेयाशो आमु जीवन की बाटो पांदी लोए जांदो जू आमु पौरमेशवर कै साथै शान्तै दैलौ।”

लूका 19:38

“धन्‍य औसौ सैजा राजा जू प्रभु कै औधिकार शै आंव। स्वर्ग दै शान्तै औरौ महिमा हौंव।”

लूका 2:13

तोबै एकदम तैसी स्‍वर्गदूत कै साथै बौहितै स्‍वर्गदूतौ का गुट पौरमेशवर कै स्तुति कौरदै औरौ ऐजौ बौलदै दैखियै,

लूका 2:15

जोबै सौबै स्‍वर्गदूत तिनकै धोरे दै स्वर्ग कै हौटै तौ चौराईयाए आपी मुंजी बौल़ौ, “आव, आमै बैतलहम गांव जायौ ऐजै बात जू हौए रौए, औरौ जू प्रभुए आमुखै बौताए राए दैखुबै।”

लूका 3:22

औरौ पवित्र आत्मा शोरीरो कै रुप दा कबूतर कै जैशणै तैसी पांदी उतरा औरौ पौरमेशवरे स्वर्ग पौरैशौ यीशु खै बौल़ौ, “तू मैरा प्यारा बैटा औसौ हांव तांवदा खुश औसौ।”

यूहन्ना 14:27

हांव तुऔं शान्तै दियु, यानी सैजै शान्तै जू मुंआगो औसौ। ऐजै सैजै शान्तै ना आथी जू दुनिया दैय सौकौ; तोंवारा मन नी घोबरांव औरौ ना डौरौ।

यूहन्ना 17:4

जू काम तुऐं मुखै कौरणौ कै दैय राए थिया, तैसी काम कै पूरा कौरेयौ मोऐं दुनिया पांदी तैरै महिमा कौरे राए।

यूहन्ना 3:16

“जिथुकै पौरमेशवरे दुनिया कै लोगौ शै ऐशणा प्यार कौरा, की तैणै आपणा इकलौता बैटा बै दैय दिया, ताकि जू कुणिए तैसी पांदी बिशवाश कौरौ सै नाश नी हौंव पौरौ सौदा कै जिन्दगी पांव।

प्रेरितो कै काम 10:36

तुऔं तैसी खबर कै बारै मुंजी पोता औसौ, जू पौरमेशवरे अमारै खातिर यानी इस्राएल देश कै लोगौ कै दैय राए थै। तैणै शान्तै कै बारै मुंजी सुसमाचार शुणौऊवा जू लोगौ खै यीशु मसीह पांदी बिशवाश कौरणौ कै दवारा भैटी सौकौ। सै सौबी लोगौ का पौरमेशवर औसौ।

रोमियों 5:1

इथकारिए जोबै आमै आपणै बिशवाश लैई धरमी बौणै गौवै, तौ अमारै प्रभु यीशु मसीह कै दवारा पौरमेशवर कै साथै अमारा मेलमिलाप हौए रोआ।

इफिसियों 1:6

इथकारिए आमै पौरमेशवर कै महान अनुग्रह कारिए तैसकै बौड़ाए कौरु, जू तैणै आमु ऐई मुंजी दैय राए जिथुकै आमै तैसकै प्यारे बैटै कै साथै ऐक औसौ।

इफिसियों 1:9

पौरमेशवरे सैजौई कौरौ, जू तैणै ठाणै राए थियु, औरौ तियौं मैसौ कै योजना कै बारै मुंजी बौतौऊ जियौं तैणै आगै दी ही मसीह कै दवारा पूरा कौरणौ का फोयसला कौरे राए थिया।

इफिसियों 2:4

पौरौ पौरमेशवर बैजाए दयालु औसौ; आपणै तैसी बौड़ै प्यार की बौजैह शै तैणै आमुआरी प्यार कौरा,

इफिसियों 2:7

पौरमेशवर ऐजौ इथकारिए कौरौ ताकि सै भविष्‍य दै सौबी कै बौताए सौकौ कै अमारै प्रति सै तैसी काम की बौजैह शै जू मसीह यीशुए अमारै खातिर कौरे राए महान अनुग्रह कै साथै पैश ओऊवा,।

फिलिप्पियों 2:11

औरौ पौरमेशवर पिता कै महिमा कारिए सौबै लोग अंगीकार कौरे पाव कै यीशु मसीह ही प्रभु औसौ।

फिलिप्पियों 2:13

जिथुकै पौरमेशवर ही औसौ, जू तुऔं मुंजी काम कौरौ औरौ सैजाई तुऔं काम कौरणौ कै इछा औरौ शौकतै दैंव जू तैसीखै खुश कौरौ।

कुलुस्सियों 1:20

पौरमेशवरे आपणै बैटै कै भैजणौ का फोयसला कौरा जैणै आपणा लोऊ बोऊंवा औरौ क्रूसो पांदी मौरे गौआ, पौरमेशवरे ऐशै आपणै औरौ सौबी चीज़ौ कै बीच मुंजी मैल मिलाप कौरवाणौ कारिए कौरौ। ऐशैखैई, तैणै आपणै औरौ तिनु सौबी कै बीच मुंजी शान्तै बाणै जू स्वर्ग औरौ धोरती पांदी रौंव।

2 थिस्सलुनीकियों 2:16

आमै आपी प्रभु यीशु मसीह शै, औरौ अमारै पिता पौरमेशवर शै प्रार्थना कौरु जू आमुआरी प्यार कौरौ औरौ जैणै आपणै अनुग्रह शै आमु सौदा हौंसला औरौ मोजबूत आश दैय राए।

प्रकाशितवाक्य 5:13

तोबै मोऐं स्वर्ग दा, औरौ धोरती पांदी, औरौ धोरती कै धैनै, औरौ समुन्द्र कै सौब बाणैयौंदी चीज़ौ खै, औरौ सौब ठुँ खै जू तिथमुंजी औसौ, ऐजौ बौलदै शुणु, “आव आमै सिंहासन पांदी बौठैयौंदे की औरौ मेम्ने की स्तुति औरौ आदर, औरौ महिमा हमैशा-हमैशा कारिए कौरदै रोऊं, जिथुकै सै सौबिदा जादा शौकतीशाली औसौ।”