लूका 19:47 - सिरमौरी नौवाँ नियम

⁴⁷ यीशु ऐई दूसै मन्दिर दा उपदैश दैया कौरौ थिया, औरौ मुख्य यहूदी पुरोहित औरौ यहूदी शास्त्री औरौ लोगौ कै नेता तैसीकै मारणौ का मौका जूओं थिए।

Sirmouri

⁴⁷ प्रभू यीशू रोज देऊँठी दे शिक्क्षा दियों थिऐ: अरह् मुँख्या-याजकों अरह् यहूदी-निय्म के शिखाँणों वाल़े, अरह् लोगो के मुँख्या लोग तिन की हंत्त्या कर्णो की ताक खोज दे थिऐ।

लूका 19:47 ပူးပေါင်းရင်းမြစ်များ

मत्ती 21:23

तैणै मन्दिरो दा जाऐबा उपदैश दैय लौआ थिया, तौ मुख्य यहूदी पुरोहित औरौ यहूदी शास्त्री औरौ बुड़ेईक तैसकै धोरे आयौ पूछदै लागै, “की तू ऐजै काम कोसी औधिकार शै कौरे? औरौ ताखै ऐजा औधिकार कुणै दैय राए?”

मत्ती 26:55

तैसी सौमय यीशुए भीड़ौ कै बौल़ौ, “का तुऐं डाकू कै जैशणै जाणैबा मुखै बोन्दी बौणाणौ कै तलवारी औरौ लाठी लोएबा निकल़ै रौवै? हांव तौ हर दूस यरूशलेम मन्दिर दा बोठेयो उपदैश दियु थिया, औरौ तोबै तुऐं मुखै ना थाम्बी।

मरकुस 11:18

ऐजौ बौलेबा मुख्य यहूदी पुरोहित औरौ यहूदी शास्त्री तैसीखै मारणौ का मौका जौंदै लागै कै तैसीखै मारै सौकौ पौरौ सै तैसिदै डौरौ थिए। जिथुकै जू किछै बै यीशुए शिखोऊ सैजी सौबै बातौ शौणैबा भीड़ौ कै लोग हैरान हौए जांव थिए।

मरकुस 12:12

औरौ यहूदी नेता यीशु कै थामणा चांव थिए; जिथुकै सै सौमझै गौवै थिए, कै यीशुए ऐजा उदारण तिनकै खिलाफ बौल़ै लौआ। पौरौ सै लोगौ दै डौरौ थिए; कै जै आमु यीशु कै थामो, तौ लोग आमु पांदी हमला कौरलै, एसी डौरौ शै यहूदी नेता तैसीखै छोडे़बा हौटै गौवै।

मरकुस 14:1

दु दूसौ कै बाद फसह को तैयार औरौ अखमीरी रोटी को तैयार शुरु हौणौवाल़ौ थियु। मुख्य यहूदी पुरोहितो औरौ यहूदी शास्त्री इयौं बातौ की ताको दै थिए कै यीशु खै कैशैखै धौखै शै उंढा पाकड़ैबा मारै दीं।

मरकुस 14:49

हांव तौ हर दूस यरूशलेम मन्दिरो दा तोंवारै साथै रौयौ उपदैश दियु थिया, औरौ तोबै तुऐं मुखै बोन्दी ना बाणी: पौरौ ऐजौ इथकारिए हौए रौ कै पवित्र शास्त्र की बातौ पूरी हौंव।”

लूका 19:48

पौरौ तिनुकै कुणजै बाट नी भैटदै लागै रैई थी; कै का कौरु, जिथुकै सौबै लोग यीशु खै दिल शै शुणौ थिए।

लूका 20:19

तैसी सौमय यहूदी शास्त्री औरौ मुख्य यहूदी पुरोहित यीशु खै थामणा चांव थिए, जिथुकै सैजै सौमझै गौवै थिए, कै यीशुए तिनकै खिलाफ उदारण बौल़ै राए पौरौ सै लोगौ दै डौरे।

यूहन्ना 10:39

तोबै तिनुऐ हौजौ तैसी थामणो कै कौचिश कौरे, पौरौ सै तिनुवांदा दूर हौटै गौआ।

यूहन्ना 18:20

यीशुए तिनुकै जोवाब दिया, मोऐं सौबीआरी खौलेयौ बातौ कौरी, मोऐं यहूदी सभा-घोरो औरौ मन्दिर दै जिथै सौबै यहूदी लोग कौठै हौया कौरौ थिए, सौदा उपदैश दिए औरौ गुप्‍त दौ किछै बै ना बुली।

यूहन्ना 7:19

मूसा पौरमेशवर कै बातौ बौताणौवाल़ै तुऔं खै कानून दैय राए, तौ बै तुऔं मुंजीदा कुणिए कानून पांदी ना हांडो। तुऐं किथु मुखै मारणा चांव?”

यूहन्ना 7:44

तिनुमुंजी किछै लोग तैसीखै थामणा चांव थिए, पौरौ कुणिए बै तैसी गिरफ्तार ना कौरी।