लूका 19:21 - सिरमौरी नौवाँ नियम

²¹ जिथुकै हांव तांवदा डौरु थिया, इथकारिए कै तू सख्त आदमी औसौ: जू तुऐं ना राखै रैई तिथैदौ तू ऊबु टिपै, औरौ जू तुऐं बोए ना रैई सैजौ तू काटै दैय।’

Sirmouri

²¹ किन्देंखे के हाँव ताँव्दा डरू थिया, के तू शक्त्त कठूर आदमी असो: जुण्जो तुँऐं थऐ ने थंई, सेजो तू ऊबो थागे; अरह् जुण्जों तुऐं बऐ ने थई, तैथू भे तू ऊडो लुणें।’

लूका 19:21 ပူးပေါင်းရင်းမြစ်များ

लूका 19:20

तिजै नोकरे आयौ बौल़ौ, ‘ओए रै मालिक दैख, तैरी मोहर ऐजी औसौ, जियौं मोऐं खोटणो दै बांनैयौ राखै राए थी।

लूका 19:22

मालिकै तैसी बौल़ौ, ‘ओए रै दुष्ट नोकर, हांव तैरा न्याय तैरै शब्द कै हिसाब शै कौरदा, तू मुखै जाणै थिया की हांव कठोर आदमी औसौ, जू मोऐं ना राखै रैई तिथैदौ टिपै दियु, औरौ जू मोऐं ना बोए रैई तिथैदौ काटै दियु।

रोमियों 8:15

जिथुकै तुऔंखै गुलामी कै आत्मा ना भैटी रैई, कै तुऐं औटेयौ पौरमेशवर शै डौरौ पौरौ पौरमेशवरे आमु पवित्र आत्मा कै संतान बाणै राए, जिथलैई आमै ओए रै बापू, ओए रै पिता बौलेयौ पुकारू।

रोमियों 8:7

जिथुकै पापी स्‍वभाव कै हिसाब शै जीवन जिणौ वाल़ा आदमी पौरमेशवर शै बैर राखणा औसौ, जिथुकै ना तौ पापी स्‍वभाव पौरमेशवर कै नियम-कानून कै अधीन औसौ, औरौ ना नियम-कानून का पालन कौरे सौकौ।

2 तीमुथियुस 1:7

पौरमेशवरे आमु कै डरपोक ना बाणै रैई। पौरौ तैसका आत्मा आमु कै आत्मिक सामर्थ दैंव, आमु कै ओकीआरी प्यार कौरणौ दै अमारै मौदद कौरौ औरौ आमु कै आत्म संयम दैंव।

याकूब 2:10

जिथुकै जू कुणिए सौबी कानून का पालन कौरौ, पौरौ ऐकी आज्ञा दा बै चौकी जांव तौ सै सौबी बातौ दा दोषी ठौहरौ।

1 यूहन्ना 4:18

प्यार दा डौर ना हौंव, पौरौ साचा प्यार डौर कै दूर कौरे दैंव, जिथुकै जू डौरौए सै सौजा शै डौरौ। औरौ जू डौरौए, सै प्यार दा सिध्द ना आथी।

यहूदा 1:15

सौबी लोगौ कै न्याय कौरणौ कारिए, औरौ तिनु सौबै बुरै कामौ कारिए जू लोगै कोरी राए औरौ तिनु पांदी दोष लाणौ कारिए जू तिनुऐ पौरमेशवर कै खिलाफ कौरे राए औरौ तिनु सौबी गौंदी बातौ कारिए जू तिनुऐ तैसकै खिलाफ बौल़ै रैई।”