लूका 18:22 - सिरमौरी नौवाँ नियम

²² ऐजौ शोणेयो, “यीशुए तैसी बौल़ौ, ऐबै बै तांव दै ऐकी बातौ की कमी औसौ, आपणौ सौबै ठुँ बिकैयो गोरीबो कै बांडै दै, तौ ताखै स्वर्गो दा धन भैटला, औरौ आयौ मैरा चैला बौणै जा।”

Sirmouri

²² ऐजो शुँणियों, प्रभू यीशू ऐ बुलो, “ताँव दे ऐबे भे ऐक कंम्मी असो, आप्णो बादो सब-कुछ बीकियों गरीब कंगालो खे बाँडी दे, अरह् मुँह पाछी चाल, तअ ताँव्खे स्वर्गो दो धंन भेट्लो।”

लूका 18:22 ပူးပေါင်းရင်းမြစ်များ

मत्ती 19:21

यीशुए तैसीखै बौल़ौ, “जै तू सिध्द हौणौ चांए; तौ जा, औरौ सौब ठुँ बिकैयो आपणा धन गोरीबो कै बांडै दै, तौ ताखै स्वर्गो दा धन भैटला, औरौ आयौ मैरा चैला बौणै जा।”

लूका 10:42

पौरौ ऐक बात जौरुर औसौ, मरियमे ऐजा बड़िया भाग छांटै राए, जू इयौं कैईंदा कुणिए बै उंढा ना छीणै सौकौ।”

लूका 12:33

आपणी जायदात बिकैयो दान कौरे दैव; औरौ आपी कारिए ऐशणै बोटुए बाणौ जू पुराणै ना हौंव, औरौ स्वर्ग दो ऐशणौ धन कौठौ कौरौ जू कम ना हौंव, औरौ जिथै ना तौ चोर जाए सौकौ, औरौ ना ही कीड़ा तिथुखै नाश कौरे सौकौ।

लूका 16:9

औरौ हांव तुऔं बुलू, कै दुनिया कै पौयसै लैई आपी कारिए दोस्त बाणै दैव, जिथुकै तोंवारै मौरणौ कै बाद ऐजौ गायब हौए जालो तौ सै तोंवारा सौदा कै घोरो दा स्वागत कौरलै।

लूका 18:21

तैणै बौल़ौ, “हांव तौ इनु बातौ कै बचपन शै ही मानदा आए रौआ।”

लूका 18:23

सै ऐजौ शोणेयो बैजाए उदास हौए गौआ, जिथुकै सै बैजाए सैठ थिया।

लूका 9:23

तैणै सौबी कै बौल़ौ, “जै तुऐं मैरै चैलै बौणणे चांव, तौ तुऔं खै आपणी इछाएं छुड़णी पौड़ली। औरौ रौज आपणा क्रूस टिपेबा मैरै पौछौड़ियौ चालणौ पोड़लो (आपणै क्रूस उठाणौ का मतलब औसौ दुख औरौ नेंदैया सोणै पोड़दै औरौ इथै तौड़ी कै आपणै प्राण बै दैणै पोड़लै)।

फिलिप्पियों 3:13

ओए रै बिशवाशी भाईयों हांव ऐजा दावा ना कौरु कै मोऐं सैजा मकसद पाए राए; पौरौ ऐजा ऐक काम कौरु कै जू आगै हौए गौ सैजौ मोऐं बैसरेयौ भविष्‍य कै मकसद कारिए कड़ी मैहनत कौरणी जारी राखै।

2 पतरस 3:8

ओए रै बिशवाशी भाईटु, इयौं ऐकी बातौ खै कौलोंई नी बिसरेया कै पौरमेशवर कारिए ऐक दूस ऐक हजार सालो कै जैशणौ औसौ औरौ ऐक हजार साल ऐकी दूसौ कै जैशणौ औसौ। प्रभु कारिए ऐक दूस औरौ ऐक हजार सालो सौबै ऐक बोराबर औसौ।