लूका 17:30 - सिरमौरी नौवाँ नियम

³⁰ औरौ तैसी दूस बै ऐशैखैई हौंदौ, जौल़ौ हांव आदमी का बैटा एकदम शै होटेयो पाछु आन्दा।”

Sirmouri

³⁰ अरह् तैसी देसे भे ऐष्णों ही हंदो; जैसी देसे आदमी का बैटा पर्गट हला।

लूका 17:30 ပူးပေါင်းရင်းမြစ်များ

मत्ती 16:27

हांव आदमी का बैटा आपणै स्‍वर्गदूतौ कै साथै आपणै पिता कै महिमा दा आन्दा, औरौ तैसी सौमय ‘सै सौबी खै तिनकै कामौ का इनाम दैंदा।’

मत्ती 24:3

जोबै सै जैतून धारो पांदी बौठै रौआ थिया, तोबै चैलै एकान्त जौगैह दै तैसकै धोरे आयौ बौल़ौ, “आमुखै बौताए दै ऐजी बातौ कोलो हौंदी? तैरै आणा का औरौ दुनिया कै अन्त का कुणजा निशान हौंदा?”

मत्ती 24:37

जैशै अमारै पुराणिया नूह कै दूसौ दो थियु, तैशैखैई मुं आदमी कै बैटै का आणा बै हौंदा।

मत्ती 24:39

औरौ जांव तौड़ी जलप्रलय आयौ तिनु सौबी खै बोवायो नी लोए गौए तांव तौड़ी तिनुकै किछै बै पौता ना चाली। तैशैखैई मुं आदमी कै बैटै का आणा बै हौंदा।

मत्ती 26:64

यीशुए तैसकै बौल़ौ, “तुऐं आपी ही बौल़ै दियु; पौरौ हांव तुऔं खै ऐजौ बै बुलू: की ऐबै शै तुऐं मुखै आदमी कै बैटै खै सौबिदा शौकतीशाली कै सोऐं ढौबौ बौठैयौंदे राज कौरदै दैखलै, औरौ तुऐं मुखै स्वर्गो शा गौयणै कै बादल़ौ पांदी आन्दै बैई दैखलै?”

मरकुस 13:26

तोबै लोग मुखै आदमी कै बैटै कै अनौखी शौकतै औरौ महिमा कै साथै बादल़ौ दै आन्दै बैई दैखलै।

लूका 17:24

जिथुकै जैशै बिजली गौयणै कै ऐकी कुणै पौरैशी निकल़ैयो गौयणै कै ओकी कुणै तौड़ी चौमकौ, ऐशैखैई हांव आदमी का बैटा बै पाछु ओऊंबा, औरौ सौबै लोग मुखै आन्दै बैई दैखदै।

लूका 17:29

पौरौ जैसी दूसै लूत सदोम शहर शै निकल़ा, तैसी दूसै आग औरौ गन्‍धक स्वर्ग पौरैशौ बोरशो औरौ शहर कै सौबी लोगौ कै नाश कौर दिए।

लूका 21:22

जिथुकै ऐजै बौदलै लोणो कै ऐशणै दूस हौंदै, जिंदी पवित्र शास्त्र की लिखयोंदी सौबै बातौ पूरी हौए जांदी।

लूका 21:27

तोबै मुं आदमी कै बैटै कै अनौखी शौकतै औरौ बौड़ै महिमा कै साथै बादल़ौ पांदी आन्दै दैखदै।

1 कुरिन्थियों 1:7

औरौ इयौं बौजैह शै, पवित्र आत्माए आमुखै सैजै सौबै वरदान दैय राए जिथकै आमु जौरुरत औसौ, जौबेकै आमै उम्मीद कै साथै अमारै प्रभु यीशु मसीह कै पाछु आणौ कै ठोल़नाए कौरे लौए।

1 कुरिन्थियों 1:8

पौरमेशवर तुऔं आखरी तौड़ी बिशवाश दै मोजबूत राखदा, ताकि जौल़ौ अमारा प्रभु यीशु मसीह औटेयौ पाछु आन्दा, तोलो तुऐं बैकसूर पाए जांव।

कुलुस्सियों 3:4

मसीह जू तुऔं नोऐं जिन्दगी दैंव, जोबै सै इयौं धोरती पांदी औटेयौ पाछु आन्दा, तोबै तुऐं बै तैसकै साथै आन्दै औरौ तैसकै महिमा दै शामिल हौए जांदै।

2 थिस्सलुनीकियों 1:7

सै तुऔं चैन दैंदा जिनुवै ऐबै दुख लौआ सैय, औरौ आमु कै बै। चैन दैंदा जोबै प्रभु यीशु आपणै शौकतीशाली स्‍वर्गदूतौ कै साथै स्वर्ग शै आन्दा लागै रौआ औरौ आग कै लोपटो शै घैरैयौंदा हौंदा।

1 पतरस 1:13

इथकारिए, जू किछै तुऐं सुंचौए तिथपांदी तुऔं काबू राखणा चैंई। औरौ ऐशै कौरेयौ आपणै जीवन दै पूरै तरह शै आपणै बिशवाश कै साथै चालौ। औरौ तियौं मोक्ति कै आशा राखैयौंदे राखौ जू पौरमेशवर अनुग्रह शै तुऔं तोबै दैंदा जोबै यीशु मसीह स्वर्ग पौरैशा आला।

1 पतरस 1:7

इनु मुसीबतौ का मकसद ऐजा दिखाणा औसौ कै का तुऐं सौथीखै पौरमेशवर पांदी भोरोशा राखौ। यीशु मसीह पांदी तोंवारा बिशवाश सूनै दा बै जादा कीमती औसौ। जैशै नाश हौणौवाल़ै सूनै खै आगी मुंजी जांचो औरौ शुद्ध कौरौ, तैशैखैई जै तोंवारा बिशवाश कड़ी परीक्षाओं कै दवारा पौरखै जाणौ कै बाद बै मोजबूत रौंव, तौ तोंवारा बिशवाश तैसी दूसै तुऔं बैजाए खुशी औरौ महिमा औरौ आदर दियांदा जोबै यीशु मसीह औटेयौ पाछु आन्दा।

1 पतरस 4:13

बस इथकै बारै मुंजी खुशी रौव, जिथुकै तुऔं तिनु दुखो दा ऐक हिस्सा भैटी रौआ जू मसीह खै भैटी रौवै थिए। इयौं बौजैह शै, जोबै मसीह सौब लोगौ खै आपणै महिमा प्रगट कौरणौ कारिए औटेयौ पाछु आन्दा तौ तोंवारा आनन्द सौथीखै बौड़ा हौंदा।

1 यूहन्ना 2:28

ओए रै नानड़िया, मसीह कै साथै बौणैयौंदे रौव कै जोबै सै औटेयौ प्रगट हौंव तौ आमु हौंसला भैटौ, औरौ आमै तैसकै आणौ पांदी तैसकै सामणै बैज्जत ना हौंव।

1 यूहन्ना 3:2

ओए रै प्यारो, ऐबै आमु पौरमेशवर कै ओलाद औसौ, औरौ इबी तौड़ी ऐजौ प्रगट ना हौए रैई कै आमु का बौणदै। आमु ऐतरो जाणु कै जोबै यीशु मसीह प्रगट हौला तौ आमै तैसकै जैशणै हौंदै जिथुकै आमै तैसीखै तैशणाई दैखदै जैशणा सै औसौ।

प्रकाशितवाक्य 1:7

शुणौ, सै बादल़ौ कै साथै आणौवाल़ा औसौ; हरेक आदमी तैसी दैखदा, औरौ सैजै लोग जू तैसकै मौत कारिए जुमैवार थिए, सैजै बै तैसी आन्दै बैई दैखदै औरौ धोरती कै सारै लोग जोर शै रुंदै जोबै सै तैसी दैखदै। हां ऐशै हौंदौ। आमीन।