लूका 17:16 - सिरमौरी नौवाँ नियम

¹⁶ औरौ सै यीशु कै लातो पांदी मुँह नियुड़ाएयो तैसका धन्यवाद कौरदा लागा, औरौ सैजा आदमी सामरिया इलाके का रौणौवाल़ा थिया।

Sirmouri

¹⁶ अरह् प्रभू यीशू का धन्यबाद कर्दे तिन के लातो गाशी आगु मुँऐ पड़ा; अरह् से सामरी थिया।

लूका 17:16 ပူးပေါင်းရင်းမြစ်များ

मत्ती 10:5

इनु बारौ चैलै खै यीशुए ऐजै आज्ञा देएयो भैजै कै, “बैगानै यहूदी लोगौ कै ढौबौ नै जाया, औरौ सामरी लोगौ कै कोसी नोगरो दै नै जाया।

मत्ती 2:11

औरौ तिनुऐ तैसी घोरो दै जाएयो तैसी बैटै खै तैसकै माँ मरियम कै साथै दैखा, औरौ तिनुऐ झोकैयौ तैसी बैटै खै ढाल़ कौरे, औरौ आपणा-आपणा झोल़ा खौलेयौ तैसीखै सूनु, लोबान औरौ गन्‍धरस कै भैंट चौढ़ाए।

मरकुस 5:33

तियौं बैटमाणिशै जाणै पोऊँ, कै यीशुए मुखै ठीक कौरे दै इथकारिए सै यीशु धोरे आए औरौ तैसकै लातो पांदी पौड़ै, डौरेयौ औरौ काम्बलेबा आए, औरौ तैसीकैईं सौबै ठुँ साचौ-साचौ बौल़ै दियु।

लूका 17:17

इथपांदी यीशुए बौल़ौ, “का सैजै दस आदमी ठीक ना होई, तौ तोबै सैजै नौ आदमी कुकै औसौ?

लूका 5:8

ऐजौ दैखैयो शमौन पतरस यीशु कै लातो पांदी पौड़ेयौ बौल़ौ, “ओए रै प्रभु मैरै धोरे दा आगु जा, जिथुकै हांव पापी आदमी औसौ!”

यूहन्ना 4:9

तियैं सामरी बैटमाणिशै यीशु खै बौल़ौ, “तू ऐक यहूदी औसौ, औरौ हांव ऐक सामरी बैटमाणिश औसौ। तू मुं कैईंदु पाणी किथुखै मांगै?” जिथुकै यहूदी लोग सामरियों कै साथै कैशणाई बै बर्ताव नै राखौ थिए।

यूहन्ना 5:23

जिथुकै जैशैखै सौबै लोग पिता पौरमेशवर कै आदर दैंव, तैशैखैई मुखै बै आदर दैंव; जै कुणिए मुखै आदर ना दैंव तौ सै पिता पौरमेशवर कै बै आदर ना दैंव जैणै मुखै छाड़ै राए।

यूहन्ना 8:48

ऐजौ शोणेयो यहूदी नेताए तैसीखै बौल़ौ, “आमै ठीक लो बौल़ै, कै तू सामरिया प्रदेश का रौणौवाल़ा औसौ, औरौ तांव दै दुष्टआत्मा औसौ।”

प्रेरितो कै काम 1:8

पौरौ जोबै पवित्र आत्मा तुऔं पांदी आला तोबै तुऐं अनौखी शौकतै पांदै, औरौ यरूशलेम शहर औरौ सौबै यहूदिया प्रदेश औरौ सामरिया प्रदेश तौड़ी औरौ सोंईसारी कै हर जौगैह तौड़ी लोगौ कै मैरै बारै मुंजी बौतांदै।”

1 कुरिन्थियों 14:25

सै जू शुणौए तिथकी बौजैह शै सै सौमझै जांदा कै पौरमेशवर तैसकै बुरै सोंच कै बारै मुंजी का सौंचै लौ, औरौ तैसी ऐहसास हौंदा कै सै पापी औसौ औरौ सै पाप कौरणा छोड़े दैंदा। औरौ तोबै सै घुंडू पांदी आयौ पौरमेशवर कै आराधना कौरदा औरौ मानै पांदा, कै सौथीखै पौरमेशवर तोंवारै बीच मुंजी औसौ।

प्रकाशितवाक्य 19:10

जोबै मोऐं शुणु तौ हांव तैसी आदमी कै सामणै झौकै गौआ जैणै मुंआरी बातौ कौरे लोई थी, जिथुकै हांव तैसकी आराधना कौरणौवाल़ा थिया। तैणै मुंकैई बौल़ौ, “मैरी आराधना नी कौर। पौरमेशवर ही औसौ जैसकै ताखै आराधना कौरणै चैंई। जिथुकै हांव बै तैशैखैई पौरमेशवर का ऐक सेवक औसौ, जैशै तू औसौ औरौ तैशैखैई जैशै यीशु मसीह पांदी बिशवाश कौरणौवाल़ै तैरै बिशवाशी भाई औसौ, जू बिशवाश कौरौ कै यीशु तिनका प्रभु औसौ। ऐजी सौचाई जू यीशुए दिखाए राए थी, तिथु साबित कौरणौ कारिए पवित्र आत्मा लोगौ खै काबिल बाणौ।”

प्रकाशितवाक्य 5:14

औरौ चोऊ प्राणीए “आमीन” बौल़ौ, औरौ सैजै पुराणिया झोकैयौ तैसकै आराधना कौरदै लागै।