लूका 17:1 - सिरमौरी नौवाँ नियम

¹ यीशुए आपणै चैलै कै बौल़ौ, “ऐजै बात पाकै औसौ कै परीक्षाएँ आदमी कै सामणै जौरुर आन्दी, जू तिनकै पाप कौरणौ कै बौजैह बोणदी पौरौ हाय तैसी पांदी जैसकी बौजैह शै परीक्षा आंव!

Sirmouri

¹ तबे प्रभू यीशू ऐ आप्णे चैले खे बुलो, “ऐशो ने हऐ सक्दो, के आदमी के परीक्षा के ढैस-ठोकर ने लागो; परह् नीरभाग असो! सेजा आदमी जैस्के कारण कोसी ओकी दी ढैस-ठोकर लागो।

लूका 17:1 ပူးပေါင်းရင်းမြစ်များ

मत्ती 16:23

तैणै पाछु फिरैयौ पतरस खै बौल़ौ, “ओए रै शैतान, मैरै सामणै दा दूर हौए जा: तू मुं कारिए ठोकर कै बौजैह औसौ; जिथु तोंवारै बिचार आदमी कै जैशणै औसौ, ना कै पौरमेशवर कै जैशणै औसौ।”

मत्ती 18:7

दुनिया कै लोगौ पांदी हाय जू पाप कौरणौ कै बौजैह बौणौ, लोगौ कारिए पाप कौरणौ कै परीक्षा सौदा आन्दै रौंदै, पौरौ हाय तैसी आदमी पांदी जू पाप कौरवाणौ कै बौजैह बौणौ।

लूका 16:31

तैणै तैसी बौल़ौ, जोबै सै मूसा कै कानून औरौ पौरमेशवर कै बातौ बौताणौवाल़ै कै आज्ञा ना मानौ, तौ जै कुणिए मौरेयौंदे मुंजीदा कुणिए बै जियुंदी हौला, तौ बै सै तैसका बिशवाश ना कौरदै।”

रोमियों 14:13

इथकारिए औगौड़ियौ कै आमु ऐकी दूजै पांदी दोष नी लाणा चैंई, पौरौ तुऐं ऐजौ ठाणै पाव कै कुणिए आपणै साथी बिशवाशी कारिए पाप कै जाल दै फोशणौ कै बौजैह ना बौणौ।

रोमियों 16:17

ऐबै ओए रै बिशवाशी भाईयों, हांव तुऔं कैईंदै बिन्ती कौरु, कै सैजै लोग जिनकै बौजैह शै ओकी लोगौ कै बिशवाश खत्म हौए जांव, सै ऐशणै काम कौरौ जू बटंवारै कै बौजैह बौणौ कै तुऐं तिनु लोगौ शै चौकश औरौ दूर रौव।

1 कुरिन्थियों 10:32

हांव आपणी भोलाए कै बारै मुंजी बिना सोंचै, सौबी खै खुश कौरणौ कै कौचिश कौरु, ताकि तिनु बौचाए सौकु। तैशैखैई तुऐं बै ऐशैखै रौव कै ना यहूदी लोगौ ना बैगानै यहूदी लोगौ ना पौरमेशवर कै कलीसिया कारिए कुणजै पौरैशानी या कुणजै ठोकर कि बौजैह बौणौ।

1 कुरिन्थियों 11:19

पौरौ निशोंक हौयौ तुऔं मुंजी बंटवारा हौणा चैंई, ताकि तुऔं लोगौ मुंजी जू पौरमेशवर कै चोणेयौंदे औसौ, तिनकी पौछेयाण हौए जांव।

1 कुरिन्थियों 8:13

इथकारिए, जै आमै मूर्ति खै चौढ़ाएयौंदो खाणौं खाणौ शै ओकी बिशवाशी कै बिशवाश खै खोए दैणौ कै बौजैह बौणौ, तौ हांव तैशणौ खाणौ कौलोंई ना खांदा जिथलैई हांव ओकी बिशवाशी कै बिशवाश कै खौणौ कै बौजैह बौणु।

1 तीमुथियुस 4:1

पवित्र आत्मा साफ-साफ बौल़ौ, कै इनु आखरी सौमय दै कैतरै लोग मसीही शिक्षाओं पांदी बिशवाश कौरणा बन्द कौरे दैंदै। सै तिनु अशुध्द आत्माओं कै मानदै जू तिनु भोटकांवए औरौ तिनु झूठी शिक्षाओं पांदी जू दुष्टआत्माओं कै ढौबौशी औसौ।

प्रकाशितवाक्य 2:14

पौरौ मुखै तांवआरी ऐजी शिकायत औसौ, जिथुकै तू तिनु लोगौ का विरोध ना कौरे जू झूठी शिक्षा दैंव, जैशैखै पौरमेशवर कै बातौ बौताणौवाल़ै बिलामै पुराणै सौमय दै दैय राए थै। बिलामै राजा बालाक कै शिखोऊ कै इस्राएल देश कै लोगौ खै पाप कौरणौ कारिए उकसाणौ कारिए का कौरणौ चैंई। तैणै तिनु मूर्ति खै चौढ़ाएयौंदो भोजन खाणौ औरौ बुरै ढंग शै जीणु शिखोऊ।

प्रकाशितवाक्य 2:20

पौरौ मुखै तुऔंआरी ऐजी शिकायत औसौ, कै तुऐं तियौं बैटमाणिश इजेबेल खै झूठी शिक्षा फोयलाणो दैंव। सै बौल़ौए कै सै ऐक पौरमेशवर कै बातौ बौताणौवाल़ी औसौ, पौरौ आपणी शिक्षाओं लैई सै मैरै लोगौ खै गौलत सौमबंध कै पापौ दै शामिल हौणौ कारिए औरौ मूर्ति खै चौढ़ाए जाणौवाल़ै खाणौं खाणौ कारिए भरमांव।”