लूका 16:25 - सिरमौरी नौवाँ नियम

²⁵ पौरौ अब्राहमै बौल़ौ, ओए रै बैटा याद कौर, कै तुऐं आपणै जिन्दगी दी आछी चीज़ौ पैई, औरौ तैशैकैई लाजरे बै बुरी चीज़ौ पाए रैई, पौरौ ऐबै इथै शान्तै पाए लोऐ, औरौ तू पीड़ो दा तौड़पे रौआ।

Sirmouri

²⁵ परह् बाबा अब्राहम ऐं तैस्खे बुलो, ‘हे बैटा, देई तअ चींत्ते करह् के तुँऐं आप्णी जीवन दी आच्छ़ी च़ीजों लंऐ थंई; परह् ऐसी लाजर दु:ख्ह ही दु:ख भेटी रूवा, परह् ऐबे ऐसी ईथै शाँण्त्ति भेटी रंऐ; अरह् तू तड़फ़ी रूवा।

लूका 16:25 ပူးပေါင်းရင်းမြစ်များ

मत्ती 27:63

औरौ बौल़ौ “ओए रै महाराज, आमु याद औसौ कै तैसी झूठै आदमीए आपणै जीतै जी बौल़ै राए थियु, कै मैरै मौरणौ कै ती दूसौ बाद हांव हौजौ जियुंदा हौए जांदा।

मरकुस 9:45

पाप कौरणौ कै सौब बौजैह खै आपणै जिन्दगी शै दूर कौरौ, जैशैकै तैरा लात तांव लैई पाप कौरांव तौ तैसी काटै दै। लोंगड़ा हौयौ स्वर्गो दो जाणौ ताखै ठीक औसौ। इथकै बौजैह कै दो लात हौंदै बैई नरको दा पांव।

लूका 16:20

औरौ तैसकै गैटौ धोरे लाजर नांव का ऐक गरीब आदमी पौड़ेयौंदा रौंव थिया, औरौ तैसकै शोरीर दै गुमड़ै हौए रौवै थिए।

लूका 16:23

औरौ नरक दौ तैणै पीड़ो दो पौड़ेयौ आपणी आखी लैई ऊबै दैखौ, औरौ दूरकै शा अब्राहम कै नेड़िक दा लाजर खै दैखा।

लूका 16:26

‘इनु सौबी बातौ छोड़ेयौ अमारै औरौ तोंवारै बीच ऐक बौड़ा गढा औसौ, कै जू इथैदा तिथैदा पार तोंवारै धोरे जाणौ चांव, सै ना जाए सौकौ; औरौ ना कुणिए तिथैदै अमारै धोरे आए सौकौ।’

लूका 6:24

“पौरौ हाय तुऔं पांदी जू सैठ औसौ, जिथु तुऐं आपणी सुख चोयन पाए राए।”

यूहन्ना 16:33

मोऐं ऐजी बातौ तुऔं इथकारिए बुली, कै तुऐं मैरै चैलै औसौ औरौ तुऔं शान्तै भैटौ; दुनिया पांदी तुऔं कौल़ेश हौंव, पौरौ हिम्मत राखौ, मोऐं इयौं दुनिया कै ठोगड़े यानी शैतान कै हराए दिया।”

प्रेरितो कै काम 14:22

औरौ हरेक नोगर दै चैलो कै मन खै मजबूत कौरदै रौवै औरौ ऐजै उपदैश दैंव थिए कै बिशवाश दै बौणैयौंदे रौव; औरौ ऐजौ बौल़ौ थिए, “कै आमु बौड़ै कौल़ेश शै हौयौ पौरमेशवर कै राज्य दो जाणौ पौड़दौ।”

रोमियों 8:7

जिथुकै पापी स्‍वभाव कै हिसाब शै जीवन जिणौ वाल़ा आदमी पौरमेशवर शै बैर राखणा औसौ, जिथुकै ना तौ पापी स्‍वभाव पौरमेशवर कै नियम-कानून कै अधीन औसौ, औरौ ना नियम-कानून का पालन कौरे सौकौ।

फिलिप्पियों 3:19

तिनका अन्त नाश औसौ औरौ तिनकी शारीरिक इछाएं तिनका ईशवर औसौ, सैजै शर्मनाक काम कौरणौ कै बारै दा घमण्‍ड कौरौ औरौ सौदा धोरती कै चीज़ौ कै बारै मुंजी सुंचदै रौंव।

1 थिस्सलुनीकियों 3:3

कै कुणिए इनु कौल़ेशौ कै बौजैह शै डगमगाऐ ना जांव; जिथुकै तुऐं आपी ही जाणौ थिए कै आमु कोष्ट सैहन कौरणै पौड़दै।

इब्रानियों 11:25

तैणै पौरमेशवर कै लोगौ कै साथै आपी पांदी आणौवाल़ै अत्याचार का चुनाव कौरा, बजाय इथकै कै दैणिक सौमय कारिए पाप कै सुख का आनन्द लोऊँ।

1 यूहन्ना 2:15

तुऐं दुनिया शै औरौ दुनिया की चीज़ौ आरी प्यार ना राखौ। जै कुणिए दुनिया आरी प्यार कौरौ, तौ तेसिदा पिता पौरमेशवर का प्यार ना आथी।

प्रकाशितवाक्य 7:14

मोऐं तैसीखै बौल़ौ, “ओए रै स्‍वामी, हांव ना जाणु पौरौ तू जाणै।” तैणै मुंकैई बौल़ौ, ऐजै सैजै लोग औसौ, जिनुवै बौड़ै कोष्ट महसूस कौरे। इनुवे आपणै लुस्कै कै मेम्ने कै लोऊ शै धोए पाए औरौ सै चिटै हौए गौवै, इथका मतलब ऐजा औसौ कै तिनकै पापौ कै मिटाए दिए गौवै।