लूका 16:24 - सिरमौरी नौवाँ नियम

²⁴ तोबै तैणै तैसीकै जोर शै बौल़ौ, ‘ओए रै बापू अब्राहम, मुं पांदी दया कौरेयौ लाजर कै छाड़ै दै, कै सै आपणी गुठी कै पाणी मुंजी बिजोयो मैरै जीभो कै शैल़ै कौरौ, जिथुकै हांव ऐसी आगी कै पीड़ो दा तौड़पे रौआ।’

Sirmouri

²⁴ तबे तेने धाव जुराल़ी लेरो माँरियों बुलो, ‘हे बाबा अब्राहम! मुँह गाशी दया-रंऐम करो; अरह् ऐसी लाजर ईथै मुँह कैई डेयाल़ो, जु ऐं आप्णी गुठी पाँणी मुँझी ढबोऐयों मेरी जीबों गाशी टीपु छ़ड़ियों मुँखे शैल़ाऐ पाड़ो; किन्देंखे के हाँव ईनू त्तात्तै लहयारें लई तड़फी रूवा।’

लूका 16:24 ပူးပေါင်းရင်းမြစ်များ

मत्ती 25:41

तोबै सै डैरै ढौबौ खौड़ै हौणौवाल़ै कै बौलदा, ‘ओए रै शरापित लोगौ, मैरै सामणै शै तियौं सौदा कै आग दै हौटै जांव, जू शैतान औरौ तैसखै दुष्टआत्मा खै पौरमेशवरे तैयार कौरे राए।

मत्ती 3:9

औरौ ऐजौ नै सोंचैया कै तुऐं ऐजौ बौलेयौ बौचै सौकौ कै अब्राहम अमारा बुड़ेईक औसौ। हांव तुऔं खै बुलू, की पौरमेशवर इनु पाथरो कौरेयौ अब्राहम कारिए तिथमुंजी दै वंश पौयदा कौरे सौकौ।

मत्ती 5:22

पौरौ हांव तुऔं खै ऐजौ बुलू, कै जू कुणिए आपणै भाई पांदी गुस्सा कौरला, अदालत दा पौरमेशवर तैसीकै सौजा दैला, औरौ जू कुणिए आपणै भाई खै निकम्मा बौलला तैसीखै महासभा दै सौजा भेटली; औरौ जू कुणिए बौल़ौए, ‘ओए रै मूर्ख’ सै नरक कै आग मुंजी सौजा कै लायक हौंदा।

लूका 16:30

तैणै बौल़ौ, ‘ओए रै बापू अब्राहम; ना, पौरौ जै कुणिए मौरेयौंदे मुंजीदै तिनु ऐजौ चिताए दैंव, तौ सै आपणै पाप कौरणा छोड़े दैलै।’

लूका 19:9

तोबै यीशुए तैसी बौल़ौ, “ऐलो ऐसी घोरे कै लोगौ मुंजी उध्दार आए रौआ, इथकारिए कै ऐजा बै अब्राहम का ऐक वंश औसौ।

लूका 3:8

आपी खै साबित कौरौ कै तुऐं आपणै पापौ कै छोडे़बा पौरमेशवर कै ढौबौ फैरै गौवै। औरौ ऐजौ नै सोंचैया कै तुऐं ऐजौ बौलेयौ बौचै सौकौ कै अब्राहम अमारा बुड़ेईक औसौ, हांव तुऔं खै बुलू, की पौरमेशवर इनु पाथरो कौरेयौ अब्राहम कारिए तिथमुंजी दै वंश पौयदा कौरे सौकौ।

यूहन्ना 4:10

यीशुए जोवाब दिया, “तू ना जाणै कै पौरमेशवर ताखै का दैणौ चांव, औरौ तू ऐजौ बै ना जाणै कै कुणै तांव कैईंदु पाणी मांगै लो। जै तू जाणदी तौ तू मुं कैईंदु मांगदै औरौ हांव ताखै पाणी दैंदा जू पाणी जीवन दैंव।”

यूहन्ना 4:14

पौरौ जू कुणिए तिथु पाणी मुंजी दो पिला जू हांव तैसीखै दियुंबा, सै सौदा तौड़ी तीशी ना रौंदा, औरौ जू पाणी हांव तैसीखै दियुंबा, सै तिथु मुंजी ऐक फटवाणी बौणै जांदो, जू तैसी पाणी कै दैंदा रौंव जू तैसी सौदा कै जिन्दगी तौड़ी दैला।”

यूहन्ना 7:37

हौजौ तैयारो कै आखरी दूस, जू मुख्य दूस औसौ यीशु खौड़ा हौआ औरौ जोर शै बौल़ौ, “जै कुणिए तिशा औसौ तौ मैरै धोरे आव औरौ पियौ।

रोमियों 4:12

औरौ अब्राहम खतना कौरेयौंदे का पुराणिया औसौ, जू ना सिरफ खतना पांदी आश राखदै बैई औसौ, पौरौ जिनुकैईं तैशणा बिशवाश औसौ, जैशणा अमारै पुराणिया अब्राहम का थिया, जू तैणै खतना कौरणौ दै आगै कौरे राए थिया।

2 थिस्सलुनीकियों 1:8

जू पौरमेशवर खै ना पौछेयाणौ, औरौ जू अमारै प्रभु यीशु मसीह कै बारै मुंजी सुसमाचार कै स्वीकार ना कौरौ सै तिनुकै सौजा दैंदा।

याकूब 2:13

जिथुकै जैणै दया ना कौरी, तैसका न्याय बै बिना दया का हौंदा दया न्यांव पांदी जीतै जांव।

याकूब 3:6

जीभ बै ऐक आग कै जैशणै औसौ; औरौ ऐजा शोरीर का सैजा हिस्सा औसौ जू बैजाए दुष्ट औसौ औरौ सारै शोरीर पांदी कलंक लांव, औरौ जीवन कै नाश कौरे सौकौ। ऐजै ऐक ऐशणै आग औसौ जू नरक शै आंव।

प्रकाशितवाक्य 19:20

सैजा राकस औरौ सैजा झूठा सौंदेश दैणौवाल़ा पाकड़ै गौआ। ऐजा झूठा सौंदेश दैणौवाल़ा सैजाई औसौ जैणै आगलै राकस कै ढौबौशै चौमत्कारी निशान दिखाए औरौ तिनु सौबी लोगौ कै भरमाए, जिनुवै आगलै राकस कै छाप आपणै माथै पांदी लाए राए थी, औरौ जू तैसकै मूर्ती कै पूजा कौरौ थिए। इनु दुईनै जीतै जी तियौं आग कै झीलो मुंजी पाए दियै, जू गन्धक लैई जौल़ौ।

प्रकाशितवाक्य 22:1

तोबै स्‍वर्गदूतै मुखै ऐक नोंदी दिखाए जिंदु जिन्दगी कौ पाणी थियु। पाणी साफ कांचो कै जैशणौ चौमकौ थियु। ऐजौ पौरमेशवर औरौ मेम्ने कै सिंहासन शै बौंहदौ लाग रौ थियु।