लूका 15:5 - सिरमौरी नौवाँ नियम

⁵ औरौ जोबै सैजै भेड़ भैटी जांव, तोबै सै बौड़ै खुश हौयौ तियौं कांधे पांदी टिपै दैंव।

Sirmouri

⁵ अरह् जबे सेजी पाऐ अंदी भैंड़ तेसी भेंटी ज़ाली तबे से बैजाऐ खुशी हऐयों तियों भेड़ आप्णे काँनों गाशी टीपियों घरेह् आँण्दा। लियादा।

लूका 15:5 ပူးပေါင်းရင်းမြစ်များ

लूका 15:32

पौरौ ऐबै जोश्न मोनाया औरौ खुशी हौया जिथुकै ऐजा तैरा भाई मौरे गौआ थिया औरौ ऐबै जियुंदा औसौ; ऐजा हाँईची गौआ थिया, ऐबै भैटी गौआ।”

लूका 15:4

“जै तुऔं मुंजी कोसीयागे सौ भेड़ो हौंव, औरौ तिनुमुंजी दै ऐक हाँईची जांव, तौ तुऐं पाका नीनाणुवें भेड़ो कै शुनशान जौगैह दी छोड़े दैलै, औरौ तांव तौड़ी तियौं ऐक हाँईचैयौंदी भेड़ कै जौया कौरदै, जांव तौड़ी सै भैटी नी जांव।

लूका 15:6

औरौ आपणै घोरे आयौ दोस्तो औरौ पड़ोसी कै कौठै कौरेयौ बौल़ौ, ‘मैरै साथै जोश्न मोनांव, जिथुकै मैरै हाँईचैयौंदी भेड़ भैटी गौए।’

लूका 19:9

तोबै यीशुए तैसी बौल़ौ, “ऐलो ऐसी घोरे कै लोगौ मुंजी उध्दार आए रौआ, इथकारिए कै ऐजा बै अब्राहम का ऐक वंश औसौ।

लूका 23:43

यीशुए तैसी बौल़ौ, “हांव ताखै साचौ बुलू कै ऐलोई तू मैरै साथै स्वर्ग दा हौंदा।”

यूहन्ना 15:11

मोऐं तुऔं ऐजी बातौ इथकारिए बुली, कै तुऔं दै सैजै खुशी हौंव जू मुं दै औसौ, औरौ तुऔं पूरी तरह शै खुशी भैटौ।”

इफिसियों 2:10

जिथुकै आमै पौरमेशवर कै बाणैयोंदै औसौ, औरौ मसीह यीशु दै आमु कै नौवें लोगौ कै रुप दै इथकारिए बाणै राए, ताकि आमै तिनु भले काम कै कोरयो जीवन बीतांव जिनु कामौ कै पौरमेशवरे औगौड़ियौ शै आमु कारिए तैयार कौरे राए।

इफिसियों 3:7

औरौ पौरमेशवरे मुखै ऐई मुंजी आपणा अनुग्रह औरौ बौड़ी शौकतै शै, सुसमाचार बौताणौ का सौभाग्य दैय राए।

1 थिस्सलुनीकियों 1:5

जिथुकै अमारा यीशु मसीह कै बारै मुंजी सुसमाचार तुऔं कैई बौताणा सिरफ बातौ मुंजी ही ना आथी, पौरौ पवित्र आत्मा कै अनौखी शौकतै लैई, पूरै आशवासन कै साथै ऐजा सुसमाचार साचा औसौ। जैशैखै तुऐं जाणौए कै तोंवारै कल्याण कारिए तोंवारै बीच दा अमारा चाल चलन कैशणा थिया।

इब्रानियों 12:2

आव आमै बिशवाश कै कर्ता औरौ सिध्द कौरणौवाल़ै यीशु खै बारै मुंजी सुंचदै रौं। तैणै तैसी आनन्द कारिए जू भविष्‍य दा तैसकै आगै राख राए थिया, लज्जा कै किछै फिकर नी कौरी, औरौ सै क्रूस का दुख सैयौ मौरे गौआ औरौ सौबीदै बौड़ै सिंहासन पांदी पौरमेशवर कै सोऐं ढौबौ बौठै गौआ।

1 पतरस 1:5

पौरमेशवर आपणै अनौखी शौकतै लैई तुऔं बौचायौ राखदा जिथुकै तुऐं यीशु मसीह पांदी भोरोशा राखौ। सै आखरी दूसौ तौड़ी जौल़ौ मसीह पाछु आला, तुऔं बौचायौ राखणा जारी राखदा। तोबै तुऐं जाणै पांदै कै पौरमेशवरे तुऔं पाप औरौ मौत शै पूरी तरह शै बौचाए राए।