लूका 15:29 - सिरमौरी नौवाँ नियम

²⁹ पौरौ तैणै बापू खै जोवाब दिया, ‘दैख, मोऐं ऐतरै सालो तौड़ी तैरै सेवा कौरे लोए औरौ कौलोंई बै तैरै बात ना टाल़ी, तोबै बै तुऐं मुखै कौलोंई बै आछौ ना दी कै हांव आपणै दोस्तो कै साथै जोश्न मोनाए सौकु।

Sirmouri

²⁹ जैठे बैटे आप्णे बाबा खे जबाब दिता, के दे:ख, हाँव ऐत्री सालह् शुभी तेरी सेवा करदा रूवा, अरह् कंद्दी भे मुँऐ तेरी अज्ञाँ ने टाल़ी; परह् तुँऐं मेरी ताँईऐं ऐक छ़ैल़्टू भे ने काटी थई, के हाँव भे कद्दी आप्णे दुस्त्तो आरी खुशी मनाँदा।

लूका 15:29 ပူးပေါင်းရင်းမြစ်များ

मत्ती 20:12

‘इनु जिनुवै पाछैदा ऐकैई घंटा काम कौरा, औरौ आमै जिनुवै तैज गर्मी दै बैजाए मैहनत कौरेयौ काम कौरा तुऐं तिनु बै अमारै बराबर धियाड़ै दै।’

लूका 15:28

ऐजौ शोणेयो सै गुस्से दा भोरै गौआ, औरौ घोर कै भीतरै नी हुटी, इथकारिए तैसका बापू बायरै ओऊवा औरौ तैसी घोरो कै भीतरै आणौ कारिए बिन्ती कौरदा लागा।

लूका 15:30

पौरौ जौल़ौ तैरा ऐजा बैटा ओऊवा, जैणै तैरै जायदात वेश्याओं मुंजी उड़ाए दै, तौ तैसी कारिए तुऐं ऐक बौड़ै दावत तैयार कौरे।’

लूका 15:7

हांव तुऔं बुलू; कै ऐशैखैई ऐक पाप कौरणौवाल़ै आदमी कै बारै मुंजी बै स्वर्ग दा ऐतरा ही जोश्न हौंदा, जिशैक कै नीनाणुवें ऐशणै धरमी लोगौ कै बारै मुंजी ना मौनाया जांदा, जिनु पाप कौरणै छौड़णौ कै जौरुरत ना आथी।”

लूका 17:10

ऐशैखैई तुऐं बै, जोबै तुऐं बै ऐजौ सौबै ठुँ कौरे पांव जू तुऔं कौरणौ बौल़ै राए थियु, तौ तुऔं ऐजौ बौलणौ चैंई कै, ‘आमुए निकम्मे नोकर औसौ; जू आमु कौरणौ चैंई थियु आमु सिरफ सैजौई कौरे राए।’”

लूका 18:9

तोबै यीशुए तिनु लोगौ खै जू आपणै बारै मुंजी सुंचौ थिए, कै आमु धरमी औसौ, औरौ ओकी खै बैकार जाणौ थिए, तिनुकै ऐजा उदारण दिया:

लूका 19:21

जिथुकै हांव तांवदा डौरु थिया, इथकारिए कै तू सख्त आदमी औसौ: जू तुऐं ना राखै रैई तिथैदौ तू ऊबु टिपै, औरौ जू तुऐं बोए ना रैई सैजौ तू काटै दैय।’

रोमियों 10:3

जिथुकै सैजै लोग पौरमेशवर कै धार्मिकता कै साबित कौरदै बैई, आपणै तरीकै शै धरमी बोणणौ कै कौचिश कौरौ, औरौ ना आपी कै पौरमेशवर कै धार्मिकता कै अधीन कौरौ।

रोमियों 3:20

मूसा कै कानून का पालन कौरेयौ लोग पौरमेशवर कै साथै सोही ना ठौहरै सौकौ, इथकारिए मूसा कै कानून कै दवारा आमु आछी तरह शै जाणु कै आमुए पाप कौरे राए।

रोमियों 3:27

तौ ऐबै आमै कियों बातौ पांदी घमण्‍ड कौरु? तिथका तौ कुणजाई मतलब ना आथी। कुणजै नियमौ की बौजैह शै? का अमारै मूसा कै कानून का पालन कौरणौ शै? ना, पौरौ यीशु मसीह पांदी बिशवाश कौरणौ की बौजैह शै।

रोमियों 7:9

आगै तौ हांव मूसा कै कानून कै बिना जाणै जियुंदी थिया, पौरौ जोबै मोऐं मूसा कै कानून जाणै पाए, तौ पाप कौरणौ कै शौकतै मुं दै बौढ़दै लागै, औरौ पापै मुखै पौरमेशवर शै जौई कौरे दिया।

प्रकाशितवाक्य 2:17

जिनु कुणिए मैरी बात शुणी लोए, सै ध्यान शै शोणेया कै पवित्र आत्मा कलीसियाओं शै का बौल़ौ: सैजै लोग जू जीत हासिल कौरौ, हांव तिनु तैसी मन्ना मुंजी दु किछै दैंदा जू छिपैयौंदा औसौ। हांव तिनु सोबी खै ऐक चिटा पाथर बै दियुंबा, जिथपांदी ऐक नौवाँ नांव लैखयौंदा हौंदा। जू आदमी तैसी पाए दैला, तैसी छोड़ेयौ कुणिए बै तैसी नांव खै ना जाणै सौकदा।

प्रकाशितवाक्य 3:17

तू सुंचै कै तू सैठ औसौ औरौ तांव कैई सैजौ सौब औसौ जिथकै ताखै जौरुरत औसौ, पौरौ तू ना जाणै कै इथकै सौचाई ऐजी औसौ कै तांव पांदी तरस आणा चैंई। जिथुकै सौचाई ऐजी औसौ कै तू गरीब औसौ, तांव कैई लुस्कै ना आथी, औरौ तू आन्धा औसौ।